UPSC ଟପ୍ପର IAS ପ୍ରେମ କାହାଣୀ ଶେଷ : ଟିନା ଡାବି ଏବ ଆମୀର ଖାନଙ୍କ ଛାଡପତ୍ର ଆବେଦନ
ଭାରତୀୟ ପ୍ରଶାସନିକ ସେବା ପରୀକ୍ଷାର 2015 ଟପ୍ପର ଟିନା ଡାବି ଏବଂ ଆମୀର ଖାନ ରାଜସ୍ଥାନର ଜୟପୁର ପରିବାର କୋର୍ଟରେ 17 ନଭେମ୍ବର 2020 ରେ ଛାଡପତ୍ର ପାଇଁ ଆବେଦନ କରିଛନ୍ତି | ଟିନା ଦାବି ଦିଲ୍ଲୀର ହୋଇଥିବାବେଳେ ଆମୀର ଖାନ ଜାମ୍ମୁ କାଶ୍ମୀରର |
ଜୟପୁର : ଦେଶର ଅମଲାତନ୍ତ୍ରରୁ ଏକ ବଡ଼ ଖବର ଅଛି | ଆଇଏଏସ୍ ଟିନା ଡାବି ଏବଂ ଆଇଏଏସ୍ ଆମୀର ଖାନ ଛାଡପତ୍ର କରିବାକୁ ଯାଉଛନ୍ତି | ଭାରତୀୟ ପ୍ରଶାସନିକ ସେବା ପରୀକ୍ଷାର 2015 ଟପ୍ପର ଟିନା ଡାବି ଏବଂ ଆମୀର ଖାନ ରାଜସ୍ଥାନର ଜୟପୁର ପରିବାର କୋର୍ଟରେ 17 ନଭେମ୍ବର 2020 ରେ ଛାଡପତ୍ର ପାଇଁ ଆବେଦନ କରିଛନ୍ତି | ଟିନା ଦାବି ଦିଲ୍ଲୀର ହୋଇଥିବାବେଳେ ଆମୀର ଖାନ ଜାମ୍ମୁ କାଶ୍ମୀରର |
ଗଣମାଧ୍ୟମ ରିପୋର୍ଟ ଅନୁଯାୟୀ, ଆଇଏଏସ୍ ଟିନା ଡାବି ଏବଂ ଆଇଏଏସ୍ ଅତହର ଆମୀର ଖାନଙ୍କ ସମ୍ପର୍କରେ ଦୀର୍ଘ ଦିନ ଧରି ତିକ୍ତତା ଦେଖାଦେଉଥିଲା | ସେମାନଙ୍କ ଛାଡପତ୍ର ନେଇ କଳ୍ପନାଜଳ୍ପନା ଲାଗି ରହିଥିଲା | ଏବେ ଉଭୟ ପରସ୍ପର ସହମତିରେ ଜୟପୁରର ପରିବାର କୋର୍ଟରେ ଛାଡପତ୍ର ପାଇଁ ଆବେଦନ କରିଛନ୍ତି |
ଭାରତୀୟ ପ୍ରଶାସନିକ ସେବା ପରୀକ୍ଷା 2015ରେ ଟିନା ଡାବି ପ୍ରଥମ ଏବଂ ଅତହର ଆମୀର ଖାନ ଦ୍ୱିତୀୟ ସ୍ଥାନ ଅଧିକାର କରିଥିଲେ | ମାନସୁରୀରେ IAS ତାଲିମ ସମୟରେ ଦୁହିଁଙ୍କର ବନ୍ଧୁତା ଥିଲା, ଯାହା ପରେ ପ୍ରେମରେ ପରିଣତ ହୋଇଥିଲା ଏବଂ ଟପ୍ପର ଦମ୍ପତି 2018 ମସିହାରେ ବିବାହ କରିଥିଲେ | ଉଭୟଙ୍କ ବିବାହ ମାତ୍ର ଦୁଇ ବର୍ଷ ଧରି ଚାଲିଥିଲା ଏବଂ ବର୍ତ୍ତମାନ ଏହି ସମ୍ପର୍କ ସଂପୂର୍ଣ୍ଣ ରୂପେ ଶେଷ ହେବାକୁ ଯାଉଛି |
ଉଭୟ ରାଜସ୍ଥାନ କ୍ୟାଡରର ଅଧିକାରୀ ଟିନା ଡାବି ଏବଂ ଅତହର ଆମୀର ଖାନଙ୍କ ସଫଳତା ଏବଂ ସେବାରେ ଅନେକ ସମାନତା ଅଛି | ମିଳିତ ଭାବେ ସେମାନେ UPSC ଶୀର୍ଷରେ ରହି ଉଭୟ ଆଇଏଏସ୍ ରାଜସ୍ଥାନ କ୍ୟାଡର ପାଇଲେ | ଟିନା ଡାବି ଭିଲୱାରା ଏସଡିଏମ ଏବଂ ଶ୍ରୀଗଙ୍ଗନଗର ଜିଲ୍ଲା ପରିଷଦର ସିଇଓଙ୍କ ସମେତ ଅନେକ ଜିଲ୍ଲାରେ କାର୍ଯ୍ୟ କରିଛନ୍ତି |
ଟିନା ଡାବି ଏବଂ ଅତହର ଆମୀର ଖାନ ୟୁପିଏସସି ପରୀକ୍ଷାରେ ଶୀର୍ଷରେ ରହିବା ଦିନଠାରୁ ଚର୍ଚ୍ଚାରେ ରହିଆସିଥିଲେ | କିଛି ଦିନ ପରେ ଉଭୟଙ୍କ ପ୍ରେମ କାହାଣୀ ସାମ୍ନାକୁ ଆସିଲା, ତାହା ମଧ୍ୟ ଆଲୋଚନାରେ ଥିଲା | 2018 ରେ, ଏହି IAS ଦମ୍ପତି ପ୍ରେମବିବାହ କରିଥିଲେ | ଏହା ପରେ ଟିନା ଡାବି ସୋସିଆଲ ମିଡିଆ ଆକାଉଣ୍ଟରେ ନିଜ ନାମରେ ଖାନ ଉପନାମ ଲଗାଇବା ସହ କାଶ୍ମୀରୀ ବହୂ ବୋଲି ଟ୍ୟାଗ ରଖିଥିଲେ | କିନ୍ତୁ ଗତ କିଛି ଦିନ ପୂର୍ବରୁ ଟିନା ତାଙ୍କ ଉପନାମରୁ ଖାନ ଶବ୍ଦକୁ ହଟାଇ ଦେଇଥିଲେ | ଏହା ପରେ ହିଁ ଉଭୟଙ୍କ ମଧ୍ୟରେ ଛାଡପତ୍ର ହୋଇପାରେ ବୋଲି ଆଲୋଚନା ଆରମ୍ଭ ହୋଇଥିଲା |
ଜୟପୁରର ଫ୍ୟାମିଲି କୋର୍ଟ -1 ରେ ଦାଖଲ ହୋଇଥିବା ଯୁବ ଆଇଏଏସ୍ ଦମ୍ପତି ଟିନା ଡାବି ଏବଂ ଅତହର ଆମୀର ଖାନଙ୍କ ପକ୍ଷରୁ ପାରସ୍ପରିକ ଛାଡପତ୍ର ଆବେଦନରେ ଉଲ୍ଲେଖ କରିଛନ୍ତି ଯେ, ଆମେ ଏକାଠି ରହିପାରିବୁ ନାହିଁ | ଏପରି ପରିସ୍ଥିତିରେ କୋର୍ଟ ଆମ ବିବାହକୁ ଶୂନ୍ୟ ଘୋଷଣା କରନ୍ତୁ | ଉଭୟ 2016 ବ୍ୟାଚ୍ ର IAS ଅଧିକାରୀ | ବର୍ତ୍ତମାନ ଟିନା ଜୟପୁରରେ ଅର୍ଥ ବିଭାଗର ଯୁଗ୍ମ ସଚିବ ଏବଂ ଅତହର ଆମୀର ଖାନ ସିଇଓ ଇଜିଏସ୍ ଭାବରେ କାର୍ଯ୍ୟ କରୁଛନ୍ତି।
Click it and Unblock the Notifications
Sign in with Google