ମେ 26 ରେ ଜ୍ଞାନବପୀ ମସଜିଦ ମାମଲାର ପରବର୍ତ୍ତୀ ଶୁଣାଣି, ରିପୋର୍ଟ ଦାଖଲ କରିବାକୁ ଉଭୟ ପକ୍ଷଙ୍କୁ ନିର୍ଦ୍ଦେଶ
ମଙ୍ଗଳବାର ବାରାଣାସୀ ଜିଲ୍ଲା କୋର୍ଟରେ ଶୁଣାଣି ପରେ ପରବର୍ତ୍ତୀ ତାରିଖ ଦିଆଯାଇଛି । ବର୍ତ୍ତମାନ ଜ୍ଞାନବାପୀ ମାମଲାର ଶୁଣାଣି ମେ 26 ରେ ହେବ ।
ବାରଣାସୀ : ପୁଣି ଘୁଞ୍ଚିଲା ଜ୍ଞାନବାପୀ ସମଜିଦ୍ ମାମଲାର ଶୁଣାଣି । ଏହି ମାମଲାର ଶୁଣାଣି କରୁଥିବା ବାରଣାସୀ କୋର୍ଟ ଏହାର ଶୁଣାଣି ମେ 26 ରେ କରିବାକୁ କହିଛନ୍ତି । ଜ୍ଞାନବାପୀ ମସଜିଦର ସର୍ଭେ ରିପୋର୍ଟ ବାରଣାସୀ କୋର୍ଟରେ ଦାଖଲ ହେବା ପରେ ଗତକାଲି ବାରଣାସୀ କୋର୍ଟ ଶୁଣାଣି କରି ନିଷ୍ପତ୍ତି ମଙ୍ଗଳବାରକୁ ସଂରକ୍ଷଣ ରଖିଥିଲେ । ମଙ୍ଗଳବାର ପୁଣି ଥରେ ଏହି ମାମଲାରା ଶୁଣାଣି ହୋଇଥିଲା ।
ମଙ୍ଗଳବାର ବାରାଣାସୀ ଜିଲ୍ଲା କୋର୍ଟରେ ଶୁଣାଣି ପରେ ପରବର୍ତ୍ତୀ ତାରିଖ ଦିଆଯାଇଛି । ବର୍ତ୍ତମାନ ଜ୍ଞାନବାପୀ ମାମଲାର ଶୁଣାଣି ମେ 26 ରେ ହେବ । ଏଥି ସହିତ ଆୟୋଗର ରିପୋର୍ଟରେ ଆପତ୍ତି ଉଠାଇବାକୁ ଏବଂ ଏକ ସପ୍ତାହ ମଧ୍ୟରେ ରିପୋର୍ଟ ଦାଖଲ କରିବାକୁ କୋର୍ଟ ଉଭୟ ପକ୍ଷଙ୍କୁ କହିଛନ୍ତି । ଶୁଣାଣି ପରେ ହିନ୍ଦୁ ପକ୍ଷର ଓକିଲ ବିଷ୍ଣୁ ଜୈନ କହିଛନ୍ତି ଯେ ମାମଲାକୁ ପ୍ରତ୍ୟାଖ୍ୟାନ କରିବା ନେଇ ମୁସଲମାନ ଦଳର ଆବେଦନ 7 11 ସିପିସି ଅଧୀନରେ ଥିବା ଆବେଦନକୁ 26 ମଇରେ ଶୁଣାଣି ପାଇଁ ସ୍ଥିର କରାଯାଇଛି ।
ସୋମବାର ଦିନ କୋର୍ଟରେ ଶୁଣାଣି ବେଳେ ଗୋଟିଏ ପକ୍ଷ ଜ୍ଞାନପାପୀ ପରିସରରେ ମା ଶୃଙ୍ଗାର ଗୌରୀଙ୍କ ପୂଜାପାଠ କରିବାକୁ ଅନୁମତି ଦେବା ଏବଂ ଅନ୍ୟ ଦେବତାମାନଙ୍କୁ ସଂରକ୍ଷଣ କରିବାକୁ ଦାବି କରିଥିଲେ । ଏପରି ପରିସ୍ଥିତିରେ ଜ୍ଞାନବାପୀ ମାମଲାରେ ପୂଜାପାଠ ସ୍ଥାନ (ସ୍ୱତନ୍ତ୍ର ପ୍ରୋଭିଜନ୍ସ) ଆକ୍ଟ, 1991 ପ୍ରଯୁଜ୍ୟ କି ନୁହେଁ ତାହା ମଧ୍ୟ କୋର୍ଟ ନିଷ୍ପତ୍ତି ନେବେ ।