କରୋନା ଭାଇରସ୍ : ନାସାଲ୍ ଟିକା ଅନୁମୋଦନ କଲେ ଭାରତ ସରକାର

କରୋନା ଭାଇରସ ଯେପରି ପୁଣି ଥରେ ବିସ୍ତାର କରୁଛି, ତାକୁ ଦୃଷ୍ଟିରେ ରଖି ଭାରତ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ସରକାରୀ ସୂତ୍ର ଅନୁଯାୟୀ, ଭାରତ ସରକାର ନାସାଲ୍ ଟିକାକୁ ସବୁଜ ସଙ୍କେତ ଦେଇଛନ୍ତି ।

Published: Friday, December 23, 2022, 12:07 [IST]

ନୂଆଦିଲ୍ଲୀ: କରୋନା ଭାଇରସ ଯେପରି ପୁଣି ଥରେ ବିସ୍ତାର କରୁଛି, ତାକୁ ଦୃଷ୍ଟିରେ ରଖି ଭାରତ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ସରକାରୀ ସୂତ୍ର ଅନୁଯାୟୀ, ଭାରତ ସରକାର ନାସାଲ୍ ଟିକାକୁ ସବୁଜ ସଙ୍କେତ ଦେଇଛନ୍ତି । ଏହି ନାସାଲ୍ ଟିକା ଏକ ହେଟେରୋଲୋଗଦସ୍ ବୁଷ୍ଟର୍ ଭାବରେ ବ୍ୟବହୃତ ହେବ । ସର୍ବପ୍ରଥମେ ଏହାକୁ ଘରୋଇ ଡାକ୍ତରଖାନାଗୁଡ଼ିକୁ ଯୋଗାଇ ଦିଆଯିବ । ଆଜିଠାରୁ ଏହି ନାସାଲ୍ ଟିକା କୋଭିଡ୍ ଟୀକାକରଣ ଅଭିଯାନରେ ଅନ୍ତର୍ଭୁକ୍ତ ହେବ ।

ଆପଣଙ୍କୁ କହି ରଖୁଛୁ ଚାଇନାରେ କରୋନା ଓମିକ୍ରନ୍ ର ନୂତନ ଭାରିଆଣ୍ଟ BF7 ଲୋକଙ୍କ ଚିନ୍ତା ବଢାଇ ଦେଇଛି । ବହୁ ସଂଖ୍ୟକ ଲୋକ ସଂକ୍ରମିତ ହେଉଛନ୍ତି, ଯେଉଁ କାରଣରୁ ସମସ୍ତ ଦେଶକୁ ସତର୍କ କରାଯାଇଛି ।

ସ୍ୱାସ୍ଥ୍ୟମନ୍ତ୍ରୀ ଡକ୍ଟର ମାନସୁଖ ମାଣ୍ଡଭିୟା କହିଛନ୍ତି ଯେ ଭାରତ ବାୟୋଟେକର ନାସାଲ୍ ଟିକାକୁ ଅନୁମୋଦନ କରାଯାଇଛି, ଯାହାକି କୋୱିନ ଆପରେ ସାମିଲ କରାଯିବ । ଏହାପୂର୍ବରୁ ମଧ୍ୟ ଦେଶରେ ଭାରତ ବାୟୋଟେକର ନାସାଲ କୋଭିଡ ଟିକା ଆରମ୍ଭ ହେବ ବୋଲି ଖବର ଆସିଥିଲା । ଭାରତ ବାୟୋଟେକ୍ କୋଭାକ୍ସିନ୍ ପ୍ରସ୍ତୁତ କରିଛି ।

ଭାରତ ବାୟୋଟେକର ନାସାଲ ଟିକା ଇଞ୍ଜେକ୍ସନ ବିନା ଦିଆଯିବ । ଏହା ହେଉଛି ଭାରତର ପ୍ରଥମ ଏଭଳି ବୁଷ୍ଟର୍ ଡୋଜ୍ ଯାହା ନାସାଲ୍ ସ୍ପ୍ରେ ମାଧ୍ୟମରେ ଦିଆଯିବ । ଏହା 18 ବର୍ଷରୁ ଅଧିକ ଲୋକଙ୍କୁ ଦିଆଯାଇପାରେ । ତେବେ ଏହି ଟିକା ମୂଲ୍ୟ ଏପର୍ଯ୍ୟନ୍ତ ଜଣାପଡିନାହିଁ । ବେସରକାରୀ ତଥା ସରକାରୀ ଡାକ୍ତରଖାନାଗୁଡ଼ିକରେ ଏହି ଟିକା ଯୋଗାଇ ଦିଆଯିବ । ବର୍ତ୍ତମାନ କୋୱିନ୍ ଆପରେ ଭାରତ ବାୟୋଟେକର କୋଭାକ୍ସିନ, ସେରମ୍ ଇନଷ୍ଟିଚ୍ୟୁଟର କୋଭିଶିଲ୍ଡ ଏବଂ କୋଭାକ୍ସିନ୍, ରୁଷର ସ୍ପୁଟ୍ନିକ୍ ଭି ଏବଂ ବାୟୋଲୋଜିକାଲ୍ ଇ ଲିମିଟେଡ୍ ର କୋର୍ବିଭାକ୍ସ ଟିକା ଉପଲବ୍ଧ ।

Published On December 23, 2022