ସୀମାରେ ପୁଣି ଉତ୍ତେଜନା, ମୁହାଁମୁହିଁ ହେଲେ ଚୀନ୍-ଭାରତୀୟ ସେନା, 30 ରୁ ଅଧିକ ଯବାନ ଆହତ

ସୀମାରେ ପୁଣି ଉତ୍ତଜନା ସୃଷ୍ଟି କରିଛି ଚୀନ୍ ସେନା । ସୋମବାର ଦିନ ଚୀନ୍ ସେନା ଓ ଭାରତୀୟ ସେନା ମଧ୍ୟରେ ସୀମାରେ ସଂଘର୍ଷ ହୋଇଛି । ଏହି ଘଟଣାରେ ଉଭୟ ଦେଶର ଯବାନ ଆହତ ହୋଇଛନ୍ତି ।

Published: Tuesday, December 13, 2022, 10:40 [IST]

ନୂଆଦିଲ୍ଲୀ: ସୀମାରେ ପୁଣି ଉତ୍ତଜନା ସୃଷ୍ଟି କରିଛି ଚୀନ୍ ସେନା । ସୋମବାର ଦିନ ଚୀନ୍ ସେନା ଓ ଭାରତୀୟ ସେନା ମଧ୍ୟରେ ସୀମାରେ ସଂଘର୍ଷ ହୋଇଛି । ଏହି ଘଟଣାରେ ଉଭୟ ଦେଶର ଯବାନ ଆହତ ହୋଇଛନ୍ତି ।

ଗଣମାଧ୍ୟମ ରିପୋର୍ଟ ଅନୁଯାୟୀ, 30 ରୁ ଅଧିକ ଯବାନ ଆହତ ହୋଇଛନ୍ତି । ଚୀନ ସେନା ତାୱାଙ୍ଗରେ ଅନୁପ୍ରବେଶ କରିବାକୁ ଚେଷ୍ଟା କରିଛି । ଏହାକୁ ପ୍ରତିହତ କରିବା ପାଇଁ ଭାରତୀୟ ସେନା ପ୍ରୟାସ କରିଥିଲା । ଏହି ସମୟରେ ଉଭୟ ଦେଶର ସେନାର ଯବାନ ଆହତ ହୋଇଛନ୍ତି ।
ଅରୁଣାଚଳ ପ୍ରଦେଶର ତାୱାଙ୍ଗ ସେକ୍ଟରର ୟଙ୍ଗଷ୍ଟେରେ ଏହି ଘଟଣା ଘଟିଛି । ଉଭୟ ପକ୍ଷର ସେନା ମୁହାଁମୁହିଁ ହୋଇଥିଲେ । ଉଭୟ ପକ୍ଷ ତୁରନ୍ତ ଏହି ଅଞ୍ଚଳରୁ ଫଛକୁ ଫେରିଛନ୍ତି । ଏହି ଘଟଣା ପରେ ଭାରତୀୟ କମାଣ୍ଡର ତାଙ୍କ ପ୍ରତିପକ୍ଷଙ୍କ ସହ ଆଲୋଚନା କରିଛନ୍ତି ।

ଏହି ସମଗ୍ର ଘଟଣା ବିଷୟରେ ଭାରତୀୟ ସେନା ପକ୍ଷରୁ ଏକ ବିବୃତ୍ତି ଜାରି କରାଯାଇଛି । ଭାରତୀୟ ସେନା ଦ୍ୱାରା ଜାରି ଅଧିକାରୀକ ବିବୃତ୍ତିରେ କୁହାଯାଇଛି ଯେ ଅରୁଣାଚଳ ପ୍ରଦେଶର ତାୱାଙ୍ଗ ସେକ୍ଟରର LAC ର କିଛି ଅଞ୍ଚଳରେ ଉଭୟ ଦେଶର ପାଟ୍ରୋଲିଂ ପାର୍ଟି ସେମାନଙ୍କ ଅଞ୍ଚଳରେ ପାଟ୍ରୋଲିଂ କରୁଥିଲେ । 2006 ମସିହାରୁ ଏହା ଉଭୟ ଦେଶର ସୈନିକମାନଙ୍କର ଏହି ପାଟ୍ରୋଲିଂ ଜାରି ରହିଛି । 9 ଡିସେମ୍ବର 2022 ରେ, PLA ସୈନ୍ୟମାନେ ତାୱାଙ୍ଗ ସେକ୍ଟରର ନିକଟତର ହୋଇଥିଲେ, ଯାହା ଆମର ସେନା କର୍ମଚାରୀମାନେ ଦୃଢତା ଏବଂ ନିଷ୍ଠାର ସମ୍ମୁଖୀନ ହୋଇଥିଲେ । ଏହି ସମୟରେ ଉଭୟ ପକ୍ଷର ସୈନିକମାନେ ସାମାନ୍ୟ ଆହତ ହୋଇଛନ୍ତି । ଉଭୟ ପକ୍ଷ ତୁରନ୍ତ ସେହି ଅଞ୍ଚଳରୁ ଦୂରେଇ ଯାଇଥିଲେ ।

ଏହା ପ୍ରଥମ ଘଟଣା ନୁହେଁ ଯେ ଭାରତ ଏବଂ ଚୀନ୍ ସୈନିକଙ୍କ ମଧ୍ୟରେ ସଂଘର୍ଷ ସାମ୍ନାକୁ ଆସିଛି । ଗତ ବର୍ଷ ପୂର୍ବରୁ ମଧ୍ୟ ସମାନ ଅଞ୍ଚଳରେ ଦୁଇ ଦେଶର ସୈନିକଙ୍କ ମଧ୍ୟରେ ତିକ୍ତତା ଦେଖାଦେଇଥିଲା । ଏଥି ସହିତ ଗଲାୱାନରେ ଉଭୟ ଦେଶର ସୈନିକଙ୍କ ମଧ୍ୟରେ ସଂଘର୍ଷ ହୋଇଥିଲା । ଯଦିଓ ଚୀନ୍ ଏହାକୁ ପ୍ରଥମେ ଅସ୍ୱୀକାର କରିଥିଲା କିନ୍ତୁ କିଛି ମାସ ପରେ ଏହାକୁ ସ୍ୱୀକାର କରିଥିଲା ।

Published On December 13, 2022