ଆରମ୍ଭ ହେଲା ଡ୍ରୋନ୍ ଆଧାରିତ ଟିକା ବିତରଣ ମଡେଲ, ଉତ୍ତର-ପୂର୍ବ ଅଞ୍ଚଳକୁ ଡ୍ରୋନ୍ ରେ ପଠାଯିବ ଟିକା
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିୟ ସୋମବାର ଉତ୍ତର-ପୂର୍ବରେ ଆଇସିଏମଆର ଡ୍ରୋନ ରେସପନ୍ସ ଆଣ୍ଡ ଆଉଟରିଚ (ଆଇ-ଡ୍ରୋନ) କାର୍ଯ୍ୟକ୍ରମ ଆରମ୍ଭ କରିଛନ୍ତି ।
ନୂଆଦିଲ୍ଲୀ : କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭିୟ ସୋମବାର ଉତ୍ତର-ପୂର୍ବରେ ଆଇସିଏମଆର ଡ୍ରୋନ ରେସପନ୍ସ ଆଣ୍ଡ ଆଉଟରିଚ (ଆଇ-ଡ୍ରୋନ) କାର୍ଯ୍ୟକ୍ରମ ଆରମ୍ଭ କରିଛନ୍ତି । ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ସମସ୍ତ ଲୋକଙ୍କ ପାଇଁ ଜୀବନ ରକ୍ଷାକାରୀ ଟିକା ପାଇବାକୁ ସୁନିଶ୍ଚିତ କରିବା ।
ଏହି କାର୍ଯ୍ୟକ୍ରମର ଶୁଭାରମ୍ଭ ଅବସରରେ ମାଣ୍ଡଭିୟ କହିଛନ୍ତି ଯେ ଦକ୍ଷିଣ ଏସିଆରେ ଏହା ପ୍ରଥମ ଥର ପାଇଁ ବିଷ୍ଣୁପୁର ଜିଲ୍ଲା ଡାକ୍ତରଖାନା ଠାରୁ ଲୋକତକ ଝିଲ ସ୍ୱାସ୍ଥ୍ୟକେନ୍ଦ୍ର ପର୍ଯ୍ୟନ୍ତ 15 କିଲୋମିଟର ଦୂରକୁ 12-15 ମିନିଟରେ କୋଭିଡ୍ ଟିକା ନେବା ପାଇଁ 'ମେକ୍ ଇନ୍ ଡାଣ୍ଡିଆ' ଡ୍ରୋନ୍ ବ୍ୟବହାର କରାଯାଇଛି । ଏହି ସ୍ଥାନଗୁଡିକ ମଧ୍ୟରେ ପ୍ରକୃତ ସଡକ ଦୂରତା ହେଉଛି 26 କିଲୋମିଟର ।
ଉତ୍ତର-ପୂର୍ବର ଦୁର୍ଗମ ଅଞ୍ଚଳରେ ଟିକା ବିତରଣକୁ ସୁଗମ କରିବା ପାଇଁ ଆଇ-ଡ୍ରୋନ୍ ଲକ୍ଷ୍ୟ ରଖିଛି । ଏହି ମଡେଲ୍ ଉତ୍ତର-ପୂର୍ବାଞ୍ଚଳ ରାଜ୍ୟଗୁଡିକ ପାଇଁ ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର) ଦ୍ୱାରା ବିକଶିତ ହୋଇଛି । ମାଣ୍ଡଭିୟ କହିଛନ୍ତି ଯେ ଡ୍ରୋନଗୁଡିକ କେବଳ ଟିକା ଦେବା ପାଇଁ ନୁହେଁ ବରଂ ରକ୍ତ ନମୁନା ସଂଗ୍ରହ ତଥା ଅନ୍ୟାନ୍ୟ ଚିକିତ୍ସା ସହାୟତା ମଧ୍ୟ ବ୍ୟବହାର କରାଯିବ । ସ୍ୱାସ୍ଥ୍ୟସେବା ବିତରଣରେ ବିଶେଷ କରି କଷ୍ଟସାଧ୍ୟ କ୍ଷେତ୍ରରେ ସ୍ୱାସ୍ଥ୍ୟସେବା କ୍ଷେତ୍ରରେ ଏହି ଟେକ୍ନୋଲୋଜି ଏକ ମାଇଲଖୁଣ୍ଟ ବୋଲି ପ୍ରମାଣିତ କରିପାରେ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ।
Click it and Unblock the Notifications
Sign in with Google