ଭାରତ-ଚୀନ୍ ସୀମା ଗୋଗ୍ରାରୁ ପଛକୁ ହଟିଲେ ଉଭୟ ଦେଶର ସେନା

ଶୁକ୍ରବାର ଦିନ ଭାରତୀୟ ସେନା କହିଛି ଯେ ଭାରତ ଏବଂ ଚୀନ୍‌ର ସୈନିକମାନେ ପୂର୍ବ ଲଦାଖର ଗୋଗ୍ରା ଅଞ୍ଚଳରୁ ପଛକୁ ଫେରିଛନ୍ତି । ସମସ୍ତ ଅସ୍ଥାୟୀ ସଂରଚନା, ଉଭୟ ପକ୍ଷ ଦ୍ୱାରା ନିର୍ମିତ ଅନ୍ୟାନ୍ୟ ଭିତ୍ତିଭୂମି ନଷ୍ଟ କରାଯାଇଛି ଏବଂ ଯାଞ୍ଚ ମଧ୍ୟ କରାଯାଇଛି ।

ନୂଆଦିଲ୍ଲୀ : ଭାରତ ଏବଂ ଚୀନ୍ ମଧ୍ୟରେ ଚାଲିଥିବା ସୀମା ବିବାଦକୁ ଶେଷ କରିବା ପାଇଁ ଶନିବାର ଏବଂ ସୋମବାର ଦିନ ସାମରିକ ଅଧିକାରୀଙ୍କ ମଧ୍ୟରେ ଦ୍ୱାଦଶ ରାଉଣ୍ଡ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଥିଲା । କୋର୍ କମାଣ୍ଡର ସ୍ତରରେ ଏହି ଆଲୋଚନାରେ ଗୋଗ୍ରା ହାଇଟ୍ସ ଏବଂ ହଟ୍ ସ୍ପ୍ରିଙ୍ଗ୍ସ ପରି ଅଞ୍ଚଳରେ ଉତ୍ତେଜନା ହ୍ରାସ କରିବା ଭଳି ପ୍ରସଙ୍ଗ ଉପରେ ଆଲୋଚନା କରାଯାଇଥିଲା । ଶୁକ୍ରବାର ଦିନ ଭାରତୀୟ ସେନା କହିଛି ଯେ ଭାରତ ଏବଂ ଚୀନ୍‌ର ସୈନିକମାନେ ପୂର୍ବ ଲଦାଖର ଗୋଗ୍ରା ଅଞ୍ଚଳରୁ ପଛକୁ ଫେରିଛନ୍ତି । ସମସ୍ତ ଅସ୍ଥାୟୀ ସଂରଚନା, ଉଭୟ ପକ୍ଷ ଦ୍ୱାରା ନିର୍ମିତ ଅନ୍ୟାନ୍ୟ ଭିତ୍ତିଭୂମି ନଷ୍ଟ କରାଯାଇଛି ଏବଂ ଯାଞ୍ଚ ମଧ୍ୟ କରାଯାଇଛି ।

ଭାରତୀୟ ସେନା ଆହୁରି ମଧ୍ୟ କହିଛି ଯେ କୋର୍ କମାଣ୍ଡର ସ୍ତରୀୟ ଆଲୋଚନା ସମୟରେ ହୋଇଥିବା ଚୁକ୍ତିନାମା ଅନୁଯାୟୀ ଉଭୟ ପକ୍ଷ (ଭାରତ-ଚୀନ୍) PP-17 ରେ ସେନା ନିୟୋଜନ ବନ୍ଦ କରି ଦେଇଛନ୍ତି । ଅଗଷ୍ଟ 4 ରୁ 5 ମଧ୍ୟରେ ଏହା କରାଯାଇଥିଲା । ଉଭୟ ପକ୍ଷ ବର୍ତ୍ତମାନ ନିଜ ନିଜ ସ୍ଥାୟୀ କ୍ୟାମ୍ପରେ ଅଛନ୍ତି ।

ଉଲ୍ଲେଖନୀୟ କଥା ହେଉଛି, ପ୍ରାୟ ଦେଢ ବର୍ଷ ଧରି LAC ଉପରେ ସୀମା ବିବାଦକୁ ନେଇ ଭାରତ ଏବଂ ଚୀନ୍ ମଧ୍ୟରେ ବିବାଦ ଚାଲିଛି । ଗତ ବର୍ଷ ଜୁନ୍ ମାସରେ ଭାରତୀୟ ଏବଂ ଚୀନ୍ ସୈନ୍ୟବାହିନୀ ମଧ୍ୟରେ ମଧ୍ୟ ସଂଘର୍ଷ ହୋଇଥିଲା ଯେଉଁଥିରେ ଉଭୟ ପକ୍ଷ ବହୁ ଅସୁବିଧାର ସମ୍ମୁଖୀନ ହୋଇଥିଲେ । ଏହି ବୈଠକ ପୂର୍ବରୁ ମଧ୍ୟ ସାମରିକ ଅଧିକାରୀଙ୍କ ମଧ୍ୟରେ ଅନେକ ରାଉଣ୍ଡ ଆଲୋଚନା ହୋଇଛି, ଏହା ପରେ କିଛି ଅଞ୍ଚଳରୁ ସେନା ପ୍ରତ୍ୟାହାର କରିବାକୁ ସହମତି ପ୍ରକାଶ ପାଇଛି ।

As per agreement reached during Corps Commander talks, both sides (India-China) ceased forward deployments in PP-17 in phased, coordinated & verified manner. Disengagement process was carried out over 4-5 Aug'21. Both sides are now in their respective permanent bases: Indian Army pic.twitter.com/ihNRWKbLNh

— ANI (@ANI) August 6, 2021

ସୋମବାର ଅନୁଷ୍ଠିତ ଆଲୋଚନାରେ ଉଭୟ ଦେଶ ବିଦ୍ୟମାନ ଚୁକ୍ତିନାମା ଏବଂ ପ୍ରୋଟୋକଲ ଅନୁଯାୟୀ ଅବଶିଷ୍ଟ ସମସ୍ୟାର ଶୀଘ୍ର ସମାଧାନ କରିବାକୁ ଏବଂ କଥାବାର୍ତ୍ତାର ଗତି ବଜାୟ ରଖିବାକୁ ସହମତ ହୋଇଥିଲେ । ଏଥିସହ ପାଶ୍ଚାତ୍ୟ କ୍ଷେତ୍ରରେ ପ୍ରକୃତ ନିୟନ୍ତ୍ରଣ ଲାଇନରେ ସ୍ଥିରତା ନିଶ୍ଚିତ କରିବାକୁ ସେମାନେ ସେମାନଙ୍କର ପ୍ରଭାବଶାଳୀ ପ୍ରୟାସ ଜାରି ରଖିବେ ବୋଲି ସହମତ ହୋଇଥିଲା । ଆହୁରି ମଧ୍ୟ ସେଠାରେ ମିଳିତ ଶାନ୍ତି ପ୍ରତିଷ୍ଠା ହେବ ବୋଲି ଆସଲୋଚନା କରାଯାଇଥିଲା ।

English summary

India China Border : Both Country Disengagement at PP 17 Phased