ଭାରତରେ Roche ଆଣ୍ଟିବଡି ଡ୍ରଗ୍ ବ୍ୟବହାରକୁ ଅନୁମୋଦନ, କରୋନା କାଳରେ ନେବ ଗୁରୁତ୍ୱପୂର୍ଣ୍ଣ ଭୂମିକା
Roche ଏବଂ Regeneron ଦ୍ୱାରା ପ୍ରସ୍ତୁତ Casirivima ଏବଂ Imdevimabକୁ ଭାରତରେ ଜରୁରୀକାଳୀନ ବ୍ୟବହାର ପାଇଁ ଅନୁମୋଦନ କରାଯାଇଛି ।
ନୂଆଦିଲ୍ଲୀ : ଦେଶରେ କରୋନା ମହାମାରୀର ଦ୍ୱିତୀୟ ତରଙ୍ଗ ହଇଚଇ ସୃଷ୍ଟି କରିଛି । ଏକ ବର୍ଷ ପୂର୍ବେ ଚିହ୍ନଟ ହୋଇଥିବା ଏହି ରୋଗ ପାଇଁ ଏପର୍ଯ୍ୟନ୍ତ କୌଣସି ଔଷଧ ପ୍ରସ୍ତୁତ ହୋଇପାରିନାହିଁ । କରୋନା ଭାଇରସ ସାଧାରଣତଃ ଫୁସଫୁସ କିମ୍ବା କିଡନୀକୁ ପ୍ରଭାବିତ କରିଥାଏ । ଏହି ସମୟରେ ଆଣ୍ଚିବଡ଼ି ମାଧ୍ୟମରେ ଏହି ରୋଗକୁ କିଛି ମାତ୍ରାରେ ରୋକାଯାଇପାରେ । Roche ଏବଂ Regeneron ଦ୍ୱାରା ପ୍ରସ୍ତୁତ Casirivima ଏବଂ Imdevimabକୁ ଭାରତରେ ଜରୁରୀକାଳୀନ ବ୍ୟବହାର ପାଇଁ ଅନୁମୋଦନ କରାଯାଇଛି ।
ସୂଚନା ଅନୁଯାୟୀ, କରୋନା ମହାମାରୀ ସମୟରେ ସେଣ୍ଟ୍ରାଲ୍ ଡ୍ରଗ୍ ଷ୍ଟାଣ୍ଡାର୍ଡ କଣ୍ଟ୍ରୋଲ୍ ଅର୍ଗାନାଇଜେସନ୍ (CDSCO) ଏହି ଆଣ୍ଟିବଡି ଔଷଧ ପାଇଁ ତଥ୍ୟ ଯାଞ୍ଚ କରିଛି । ଏହାପୂର୍ବରୁ ଆମେରିକାର ଡ୍ରଗ୍ ନିୟାମକମାନେ ଏହାର ଜରୁରୀକାଳୀନ ବ୍ୟବହାରକୁ ମଧ୍ୟ ଅନୁମୋଦନ କରିଥିଲେ । ବର୍ତ୍ତମାନ ଭାରତରେ ଅନୁମୋଦନ ପରେ ଏହାକୁ ସହଜରେ ଆମଦାନୀ କରାଯାଇପାରିବ । ଆହୁରି ମଧ୍ୟ ପ୍ରସିଦ୍ଧ ଫାର୍ମାସ୍ୟୁଟିକାଲ୍ କମ୍ପାନୀ ସିପ୍ଲା ଲିମିଟେଡ୍ କାସିରିଭିମା ଏବଂ ଇମ୍ଡେଭିମାବର ବଣ୍ଟନ ମଧ୍ୟ ଦେଖିବାକୁ ମିଳିବ ।
ଗତ ମାସରେ କମ୍ପାନୀ କହିଛି ଯେ, ଆକ୍ଟେମ୍ରା (ଟୋକିଲିଜୁମାବ) ର ଉତ୍ପାଦନ କ୍ଷମତା ବୃଦ୍ଧି ପାଇଁ ଏହା କାର୍ଯ୍ୟ କରୁଛି । ଯାହା COVID-19 ର ଚିକିତ୍ସାରେ ବ୍ୟବହୃତ ହୋଇପାରେ । ରୋଚେ ଅନୁଯାୟୀ ତାଙ୍କ କମ୍ପାନୀ ଉତ୍ପାଦନ କ୍ଷମତା ଏବଂ ଯୋଗାଣ ବୃଦ୍ଧି ପାଇଁ ଏହାର ନେଟୱାର୍କକୁ ତ୍ୱରାନ୍ୱିତ କରୁଛି । ଭାରତରେ ସଂକ୍ରମଣ ସଂଖ୍ୟା ବଢିବା ସହିତ ହସ୍ପିଟାଲରେ ଭର୍ତ୍ତି ହେବା ଏବଂ ସ୍ୱାସ୍ଥ୍ୟ ସେବା ଉପରେ ଚାପ କମାଇବାରେ ଏହା ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି କମ୍ପାନୀ ପକ୍ଷରୁ କୁହାଯାଇଛି ।
Click it and Unblock the Notifications
Sign in with Google