ହାଥରସ୍ ପୀଡିତାଙ୍କୁ ଗଣଦୁଷ୍କର୍ମ ପରେ ହତ୍ୟା କରାଯାଇଥିଲା : ସିବିଆଇର ଚାର୍ଜସିଟ୍

ବହୁଚର୍ଚ୍ଚିତ ହାଥରସର 19 ବର୍ଷ ବୟସ୍କା ଦଳିତ ମହିଳାଙ୍କ ହତ୍ୟା ମାମଲାରେ ସିବିଆଇ ଶୁକ୍ରବାର ଚାର୍ଜସିଟ୍ ଦାଖଲ କରିଛି | ଗଣଦୁଷ୍କର୍ମ ପରେ ହତ୍ୟା କରାଯାଇଥିବା ନେଇ ଏହି ଚାର୍ଜସିଟରେ ଉଲ୍ଲେଖ କରାଯାଇଛି |

ନୂଆଦିଲ୍ଲୀ : ବହୁଚର୍ଚ୍ଚିତ ହାଥରସର 19 ବର୍ଷ ବୟସ୍କା ଦଳିତ ମହିଳାଙ୍କ ହତ୍ୟା ମାମଲାରେ ସିବିଆଇ ଶୁକ୍ରବାର ଚାର୍ଜସିଟ୍ ଦାଖଲ କରିଛି | ଗଣଦୁଷ୍କର୍ମ ପରେ ହତ୍ୟା କରାଯାଇଥିବା ନେଇ ଏହି ଚାର୍ଜସିଟରେ ଉଲ୍ଲେଖ କରାଯାଇଛି | ଖବର ଅନୁଯାୟୀ, ସେପ୍ଟେମ୍ବର 22 ରେ ପୀଡିତାଙ୍କ ଶେଷ ବୟାନ ଆଧାରରେ ଏହି ଚାର୍ଜସିଟ୍ ପ୍ରସ୍ତୁତ କରାଯାଇଛି |

ଏନଡିଟିଭି ରିପୋର୍ଟ ଅନୁଯାୟୀ, ହାଥରାସ ମାମଲାରେ ଚାରିଜଣ ଅଭିଯୁକ୍ତଙ୍କୁ ସିବିଆଇ ଦ୍ୱାରା ଗଣଦୁଷ୍କର୍ମ ଓ ହତ୍ୟା ମାମଲାରେ ଦୋଷୀ ସାବ୍ୟସ୍ତ କରାଯାଇଥିଲା | ଏହି ଘଟଣାର ତିନି ମାସ ପରେ ସାରା ଦେଶରେ ଅସନ୍ତୋଷ ପ୍ରକାଶ ପାଇଥିଲା | ଅନୁସନ୍ଧାନକାରୀ ଏଜେନ୍ସି ଏସସି / ଏସଟି (ପ୍ରିଭେନସନ୍ ଅଫ୍ ଆଟ୍ରୋସିଟିସ୍) ଅଧିନିୟମ ଅନୁଯାୟୀ ମଧ୍ୟ ଅଭିଯୁକ୍ତଙ୍କ ବିରୋଧରେ ଅଭିଯୋଗ କରିଛନ୍ତି |

ସେପ୍ଟେମ୍ବର 14 ରେ ହାଥରାସର ଜଣେ ଦଳିତ ଯୁବତୀଙ୍କୁ ଚାରିଜଣ ଉଚ୍ଚ ଜାତିର ପୁରୁଷ ବଳାତ୍କାର କରିଥବା ଅଭିଯୋଗ ହୋଇଥିଲା | ଚିକିତ୍ସାଧିନ ଅବସ୍ଥାରେ ସେପ୍ଟେମ୍ବର 29 ରେ ଦିଲ୍ଲୀର ସଫଦରଜଙ୍ଗ ହସ୍ପିଟାଲରେ ତାଙ୍କର ମୃତ୍ୟୁ ହୋଇଥିଲା |ସେପ୍ଟେମ୍ବର 30 ରାତିରେ ତାଙ୍କ ଘର ନିକଟରେ ଶବଦାହ କରାଯାଇଥିଲା | ସ୍ଥାନୀୟ ପୋଲିସ ତାଙ୍କୁ ଶୀଘ୍ର ଅନ୍ତେଷ୍ଟିକ୍ରିୟା ଶେଷ କରିବାକୁ ବାଧ୍ୟ କରିଥିବା ନେଇ ପରିବାର ଅଭିଯୋଗ କରିଛନ୍ତି | କିନ୍ତୁ ସ୍ଥାନୀୟ ପୋଲିସ ଅଧିକାରୀ କହିଛନ୍ତି ଯେ ପରିବାରର ଇଚ୍ଛା ଅନୁଯାୟୀ ଏହି ଶବଦାହ କରାଯାଇଛି |

ନ୍ୟାୟିକ ହେପାଜତରେ ଥିବା ଅଭିଯୁକ୍ତ ସନ୍ଦୀପ, ଲବକୁଶ, ରବି ଏବଂ ରାମୁଙ୍କ ଭୂମିକା ଉପରେ ଏଜେନ୍ସି ଦୃଷ୍ଟି ଦେଇଛି ବୋଲି ଅଧିକାରୀମାନେ କହିଛନ୍ତି | ଗାନ୍ଧିନଗରର ଫରେନସିକ୍ ସାଇନ୍ସ ଲାବୋରେଟୋରୀରେ ସେମାନଙ୍କୁ ବିଭିନ୍ନ ପରୀକ୍ଷା ମଧ୍ୟ କରାଯାଇଥିଲା ବୋଲି ସେମାନେ କହିଛନ୍ତି | ସେପ୍ଟେମ୍ବର 14ରେ ଗଣଦୁଷ୍କର୍ମ ଶିକାର ହେବା ପରେ ଚିକିତ୍ସିତ ହୋଇଥିବା ଜବାହଲ ନେହେରୁ ମେଡିକାଲ କଲେଜ ଏବଂ ହସ୍ପିଟାଲର ଡାକ୍ତରମାନଙ୍କୁ ମଧ୍ୟ ସିବିଆଇ ଅଧିକାରୀମାନେ ମଧ୍ୟ ଭେଟିଥିଲେ |

ଯୋଗୀ ଆଦିତ୍ୟନାଥ ସରକାର ଏହି ମାମଲା ପାଇଁ ବହୁ ଅସୁବିଧାର ସମ୍ମୁଖୀନ ହୋଇଥିଲେ ଯାହା ପରେ ସିବିଆଇକୁ ଏହାର ତଦନ୍ତ ଭାର ହସ୍ତାନ୍ତର କରାଯାଇଥିଲା | ଘଟଣାର ତଦନ୍ତ କରିବା ନେଇ ସିବିଆଇ ଏକ ଦଳ ଗଠନ କରି ଗାଜିଆବାଦ ୟୁନିଟକୁ ଦାୟିତ୍ୱ ହସ୍ତାନ୍ତର କରିଛି | ତଦନ୍ତକାରୀ ଦଳ ପୂର୍ବରୁ ପରିବାର ସଦସ୍ୟଙ୍କ ବୟାନ ରେକର୍ଡ କରିସାରିଛି |

English summary

CBI filed Charge sheet on Hathras gang rape and murdered case.