କରୋନା ଅପେଡେଟ୍ : ଗତ 24 ଘଣ୍ଟାରେ 43 ପ୍ରତିଶତ ହ୍ରାସ ପାଇଲା କରୋନା ଦୈନିକ ମାମଲା, ଚିହ୍ନଟ ହେଲେ 1247 ରୋଗୀ
ଗତକାଲି ଅପେକ୍ଷା ଆଜି କରୋନା ଦୈନିକ ସଂକ୍ରମଣ ମାମଲାରେ ପୁଣି ହ୍ରାସ ହୋଇଛି । ଗତକାଲି ଆକ୍ରାନ୍ତଙ୍କ ସଂଖ୍ୟା 2193 ଥିବା ବେଳେ ଗତ 24 ଘଣ୍ଟାରେ ଏଥିରେ 43 ପ୍ରତିଶତ ହ୍ରାସ ହୋଇ 12 ଶହରେ ପହଞ୍ଚିଛି ।
ନୂଆଦିଲ୍ଲୀ : ଗତକାଲି ଅପେକ୍ଷା ଆଜି କରୋନା ଦୈନିକ ସଂକ୍ରମଣ ମାମଲାରେ ପୁଣି ହ୍ରାସ ହୋଇଛି । ଗତକାଲି ଆକ୍ରାନ୍ତଙ୍କ ସଂଖ୍ୟା 2193 ଥିବା ବେଳେ ଗତ 24 ଘଣ୍ଟାରେ ଏଥିରେ 43 ପ୍ରତିଶତ ହ୍ରାସ ହୋଇ 12 ଶହରେ ପହଞ୍ଚିଛି ।
କେନ୍ଦ୍ର ସରକାରଙ୍କ ସ୍ୱାସ୍ଥ୍ୟ ମନ୍ତ୍ରାଳୟ ପ୍ରକାଶ କରିଥିବା ତଥ୍ୟ ଅନୁସାରେ ସାରା ଦେଶରେ ଗତ 24 ଘଣ୍ଟାରେ ମୋଟ 1247 ଜଣ କରୋନା ରୋଗୀ ଚିହ୍ନଟ ହୋଇଥିବା ବେଳେ କେବଳ ଜଣକର ମୃତ୍ୟୁ ହୋଇଛି । ଏଥି ସହି ଏହି ସମୟରେ ମୋଟ 928 ଜଣ ରୋଗୀ ସୁସ୍ଥ ହୋଇଛନ୍ତି ।
ବର୍ତ୍ତମାନ ଦେଶରେ ମୋଟ 11 ହଜାର 860 ଜଣ ସକ୍ରିୟ ରୋଗୀ ଅଛନ୍ତି । ନୂଆ ରୋଗୀ ଚିହ୍ନଟ ହେବା ପରେ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା 4 କୋଟି 30 ଲକ୍ଷ 45 ହଜାର 527 ରେ ପହଞ୍ଚିଛି । ସେଥି ମଧ୍ୟରୁ ମୋଟ 4 କୋଟି 25 ଲକ୍ଷ 11 ହଜାର 701 ଜଣ ରୋଗୀ ସୁସ୍ଥ ହୋଇଛନ୍ତି । ଏହା ବ୍ୟତୀତ ନୂଆ ମୃତକଙ୍କୁ ମିଶାଇ ଦେଶରେ କରୋନା କାରଣରୁ ଏପର୍ଯ୍ୟନ୍ତ ମୋଟ 5 ଲକ୍ଷ 21 ହଜାର 966 ରୋଗୀଙ୍କ ମୃତ୍ୟୁ ହୋଇଛି ।
ସେହିପରି ଦେଶରେ ଚାଲିଥିବା ଟୀକାକରଣ ଅଭିଯାନରେ ଏଯାବତ୍ ମୋଟ 186 କୋଟି 72 ଲକ୍ଷ 15 ହଜାର 865 ଡୋଜ୍ ଟିକା ଦିଆଯାଇଛି ।
Click it and Unblock the Notifications
Sign in with Google