କରୋନାର ତୃତୀୟ ଲହର ଦ୍ୱିତୀୟ ଲହର ଭଳି ମାରାତ୍ମକ ହେବ ନାହିଁ : ଆଇସିଏମଆର ଅଧ୍ୟୟନ

ଆଇସିଏମଆର ଏହାର ନୂତନ ଅଧ୍ୟୟନ ପରେ କହିଛି ଯେ ଯଦି କରୋନା ଭାଇରସର ତୃତୀୟ ଲହର ଆସେ ତେବେ ଦ୍ୱିତୀୟ ଲହର ଭଳି ଗମ୍ଭୀର ପରିସ୍ଥତି ସୃଷ୍ଟି ହେବ ନାହିଁ ।

Published: Saturday, June 26, 2021, 15:10 [IST]

ନୂଆଦିଲ୍ଲୀ : କରୋନା ଭାଇରସର ଦ୍ୱିତୀୟ ଲହରର ପ୍ରକୋପ ହ୍ରାସ ପାଇବା ବେଳେ ତୃତୀୟ ଲହରକୁ ନେଇ ସାଧାରଣ ଲୋକଙ୍କ ମନରେ ଆଶଙ୍କା ତୀବ୍ର ହେବାରେ ଲାଗିଛି । ନିକଟରେ ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ଟିମ୍ ତାଙ୍କ ରିପୋର୍ଟରେ କହିଛନ୍ତି ଯେ ଯଦି କରୋନା ଭାଇରସ୍ ସମ୍ବନ୍ଧୀୟ ପ୍ରୋଟୋକଲ୍ ଅନୁସରଣ କରିବାରେ ଲୋକମାନେ ଅସାବଧାନତା ଅବଲମ୍ବନ କରନ୍ତି, ତେବେ ରାଜ୍ୟରେ ମହାମାରୀର ତୃତୀୟ ଲହର ମଧ୍ୟ ଆସିପାରେ । ତେବେ ଏହି ସମୟ ମଧ୍ୟରେ ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) ଏକ ଆଶ୍ୱସ୍ତିଜନକ ଖବର ଦେଇଛି । ଆଇସିଏମଆର ଏହାର ନୂତନ ଅଧ୍ୟୟନ ପରେ କହିଛି ଯେ ଯଦି କରୋନା ଭାଇରସର ତୃତୀୟ ଲହର ଆସେ ତେବେ ଦ୍ୱିତୀୟ ଲହର ଭଳି ଗମ୍ଭୀର ପରିସ୍ଥତି ସୃଷ୍ଟି ହେବ ନାହିଁ ।

ଲଣ୍ଡନର ଇମ୍ପେରିଆଲ୍ କଲେଜ ସହଯୋଗରେ କରାଯାଇଥିବା ଅନୁସନ୍ଧାନରେ ଆଇସିଏମ୍ଆର କହିଛି ଯେ ଯଦି ଟୀକାକରଣ ଅଭିଯାନ ତ୍ୱରାନ୍ୱିତ ହୁଏ, ତେବେ ଏହି ତୃତୀୟ ଲହରକୁ ମଧ୍ୟ ରୋକାଯାଇପାରିବ । ଅନୁସନ୍ଧାନ ଅନୁଯାୟୀ, 'ଯଦି କରୋନା ଭାଇରସର ଏହି ନୂଆ ଭାରିଆଣ୍ଟ ପୂର୍ବ ସଂକ୍ରମଣରୁ ନିର୍ମିତ ଆଣ୍ଟିବଡିଗୁଡ଼ିକୁ ସମ୍ପୂର୍ଣ୍ଣ ରୂପେ ନଷ୍ଟ ନକରେ, ତେବେ ଏହା ମହାମାରୀର ନୂଆ ଲହର ସୃଷ୍ଟି କରିବାର ଆଶଙ୍କା ନାହିଁ । ତୃତୀୟ ଲହର ସୃଷ୍ଟି କରିବା ପାଇଁ କରୋନା ଭାଇରସର ଭାରିଆଣ୍ଟକୁ 4.5 ର ପ୍ରଜନନ ସଂଖ୍ୟା ସୀମା ଅତିକ୍ରମ କରିବାକୁ ପଡିବ ।'

'ତୃତୀୟ ଲହର ସହ ଡେଲଟା ପ୍ଲସ୍ ଭାରିଆଣ୍ଟର କିଛି ସମ୍ପର୍କ ନାହିଁ'

ଆମେ ଆପଣଙ୍କୁ କହିରଖୁଛୁ, ନିକଟରେ ଦେଶର ଅନ୍ୟତମ ପ୍ରମୁଖ ଡାକ୍ତର ଏବଂ ଜେନୋମ ସିକ୍ୱେନ୍ସର ଡ ଅନୁରାଗ ଅଗ୍ରୱାଲ ମଧ୍ୟ କହିଥିଲେ ଯେ ଡେଲୋଟା ପ୍ଲସ୍ ଭାରିଆଣ୍ଟର କରୋନା ଭାଇରସର ସମ୍ଭାବ୍ୟ ତୃତୀୟ ଲହର ସହିତ କୌଣସି ସମ୍ପର୍କ ନାହିଁ । ତାଙ୍କ ଅଧ୍ୟୟନର ରିପୋର୍ଟ ପ୍ରକାଶ କରି ଡକ୍ଟର ଅନୁରାଗ ଅଗ୍ରୱାଲ କହିଛନ୍ତି, 'ଆମ ଦଳ ମହାରାଷ୍ଟ୍ରରେ 3500 ରୁ ଅଧିକ ନମୁନାକୁ ଅଧ୍ୟୟନ କରିଥିଲେ । ଏଥିମଧ୍ୟରୁ ଡେଲଟା ପ୍ଲସ୍ ଭାରିଆଣ୍ଟ ମାମଲା ସର୍ବାଧିକ ମିଳିଥିଲା, କିନ୍ତୁ ଏକ ପ୍ରତିଶତରୁ କମ୍ ଥିଲା । ଏଭଳି ପରିସ୍ଥିତିରେ ବର୍ତ୍ତମାନ ଡେଲଟା ପ୍ଲସ୍ ଭାରିଆଣ୍ଟରୁ ମହାମାରୀର ତୃତୀୟ ଲହର ଆସିପାରେ ବୋଲି କହିବାର କୌଣସି ପ୍ରମାଣ ନାହିଁ ।

Published On June 26, 2021