ବାୟୁସେନାର 89 ତମ ସ୍ଥାପନା ଦିବସ : IAF ର ତିନୋଟି ୟୁନିଟ୍ କୁ ମିଳିବ ‘ଚିଫ୍ ଅଫ୍ ଏୟାର୍ ଷ୍ଟାଫ୍ ୟୁନିଟ୍' ପ୍ରଶସ୍ତିପତ୍ର
8 ଅକ୍ଟୋବର 1932 ରେ ଭାରତୀୟ ବାୟୁସେନା ଗଠନ କରାଯାଇଥିଲା । ଭାରତୀୟ ବାୟୁସେନା ଦିବସର ଏହି ବିଶେଷ ଉତ୍ସବରେ ଚଳିତ ବର୍ଷ ତିନୋଟି ୟୁନିଟକୁ ‘ଚିଫ୍ ଅଫ୍ ଏୟାର୍ ଷ୍ଟାଫ୍ ୟୁନିଟ୍' ପ୍ରଶସ୍ତିପତ୍ର ପ୍ରଦାନ କରାଯିବ ।
ନୂଆଦିଲ୍ଲୀ : ଆଜି ହେଉଛି ଭାରତୀୟ ବାୟୁସେନାର 89 ତମ ସ୍ଥାପନା ଦିବସ । ପ୍ରତିବର୍ଷ 08 ଅକ୍ଟୋବରରେ ଭାରତୀୟ ବାୟୁସେନା ଦିବସ ପାଳନ କରାଯାଏ । 8 ଅକ୍ଟୋବର 1932 ରେ ଭାରତୀୟ ବାୟୁସେନା ଗଠନ କରାଯାଇଥିଲା । ଭାରତୀୟ ବାୟୁସେନା ଦିବସର ଏହି ବିଶେଷ ଉତ୍ସବରେ ଚଳିତ ବର୍ଷ ତିନୋଟି ୟୁନିଟକୁ 'ଚିଫ୍ ଅଫ୍ ଏୟାର୍ ଷ୍ଟାଫ୍ ୟୁନିଟ୍' ପ୍ରଶସ୍ତିପତ୍ର ପ୍ରଦାନ କରାଯିବ । ଏହି ୟୁନିଟ୍ ଗୁଡିକରେ 26 ଫେବୃଆରୀ 2019 ପରେ ବାଲାକୋଟ ଏୟାର ଷ୍ଟ୍ରାଇକ୍ କରିଥିବା, ଅପେରଲ ଠାରୁ ଚୀନ୍ ସାମ୍ନାରେ ଲଦାଖ ସେକ୍ଟରରେ ଅପରେସନ୍ କରିବା ସମେତ 47 ଟି ସ୍କ୍ୱାଡ୍ରନରେ ସାମିଲ ଥିଲେ ।
ଅଲ୍ଟ୍ରା ଲାଇଟ୍ ହେଲିକପ୍ଟର ରୁଦ୍ର ସହିତ 116 ହେଲିକପ୍ଟର ୟୁନିଟ୍ ମଧ୍ୟ ବାଲାକୋଟ ଏୟାର ଷ୍ଟ୍ରାଇକ୍ ପରେ ପାକିସ୍ତାନ ସୀମାରେ ଚାଲିଥିବା ଅପରେସନ୍ ପାଇଁ ବାୟୁସେନା ମୁଖ୍ୟଙ୍କ ଦ୍ୱାରା ପ୍ରଶଂସା ପାଇବ । ପରେ ଏହି ହେଲିକପ୍ଟର ୟୁନିଟ୍ ଗୁଡିକ ଗାଲୱାନ୍ ଭ୍ୟାଲିରେ ଷ୍ଟାଣ୍ଡଅଫ୍ ପରେ ଉତ୍ତର ସୀମାରେ ନିୟୋଜିତ କରାଯାଇଥିଲା ।
ଏଥି ସହିତ, କାଶ୍ମୀରର ଲଦାଖରେ ବାୟୁ ପ୍ରତିରକ୍ଷା ପାଇଁ ନିୟୋଜିତ 2255 ସ୍କ୍ୱାଡ୍ରନ୍ କୁ ମଧ୍ୟ ପ୍ରଶସତ୍ ପତ୍ର ଦେଇ ସମ୍ମାନିତ କରାଯିବ । ଏହି ସ୍କ୍ୱାଡ୍ରନ୍ ଗଲଭାନ୍ ଉପତ୍ୟକାରେ ଚୀନ୍ ସହିତ ବିବାଦ ପରେ ଜୁନ୍ 2020 ରେ ବାୟୁ ପ୍ରତିରକ୍ଷା ପାଇଁ ଲଦାଖକୁ ପଠାଯାଇଥିଲା ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ବାୟୁସେନା ଦିବସରେ ବାୟୁସେନାକୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ମୋଦୀ ଟୁଇଟ୍ କରି କହିଛନ୍ତି ଯେ ଭାରତୀୟ ବାୟୁସେନା ଦେଶକୁ ରକ୍ଷା କରିବାରେ ତଥା ଆହ୍ୱାନ ସମୟରେ ନିଜର ମାନବିୟ ବାବନା ମାଧ୍ୟମରେ ନିଜକୁ ପ୍ରତିଷ୍ଠିତ କରିଛି ।
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଲେଖିଛନ୍ତି ଯେ ଭାରତୀୟ ବାୟୁସେନାର 89 ତମ ବାର୍ଷିକୀ ଅବସରରେ ସମସ୍ତ କର୍ମଚାରୀ ଏବଂ ସେମାନଙ୍କ ପରିବାରକୁ ଅଭିନନ୍ଦନ ଓ ଶୁଭେଚ୍ଛା । ବିଭିନ୍ନ ଆହ୍ୱାନର ଅତି ଜରୁରୀ ଏବଂ ସ୍ଥିରତା ସହ ଜବାବ ଦେଇଥିବାରୁ ଏବଂ ଦେଶର ସେବାରେ ସେମାନଙ୍କ ସ୍ଥିରତା ପାଇଁ ଆମେ ଆମର ବାୟୁସେନା ପାଇଁ ଗର୍ବିତ ।
Click it and Unblock the Notifications
Sign in with Google