ଚୀନ କୁ ପଛରେ ପକାଇ ଭାରତ ଏବେ ବିଶ୍ୱର ଜନବହୁଳ ଦେଶ
ନୂଆଦିଲ୍ଲୀ : ଜନସଂଖ୍ୟା ଦୃଷ୍ଟିରୁ ଭାରତ ଆନୁଷ୍ଠାନିକ ଭାବେ ବିଶ୍ୱର ଏକ ନମ୍ବର ରାଷ୍ଟ୍ର ପାଲଟିଛି । ଚୀନ୍ କୁ ଦ୍ୱିତୀୟ ସ୍ଥାନରେ ରଖି ଭାରତ ବର୍ତ୍ତମାନ ସାରା ବିଶ୍ୱର ଏକ ନମ୍ବର ଜନବହୁଳ ଦେଶ ହୋଇଛି । ମିଳିତ ଜାତିସଂଘର ଜନସଂଖ୍ୟା ପାଣ୍ଠି (ୟୁଏନଏଫପିଏ) ର ସଦ୍ୟତମ ତଥ୍ୟ ଅନୁଯାୟୀ ଚୀନ୍ ତୁଳନାରେ ଭାରତରେ 2.9 ନିୟୁତ ଅଧିକ ଲୋକ ଅଛନ୍ତି । ଏହା ପରେ ଭାରତ ବର୍ତ୍ତମାନ ବିଶ୍ୱର ସବୁଠାରୁ ଜନସଂଖ୍ୟା ବିଶିଷ୍ଟ ଦେଶରେ ପରିଣତ ହୋଇଛି ।
UNFPA ର 'ଦ ଷ୍ଟେଟ୍ ଅଫ୍ ୱାର୍ଲ୍ଡ ପପୁଲେସନ୍ ରିପୋର୍ଟ, 2023' ଶୀର୍ଷକ '8 ବିଲିୟନ ଲାଇଭ୍ସ, ଇନିଫିନିଟି ପସିବିଲିଟି: ଦ କେସ୍ ଫର ରାଇଟ୍ସ ଆଣ୍ଡ ଚଏସ୍' ରିପୋର୍ଟ ବୁଧବାର ଦିନ ଜାରି କରିଛି । ଏହି ରିପୋର୍ଟ ଅନୁଯାୟୀ, ଭାରତର ଜନସଂଖ୍ୟା 142 କୋଟି 86 ଲକ୍ଷ । ଅନ୍ୟପକ୍ଷରେ ଚୀନ୍ର ଜନସଂଖ୍ୟା 142 କୋଟି 57 ଲକ୍ଷ ରହିଛି ।
India surpasses China to become the world's most populous nation with 142.86 crore people, says the United Nations.
According to UNFPA's The State of World Population Report, 2023, India's population has reached 1,428.6 million while China's stands at 1,425.7 million, a… pic.twitter.com/kl3qexumkP
— ANI (@ANI) April 19, 2023
ଏହି ବର୍ଷର ଆରମ୍ଭରେ, ବିଶ୍ୱ ବିଶେଷଜ୍ଞମାନେ ପୂର୍ବାନୁମାନ କରିଥିଲେ ଯେ 2023 ମସିହାରେ ଭାରତ ସର୍ବାଧିକ ଜନସଂଖ୍ୟା ବିଶିଷ୍ଟ ଦେଶ ହେବ । UNFPA ର ନୂତନ ଆକଳନରୁ ଏହା ସ୍ପଷ୍ଟ ହୋଇଛି ଯେ ଜନସଂଖ୍ୟାରେ ଭାରତ ହେଉଛି ଏକ ନମ୍ବର । ମିଳିତ ଜାତିସଂଘର ରିପୋର୍ଟ ଅନୁଯାୟୀ, ଗୋଟିଏ ବର୍ଷରେ ଭାରତର ଜନସଂଖ୍ୟା 1.56 ପ୍ରତିଶତ ବୃଦ୍ଧି ପାଇଛି ।
Click it and Unblock the Notifications
Sign in with Google