ରେଳବାଇରେ ତେଲ ଘୋଟାଲା, ଉଚିତ୍ ଦାମ ଠାରୁ ଅଧିକ ଦାମ୍ ରେ କିଣାହୋଇଛି ଡିଜେଲ୍
ରେଳବାଇ ତେଲ ଘୋଟାଲା : ଭାରତୀୟ ରେଳବାଇରେ ହାଇ ସ୍ପିଡ୍ ଡିଜେଲ କିଣାରେ ବଡ ଘୋଟାଲାର ଖୁଲାସା ହୋଇଛି । ସତର୍କତା ବିଭାଗର ଭିଜିଲାନ୍ସ ଟିମ୍ ର ନିୟମିତ ଯାଞ୍ଚରୁ ଜଣାପଡିଛି ଯେ ଜାତୀୟ ତୈଳ କମ୍ପାନୀଗୁଡିକରୁ ଭାରତୀୟ ରେଳବାଇ ଦ୍ୱାରା ହାଇ ସ୍ପିଡ୍ ଡିଜେଲ କିଣିବାରେ ଅନିୟମିତତା ହୋଇଛି ।
ଦ ହିନ୍ଦୁରେ ପ୍ରକାଶିତ ଏକ ରିପୋର୍ଟରେ ଦର୍ଶାଯାଇଛି ଯେ, ଉତ୍ତର ପୂର୍ବ ସୀମାନ୍ତ ରେଳବାଇ ଦ୍ୱାରା ହାଇ ସ୍ପିଡ୍ ଡିଜେଲ କ୍ରୟର ଏକ ଅଡିଟ୍ ରେ ଜାନୁଆରୀ-ସେପ୍ଟେମ୍ବର 2022 ମଧ୍ୟରେ ଇଣ୍ଡିଆନ୍ ଅଏଲ୍ କର୍ପ୍ରେସନ୍ ଲିମିଟେଡ୍ ଏବଂ ଭାରତ ପେଟ୍ରୋଲିୟମ କର୍ପୋରେସନ୍ ଲିମିଟେଡ୍ କୁ 243 କୋଟି ଟଙ୍କା ଅଧିକ ଦିଆଯାଇଛି ।
ଏହି ଅନିୟମିତତା ସମ୍ପର୍କରେ ଅନୁସନ୍ଧାନକାରୀ ଦଳ ରେଳ ବୋର୍ଡକୁ ସୂଚନା ଦେଇଛନ୍ତି । ସୂଚନାନୁସାରେ, ତୈଳ କମ୍ପାନୀଗୁଡିକୁ ଦିଆଯାଇଥିବା ଅତିରିକ୍ତ ଦେୟ ଫେରସ୍ତ ପାଇଁ ଉତ୍ତର ପୂର୍ବ ସୀମାନ୍ତ ରେଳବାଇର ମୁଖ୍ୟ ଆର୍ଥିକ ପରାମର୍ଶଦାତାଙ୍କୁ ନିର୍ଦ୍ଦେଶ ଦିଆଯାଇଛି ।
ସେମାନଙ୍କ ପକ୍ଷରୁ ଏଭଳି ଅତିରିକ୍ତ ଦେୟ ପ୍ରଦାନ କରାଯାଇଛି କି ନାହିଁ ଯାଞ୍ଚ କରିବାକୁ ଭିଜିଲାନ୍ସ ବିଭାଗ ଅନ୍ୟ ଜୋନ୍ ଗୁ଼ଡ଼ିକୁ ନିର୍ଦ୍ଦେଶ ଦେଇଛି । ଏହା ସହିତ ଭିଜିଲାନ୍ସ ବିଭାଗ ମଧ୍ୟ ଭବିଷ୍ୟତରେ ଏପରି ଅନିୟମିତତାକୁ ଏଡ଼ାଇବା ପାଇଁ ଏକ ବ୍ୟବସ୍ଥା ପ୍ରତିଷ୍ଠା କରିବାକୁ ଅନୁରୋଧ କରିଛି ।
ଭାରତୀୟ ରେଳବାଇର 16 ଟି ଜୋନରେ ଜାତୀୟ ତୈଳ କମ୍ପାନୀଗୁଡିକୁ ଦିଆଯାଇଥିବା ଦେୟ ସ୍କାନର୍ ଅଧୀନରେ ଆସିଛି ଯାହା ପେମେଣ୍ଟ ଯାଞ୍ଚ ଅଧୀନରେ ଭିଜିଲାନ୍ସ ଦଳ ଦ୍ୱାରା ଜାରି କରାଯାଇଛି । ଏହି ରିପୋର୍ଟରେ ରେଳ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ତୈଳ କମ୍ପାନୀଗୁଡିକୁ ଦିଆଯାଇଥିବା ଦେୟ ଯାଞ୍ଚ କରିବା ପାଇଁ ଆମେ ଏକ ଆଭ୍ୟନ୍ତରୀଣ ଅଡିଟ୍ କରିବୁ । ଅନ୍ୟ ଜୋନରେ ସ୍କାମ ବିଷୟରେ ଆମର ସୂଚନା ଅଛି ।
Click it and Unblock the Notifications
Sign in with Google