କରୋନା ସଂକ୍ରମଣରୁ ଆଶ୍ୱସ୍ତି, 2 ହଜାର ତଳେ ଦୈନିକ ମାମଲା

ନୂଆଦିଲ୍ଲୀ : ବହୁ ଦିନ ପରେ କରୋନା ସଂକ୍ରମଣରୁ ମିଳିଛି ଆଶ୍ୱସ୍ତି । ଗତ କିଛି ଦିନ ହେବ ଏଥିରେ ଅହେତୁକ ବୃଦ୍ଧି ପରେ ବର୍ତ୍ତମାନ ଏଥିରେ ଆଖୃଦୃଶିଆ ହ୍ରାସ ହୋଇଛି । ଦୈନିକ କରୋନା ମାମଲା ବର୍ତ୍ତମାନ 2 ହଜାର ତଳେ ରହିଛି । ଏହା ସହିତ କରୋନାଜନିତ ମୃତ୍ୟୁ ସଂଖ୍ୟାରେ ମଧ୍ୟ ହ୍ରାସ ହୋଇଛି ।

ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁସାରେ ଗତ 24 ଘଣ୍ଟାରେ ସାରା ଦେଶରେ ମୋଟ 1 ହଜାର 838 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥି ସହିତ 3 ହଜାର 861 ଜଣ ରୋଗୀ ସୁସ୍ଥ ହୋଇଛନ୍ତି । ଏହା ପରେ ଦେଶରେ ସକ୍ରିୟ ମାମଲା 25 ହଜାର 178 ରେ ପହଞ୍ଚିଛି । ଏହି ସମୟରେ 11 ଜଣ କରୋନା ଆକ୍ରାନ୍ତଙ୍କ ଦେହାନ୍ତ ହୋଇଛି ।

ଗତ 24 ଘଣ୍ଟାରେ ଚିହ୍ନଟ ହୋଇଥିବା କରୋନା ରୋଗୀଙ୍କୁ ମିଶାଇ ଦେଶରେ ବର୍ତ୍ତମାନ ମୋଟ 4 କୋଟି 49 ଲକ୍ଷ 71 ହଜାର 469 ରୋଗୀ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ମୋଟ 4 କୋଟି 44 ଲକ୍ଷ 14 ହଜାର 599 ଜଣ କରୋନା ରୋଗୀ ସୁସ୍ଥ ହୋଇସାରିଛନ୍ତି । ଏହା ସହିତ କରୋନା କାରଣରୁ ମୋଟ 5 ଲକ୍ଷ 31 ହଜାର 692 ରୋଗୀ ପ୍ରାଣ ହରାଇଛନ୍ତି ।

English summary

India Witnessed Heavy Decrease In Daily Corona Cases, 1838 cases identified in last 24 hours