ହରିୟାଣା ଜୁନ୍ 14 ଯାଏଁ ବଢିଲା ଲକଡାଉନ୍ : ମଲ୍-କମ୍ପାନୀଗୁଡିକରେ 50% ଉପସ୍ଥାନକୁ ଅନୁମତି, ଖୋଲିବ ଧାର୍ମିକ ସ୍ଥଳ

ହରିୟାଣା ସରକାର ରାଜ୍ୟରେ କୋଭିଡ ଲକଡାଉନ୍ ଜୁନ୍ 14 ପର୍ଯ୍ୟନ୍ତ ବୃଦ୍ଧି କରିଛନ୍ତି । ଗତ ଏକ ସପ୍ତାହ ମଧ୍ୟରେ କରୋନା ମାମଲାଗୁଡ଼ିକର କ୍ରମାଗତ ହ୍ରାସ ଏବଂ ସୁସ୍ଥ ହାର ବୃଦ୍ଧି ଯୋଗୁଁ କେତେକ କଟକଣାରେ କୋହଳ କରାଯାଇଛି ।

Updated: Monday, June 7, 2021, 12:36 [IST]

ଚଣ୍ଡିଗଡ଼ : ହରିୟାଣା ସରକାର ରାଜ୍ୟରେ କୋଭିଡ ଲକଡାଉନ୍ ଜୁନ୍ 14 ପର୍ଯ୍ୟନ୍ତ ବୃଦ୍ଧି କରିଛନ୍ତି । ଗତ ଏକ ସପ୍ତାହ ମଧ୍ୟରେ କରୋନା ମାମଲାଗୁଡ଼ିକର କ୍ରମାଗତ ହ୍ରାସ ଏବଂ ସୁସ୍ଥ ହାର ବୃଦ୍ଧି ଯୋଗୁଁ କେତେକ କଟକଣାରେ କୋହଳ କରାଯାଇଛି । ଆଜିଠାରୁ ଏହା କାର୍ଯ୍ୟକାରୀ କରାଯାଇଛି । ସରକାର କହିଛନ୍ତି ଯେ ସପିଂ ମଲ, ବାର ଏବଂ ରେସ୍ତୋରାଁ ସକାଳ 10 ଟାରୁ ରାତି 8 ଟା ପର୍ଯ୍ୟନ୍ତ ଖୋଲାଯାଇପାରିବ । ନୂଆ କଟକଣା ଅନୁସାରେ ସପିଂ ମଲ୍, ରେସ୍ତୋରାଁ ଏବଂ ବାର୍ ଆଦିରେ ବର୍ତ୍ତମାନ 50% ଉପସ୍ଥିତିକୁ ଅନୁମତି ଦିଆଯିବ ।

ରାଜ୍ୟ ବିପର୍ଯ୍ୟୟ ପରିଚାଳନା ପ୍ରାଧିକରଣର ଜଣେ ଅଧିକାରୀ କହିଛନ୍ତି ଯେ ଲକଡାଉନରେ କୋହଳ ଜଡିତ ସଂଶୋଧିତ ଆଦେଶ ରବିବାର ଦିନ ଜାରି କରାଯାଇଛି ଏବଂ ସୋମବାର ଠାରୁ ଏହା ଲାଗୁ ହେବ । ଏହା ଅଧୀନରେ ସାଧାରଣ ଦୋକାନ, ମଦ ଦୋକାନ, ମଲ୍, ଭୋଜନ, ଧାର୍ମିକ ସ୍ଥାନ, କର୍ପୋରେଟ୍ ଅଫିସ୍ ଇତ୍ୟାଦି ପାଇଁ ପ୍ରତିବନ୍ଧକରେ କୋହଳ କରାଯାଇଛି । ଲୋକଙ୍କୁ ସାମାଜିକ ଦୂରତା ଅନୁସରଣ କରିବାକୁ ମଧ୍ୟ କୁହାଯାଉଛି । ସଂଶୋଧିତ ଆଦେଶ ଅନୁସାରେ ଏକୁଟିଆ ଦୋକାନ ବ୍ୟତୀତ ଅନ୍ୟ ଦୋକାନଗୁଡ଼ିକ ଅଡ୍-ଇଭିନ୍ ଆଧାରରେ ଖୋଲିବାକୁ ଅନୁମତି ଦିଆଯାଇଛି ।

ଏହା ବ୍ୟତୀତ ବର୍ତ୍ତମାନ ଘର ବାହାରେ ବିବାହ କରିବାକୁ ଅନୁମତି ଦିଆଯାଇଛି । କିନ୍ତୁ ଶୋଭାଯାତ୍ରା ଏବଂ ବରଯାତ୍ରୀକୁ ଅନୁମତି ନାହିଁ । ବିବାହ, ଅନ୍ତିମ ସଂସ୍କାର / ଶବଦାହରେ 21 ଜଣ ବ୍ୟକ୍ତି ଯୋଗ ଦେଇ ପାରିବେ । ଅନ୍ୟାନ୍ୟ ସମାରୋହରେ ସର୍ବାଧିକ 50 ଜଣ ଲୋକ ଯୋଗଦେବାକୁ ଅନୁମତି ଦିଆଯାଇଛି । 50 ରୁ ଅଧିକ ଲୋକଙ୍କୁ ଏକାଠି କରିବା ପାଇଁ ଡେପୁଟି କମିଶନରଙ୍କ ଅନୁମତି ଆବଶ୍ୟକ ହେବ ।

ଧାର୍ମିକ ସ୍ଥାନଗୁଡିକ ଏକ ସମୟରେ 21 ଜଣ ବ୍ୟକ୍ତିଙ୍କ ସହିତ ଖୋଲିବାକୁ ଅନୁମତି ଦିଆଯାଉଛି ଯେଉଁଥିରେ ସେମାନେ ଆବଶ୍ୟକ ସାମାଜିକ ଦୂରତା ନିୟମ, ନିୟମିତ ସାନିଟାଇଜେସନ୍ ଏବଂ COVID- ଗାଇଡଲାଇନ୍ ଅନୁସରଣ କରିବେ ବୋଲି ନିର୍ଦ୍ଦେଶନାମାରେ କୁହାଯାଇଛି ।