‘ଦ୍ୱିତୀୟ ବୁଷ୍ଟର ଡୋଜ ନେବାକୁ ଅନୁମତି ଦିଅନ୍ତୁ', ସ୍ୱାସ୍ଥ୍ୟ ମନ୍ତ୍ରୀଙ୍କ ସହ ଆଲୋଚନା ପରେ ଡାକ୍ତରଙ୍କ ପରାମର୍ଶ
ସ୍ୱାସ୍ଥ୍ୟମନ୍ତ୍ରୀ ମାନସୁଖଙ୍କୁ ଡାକ୍ତରମାନେ କହିଥିଲେ ଯେ ଲୋକମାନଙ୍କୁ ସେମାନଙ୍କର ଦ୍ୱିତୀୟ କରୋନା ଭାଇରସ ବୁଷ୍ଟର ଡୋଜ ନେବାକୁ ଅନୁମତି ଦିଅନ୍ତୁ । ଚୀନ୍ ସମେତ ବିଶ୍ୱର ଅନେକ ଦେଶରେ କରୋନା ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ଏହି ବୈଠକ ଡକାଯାଇଥିଲା ।
ନୂଆଦିଲ୍ଲୀ: କରୋନା ମହାମାରୀ ଓମିକ୍ରନର ସବ୍ ଭାରିଆଣ୍ଟ BF.7 ଯେପରି ପୁଣି ଆତଙ୍କ ସୃଷ୍ଟି କରିଛି ତାହାକୁ ନଜରରେ ରଖି ଏହାର ମୁକାବିଲା କରିବାକୁ କେନ୍ଦ୍ର ସରକାର ପ୍ରସ୍ତୁତି କରୁଛନ୍ତି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିୟା ସୋମବାର COVID-19 ଉପରେ ଭାରତୀୟ ମେଡିକାଲ୍ ଆସୋସିଏସନ୍ (IMA) ର ପ୍ରତିନିଧୀ ତଥା ଦେଶର ବରିଷ୍ଠ ଡାକ୍ତର ତଥା ଜନସ୍ୱାସ୍ଥ୍ୟ ବିଶେଷଜ୍ଞଙ୍କ ସହ ଆଲୋଚନା କରିଛନ୍ତି । ଏହି ସମୟରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖଙ୍କୁ ଡାକ୍ତରମାନେ କହିଥିଲେ ଯେ ଲୋକମାନଙ୍କୁ ସେମାନଙ୍କର ଦ୍ୱିତୀୟ କରୋନା ଭାଇରସ ବୁଷ୍ଟର ଡୋଜ ନେବାକୁ ଅନୁମତି ଦିଅନ୍ତୁ । ଚୀନ୍ ସମେତ ବିଶ୍ୱର ଅନେକ ଦେଶରେ କରୋନା ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ଏହି ବୈଠକ ଡକାଯାଇଥିଲା ।\
ସୋମବାର ସ୍ୱାସ୍ଥ୍ୟମନ୍ତ୍ରୀଙ୍କ ସହ ବୈଠକରେ ଅଂଶଗ୍ରହଣ କରିଥିବା ଭାରତୀୟ ମେଡିକାଲ ଆସୋସିଏସନ (ଆଇଏମଏ) ର ପୂର୍ବତନ ସଭାପତି ଡ ଜେ ଜୟଲାଲ କହିଛନ୍ତି ଯେ ଚତୁର୍ଥ ଟିକା ଅର୍ଥାତ୍ ଦ୍ୱିତୀୟ ବୁଷ୍ଟର ଡୋଜ ଲୋକଙ୍କୁ ପ୍ରଦାନ କରିବା ନେଇ ବିଚାର କରିବାକୁ ସରକାରଙ୍କୁ ଅନୁରୋଧ କରାଯାଇଛି । ବିଶେଷକରି ସ୍ୱାସ୍ଥ୍ୟ କର୍ମୀ ଏବଂ ଫ୍ରଣ୍ଟଲାଇନ କର୍ମଚାରୀଙ୍କ ପାଇଁ କରୋନାର ଦ୍ୱିତୀୟ ବୁଷ୍ଟର୍ ଡୋଜ୍ ଆବଶ୍ୟକ ।
ଡକ୍ଟର ଜେ ଜୟଲାଲ କହିଛନ୍ତି, "ସ୍ୱାସ୍ଥ୍ୟସେବା ଏବଂ ଫ୍ରଣ୍ଟଲାଇନ କର୍ମଚାରୀଙ୍କୁ ଦିଆଯାଇଥିବା କରୋନା ଟିକାସର ଶେଷ ଡୋଜ୍ କୁ ପ୍ରାୟ ଏକ ବର୍ଷ ପୁରିଛି । ଏହିପରି ଦୀର୍ଘ ବ୍ୟବଧାନ ରୋଗ ପ୍ରତିରୋଧକ ଶକ୍ତି ନଷ୍ଟ କରେ । ବିଶେଷକରି ଡାକ୍ତର, ନର୍ସ, ହସ୍ପିଟାଲର ଅନ୍ୟ କର୍ମଚାରୀ ଏବଂ ଫ୍ରଣ୍ଟଲାଇନ କର୍ମଚାରୀଙ୍କ ପାଇଁ କରୋନାର ଦ୍ୱିତୀୟ ବୁଷ୍ଟର ଡୋଜ ଦେବା ଉପରେ ବିଚାର କରିବାକୁ ଆମେ ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିଆଙ୍କୁ ଅନୁରୋଧ କରିଛୁ ।
ଆଇଏମଏ ରାଷ୍ଟ୍ରୀୟ ଅଧ୍ୟକ୍ଷ ଡକ୍ଟର ସାହାଜାନନ୍ଦ ପ୍ରସାଦ ସିଂହ କହିଛନ୍ତି, ''ଭାରତରେ ବୁଷ୍ଟର ଡୋଜ କଭରେଜ ମାତ୍ର 30% ଅଟେ । ସର୍ବାଧିକ ଲୋକ ବୁଷ୍ଟର ଡୋଜ ନିଅନ୍ତୁ ବୋଲି ନିଶ୍ଚିତ କରିବାକୁ ଆମେ ମନ୍ତ୍ରୀଙ୍କୁ ଅନୁରୋଧ କରିଛୁ । ଭୟଭୀତ ହେବାର କିଛି ନାହିଁ, କିନ୍ତୁ ଆମକୁ ସତର୍କତା ବଢାଇବାକୁ ପଡିବ ।''
ବୈଠକ ସମାପ୍ତ ହେବା ପରେ ସ୍ୱାସ୍ଥ୍ୟମନ୍ତ୍ରୀ ମାନସୁଖ ଟ୍ୱିଟ୍ କରି କହିଛନ୍ତି ଯେ ଆଜି COVID-19 ପରିଚାଳନାରେ ଦେଶର ପ୍ରାୟ 100 ଜନସ୍ୱାସ୍ଥ୍ୟ ବିଶେଷଜ୍ଞ ଏବଂ ଡାକ୍ତରଙ୍କ ସହ ଆଲୋଚନା ହୋଇଛି ।
ଚାଇନା, ଜାପାନ, ଦକ୍ଷିଣ କୋରିଆ ଏବଂ ଥାଇଲ୍ୟାଣ୍ଡରେ ବଢୁଥିବା କରୋନା ମାମଲା ମଧ୍ୟରେ ଦେଶରେ କୋଭିଡ -19 ର ସ୍ଥିତି ମଧ୍ୟ ଏହି ବୈଠକରେ ଆଲୋଚନା କରାଯାଇଥିଲା । ତେବେ, ବର୍ତ୍ତମାନ ଭାରତରେ କରୋନା ସମ୍ବନ୍ଧୀୟ ଅବସ୍ଥା ସମ୍ପୂର୍ଣ୍ଣ ଭିନ୍ନ । 7 ଦିନ ମଧ୍ୟରେ ରିପୋର୍ଟ ହୋଇଥିବା ହାରାହାରି ନୂତନ ମାମଲା ଧୀରେ ଧୀରେ 1 ଡିସେମ୍ବରରେ 300 ରୁ କମ୍ ହୋଇ 25 ଡିସେମ୍ବରରେ 163 କୁ ହ୍ରାସ ପାଇଛି ।
Click it and Unblock the Notifications
Sign in with Google