ଆସନ୍ତା ମକରରେ ରାମ ମନ୍ଦିରରେ ସ୍ଥାପିତ ହେବେ ରାମ ଲାଲା
ଆସନ୍ତା ବର୍ଷ ମକର ସଂକ୍ରାନ୍ତିରେ ରାମ ଲାଲାଙ୍କ ମୂର୍ତ୍ତି ସ୍ଥାପନ କରାଯିବ । ଅଯୋଧ୍ୟାରେ ଚାଲିଥିବା ରାମ ମନ୍ଦିରରେ ଆସନ୍ତା ବର୍ଷ ପ୍ରଭୁ ଶ୍ରୀ ରାମଙ୍କ ମୂର୍ତ୍ତି ସ୍ଥାପନା କରାଯିବ ବୋଲି ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ର
ନୂଆଦିଲ୍ଲୀ: ଆସନ୍ତା ବର୍ଷ ମକର ସଂକ୍ରାନ୍ତିରେ ରାମ ଲାଲାଙ୍କ ମୂର୍ତ୍ତି ସ୍ଥାପନ କରାଯିବ । ଅଯୋଧ୍ୟାରେ ଚାଲିଥିବା ରାମ ମନ୍ଦିରରେ ଆସନ୍ତା ବର୍ଷ ପ୍ରଭୁ ଶ୍ରୀ ରାମଙ୍କ ମୂର୍ତ୍ତି ସ୍ଥାପନା କରାଯିବ ବୋଲି ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ସାଧାରଣ ସମ୍ପାଦକ ଚମ୍ପତ ରାୟ କହିଛନ୍ତି । ରାମ ମନ୍ଦିରର ପ୍ରାୟ 40-50 ପ୍ରତିଶତ କାର୍ଯ୍ୟ ସମାପ୍ତ ହୋଇଛି ଏବଂ ମାକର ସଂକ୍ରାନ୍ତି 2024 ରେ ରାମ ଲାଲାଙ୍କ ମୂର୍ତ୍ତି ସ୍ଥାପନ କରାଯିବ ବୋଲି ସେ ଗଣମାଧ୍ୟମକୁ ସୂଚନା ଦେଇଛନ୍ତି ।
ରାୟ ଏହା ମଧ୍ୟ କହିଛନ୍ତି ଯେ ତଳ ମହଲାରେ 170 ଟି ସ୍ତମ୍ଭ କାର୍ଯ୍ୟ ଅକ୍ଟୋବର ସୁଦ୍ଧା ଶେଷ ହେବ । ଗର୍ଭ ଗୃହ ଏବଂ ମନ୍ଦିର ପାର୍ଶ୍ୱରେ ଥିବା କାନ୍ଥଗୁଡ଼ିକର ନିର୍ମାଣ ହୋଇସାରିଛି ।
ଗର୍ଭ ଗୃହର ମୂର୍ତ୍ତି ହେଉଛି ବାଲ ରାମ । ଏଠାରେ ବାଲ ରାମଙ୍କର ଏକ ପ୍ରତିମା ଏବଂ ଏଠାରେ ଭଗବାନଙ୍କୁ ଶିଶୁ ରୂପରେ ପୂଜା କରାଯିବ । ଯୋଜନା ଅନୁଯାୟୀ, ରାମ ଲାଲାର ମୂର୍ତ୍ତିର ପ୍ରାଣ ପ୍ରତୀଷ୍ଠା ସମାରୋହ ଜାନୁଆରୀ 1 ରୁ ଜାନୁୟାରୀ 14 2024 ମଧ୍ୟରେ ଅନୁଷ୍ଠିତ ହେବ । ରାୟ ଆହୁରି ମଧ୍ୟ କହିଛନ୍ତି ଯେ ଭଗବାନ ଶ୍ରୀ ରାମ ଲାଲାଙ୍କ ପ୍ରତିମା 8.5 ଫୁଟ ଉଚ୍ଚ ହେବ । ଆକାଶ ରଙ୍ଗର ପଥରରେ ରାମ ଲାଲାଙ୍କ ମୂର୍ତ୍ତି ନିର୍ମାଣ କରିବାକୁ କିଛି ମାସ ସମୟ ଲାଗିବ । ଏହାର କାନ୍ଥ, ସ୍ତମ୍ଭ ଆଦି ମାର୍ବଲରେ ନିର୍ମିତ ହେବ । ଆହୁରି ମଧ୍ୟ ପାଞ୍ଚଟି ମଣ୍ଡପ୍ ରହିବ । ପ୍ରବେଶ ଦ୍ୱାର ଠାରୁ ଗର୍ଭ ଗୃହ ପର୍ଯ୍ୟନ୍ତ ତିନୋଟି ଦ୍ୱାର ଏବଂ ଉତ୍ତର - ଦକ୍ଷିଣରେ ଦୁଇଟି ଦ୍ୱାର ରହିବ, ଯାହାକୁ "କିର୍ତ୍ତନ ମଣ୍ଡପ" କୁହାଯାଏ ।
Click it and Unblock the Notifications
Sign in with Google