ହିଜାବ ବିବାଦ : କର୍ଣ୍ଣାଟକ ହାଇକୋର୍ଟଙ୍କ ନିଷ୍ପତ୍ତି ବିରୋଧରେ ସୁପ୍ରିମକୋର୍ଟର ଦ୍ୱାରସ୍ଥ ହେଲେ ମୁସଲିମ ପର୍ସନାଲ ଲ' ବୋର୍ଡ
ମୁସଲିମ ପର୍ସନାଲ ଲ' ବୋର୍ଡ ଏହାର ଆବେଦନରେ କହିଛି ଯେ ଏହି ଅଦାଲତର ନିଷ୍ପତ୍ତି ମୁସଲମାନ ଏବଂ ମୁସଲମାନ ଝିଅମାନଙ୍କ ପ୍ରତି ଭେଦଭାବ, କୋର୍ଟର ଏହି ନିଷ୍ପତ୍ତି ବାଳିକାମାନଙ୍କ ଶିକ୍ଷା ଅଧିକାରରେ ବାଧା ସୃଷ୍ଟି କରିବ ।
ନୂଆଦିଲ୍ଲୀ : କର୍ଣ୍ଣାଟକର ଉଡ୍ଡୁପି ସ୍କୁଲରୁ ଆରମ୍ଭ ହୋଇଥିବା ହିଜାବ ବିବାଦ ବର୍ତ୍ତମାନ ହାଇକୋର୍ଟ ପରେ ସୁପ୍ରିମକୋର୍ଟରେ ପହଞ୍ଚିଛି । କର୍ଣ୍ଣାଟକ ହାଇକୋର୍ଟ ଏହି ସମଗ୍ର ମାମଲାର ଶୁଣାଣିରେ କହିଛନ୍ତି ଯେ ହିଜାବ ଇସଲାମ ଧର୍ମର ଏକ ଗୁରୁତ୍ୱପୂର୍ଣ୍ଣ ଅଂଶ ନୁହେଁ ଏବଂ ବିଦ୍ୟାଳୟରେ ହିଜାବ ପିନ୍ଧିବା ଉପରେ ପ୍ରତିବନ୍ଧକ ହଟାଇବାକୁ ମନା କରି ଦେଇଛନ୍ତି । ଏହା ପରେ ଅଲ ଇଣ୍ଡିଆ ମୁସଲିମ ପର୍ସନାଲ ଲ ବୋର୍ଡ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛି । ସୂଚନାଯୋଗ୍ୟ ଯେ ଶିକ୍ଷାନୁଷ୍ଠାନରେ ହିଜାବ ଉପରେ ନିଷେଧାଦେଶ ବିରୋଧରେ ଦାଖଲ ହୋଇଥିବା ଆବେଦନକୁ କର୍ଣ୍ଣାଟକ ହାଇକୋର୍ଟ ଖାରଜ କରିଦେଇଛନ୍ତି ।
ମୁସଲିମ ପର୍ସନାଲ ଲ' ବୋର୍ଡ ଏହାର ଆବେଦନରେ କହିଛି ଯେ ଏହି ଅଦାଲତର ନିଷ୍ପତ୍ତି ମୁସଲମାନ ଏବଂ ମୁସଲମାନ ଝିଅମାନଙ୍କ ପ୍ରତି ଭେଦଭାବ, କୋର୍ଟର ଏହି ନିଷ୍ପତ୍ତି ବାଳିକାମାନଙ୍କ ଶିକ୍ଷା ଅଧିକାରରେ ବାଧା ସୃଷ୍ଟି କରିବ । ହିଜାବ ସମ୍ବନ୍ଧରେ, ଆବେଦନରେ କୁହାଯାଇଛି ଧାର୍ମିକ ଗୁରୁଙ୍କ ସହମତି ପ୍ରକାଶ ପାଇଛି ଯେ ହିଜାବ ଇସଲାମର ଏକ ଅତ୍ୟାବଶ୍ୟକ ଅଂଶ ।
ସୂଚନାଯୋଗ୍ୟ ଯେ ମାର୍ଚ୍ଚ 15 ରେ କର୍ଣ୍ଣାଟକ ହାଇକୋର୍ଟ ତାଙ୍କ ନିଷ୍ପତ୍ତିରେ ଶିକ୍ଷାନୁଷ୍ଠାନରେ ହିଜାବ ପିନ୍ଧିବା ଉପରେ ପ୍ରତିବନ୍ଧକ ହଟାଇବାକୁ ଅନୁରୋଧ କରି ମୁସଲିମ ଛାତ୍ରୀଙ୍କ ଆବେଦନକୁ ଖାରଜ କରିଦେଇଥିଲେ । ଇସଲାମରେ ହିଜାବ ବାଧ୍ୟତାମୂଳକ ନୁହେଁ ବୋଲି କୋର୍ଟ କହିଛନ୍ତି । ଧାରା 25 ଅନୁଯାୟୀ ଧର୍ମର ସ୍ୱାଧୀନତାର ଅଧିକାର ସୀମିତ ଅଟେ ।
ଆପଣଙ୍କୁ କହି ରଖୁଛୁ ଯେ କର୍ଣ୍ଣାଟକର ଉଡ୍ଡୁପିରେ ଆରମ୍ଭ ହୋଇଥିବା ବିବାଦ ପରେ ଦୁଇ ଗୋଷ୍ଠୀ ମଧ୍ୟରେ ଅନେକ ବିବାଦ ଲାଗି ରହିଥିଲା । ସାରା ଦେଶରେ ହିଜାବ ବିଷୟରେ ଏକ ନୂଆ ବିତର୍କ ଆରମ୍ଭ ହୋଇଥିଲା । ସେହି ସମୟରେ ହିଜାବ ସମ୍ପର୍କରେ ସୁପ୍ରିମକୋର୍ଟରେ ଏକ ପିଟିସନ ମଧ୍ୟ ଦାଖଲ କରାଯାଇଥିଲା । କିନ୍ତୁ ସୁପ୍ରିମକୋର୍ଟ କହିଛନ୍ତି ଯେ ସଠିକ୍ ସମୟ ଆସିବା ପରେ ଆମେ ଏହି ମାମଲାର ଶୁଣାଣି କରିବୁ, ଏହାକୁ ଜାତୀୟ ପ୍ରସଙ୍ଗ କରାଯିବା ଉଚିତ ନୁହେଁ, ଆମେ ଏହି ପ୍ରସଙ୍ଗରେ ନଜର ରଖିଛୁ ।
Click it and Unblock the Notifications
Sign in with Google