ଡିଜିଟାଲ୍ ମିଡିଆରେ ପ୍ରଥମ ଥର ପାଇଁ ଲାଗୁ ହେବ ନିୟାମକ ନିୟମ, ସଂସଦରେ ବିଲ୍ ଉପସ୍ଥାପନ କରିବେ ସରକାର : ଉତ୍ସ
ଡିଜିଟାଲ ମିଡିଆ ସରକାରୀ ନିୟମ ବାହାରେ ଥିଲା । କିନ୍ତୁ ବର୍ତ୍ତମାନ ଡିଜିଟାଲ ମିଡିଆକୁ ନିୟନ୍ତ୍ରଣ କରିବା ପାଇଁ କେନ୍ଦ୍ର ସରକାର ସଂସଦରେ ଏକ ବିଲ୍ ଆଣିବାକୁ ଯାଉଛନ୍ତି ।
ନୂଆଦିଲ୍ଲୀ : ଭାରତରେ ପ୍ରଥମ ଥର ପାଇଁ ଡିଜିଟାଲ୍ ମିଡିଆକୁ ମିଡିଆର ନୂଆ ଆଇନରେ ଅନ୍ତର୍ଭୁକ୍ତ କରାଯାଇଛି । ତେବେ ଏହା ପୂର୍ବରୁ ଡିଜିଟାଲ ମିଡିଆ ସରକାରୀ ନିୟମ ବାହାରେ ଥିଲା । କିନ୍ତୁ ବର୍ତ୍ତମାନ ଡିଜିଟାଲ ମିଡିଆକୁ ନିୟନ୍ତ୍ରଣ କରିବା ପାଇଁ କେନ୍ଦ୍ର ସରକାର ସଂସଦରେ ଏକ ବିଲ୍ ଆଣିବାକୁ ଯାଉଛନ୍ତି ।
ଯଦି ଡିଜିଟାଲ୍ ମିଡିଆ ସମ୍ବନ୍ଧୀୟ ନିୟାମକ ନିୟମ ସହ ଜଡିତ ବିଲ୍ ପାରିତ ହୁଏ, ତେବେ ଏହାର ରୂପ କ'ଣ ହେବ ? ଏହି ପ୍ରଶ୍ନର ଉତ୍ତର ସ୍ପଷ୍ଟ ନୁହେଁ କିନ୍ତୁ ଏହା କୁହାଯାଉଛି ଯେ ଏହାର ପ୍ରକୃତି ପ୍ରେସ୍ ଏବଂ ବୁକ୍ ରେଜିଷ୍ଟ୍ରେସନ୍ ଆକ୍ଟ 1867 ସହିତ ସମାନ ହେବ । ଯାହା ବର୍ତ୍ତମାନ ଖବରକାଗଜ ପାଇଁ ପ୍ରଯୁଜ୍ୟ । ଯଦି ଉତ୍ସଗୁଡିକ ବିଶ୍ୱାସା କରାଯାଏ, ଡିଜିଟାଲ୍ ମିଡିଆକୁ ନିୟନ୍ତ୍ରଣ କରିବା ପାଇଁ କେନ୍ଦ୍ର ସଂସଦରେ ଏକ ବିଲ୍ ଆଣିପାରନ୍ତି, ଯାହା ଦେଶରେ ଡିଜିଟାଲ୍ ମିଡିଆକୁ ନିୟନ୍ତ୍ରଣ କରିବ । ଯାହା ପରେ ଡିଜିଟାଲ୍ ମିଡିଆରେ ନିୟମ ଉଲ୍ଲଂଘନ ପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ।
ମିଡିଆ ରେଗୁଲେଟୋରୀ ଆକ୍ଟରେ ଡିଜିଟାଲ୍ ମିଡିଆର ଅନ୍ତର୍ଭୂକ୍ତ ହେବାର ଅର୍ଥ ହେଉଛି ଏହାକୁ ଖବରକାଗଜ ସହିତ ସମାନ ଭାବରେ ଆଣିବା । ଯାହା ପରେ ପ୍ରେସ୍ ଏବଂ ମାଗାଜିନ୍ ରେଜିଷ୍ଟ୍ରେସନ୍ ବିଲ୍ ଅଧୀନରେ ପଞ୍ଜୀକରଣ ପାଇଁ ଡିଜିଟାଲ୍ ପ୍ଲାଟଫର୍ମ ଆବେଦନ କରିବାକୁ ପଡିବ । ସୂଚନାନୁସାରେ, କ୍ୟାବିନେଟରେ ଆଣିବାକୁ ଥିବା ବିଲ୍ ହେଉଛି "ଯେକୌଣସି ଇଲେକ୍ଟ୍ରୋନିକ୍ ଉପକରଣ ମାଧ୍ୟମରେ ଡିଜିଟାଲ୍ ପ୍ଲାଟଫର୍ମରେ ଖବର ପ୍ରସାରଣ" ।
ଯେତେବେଳେ ଏହି ନିୟମ ଲାଗୁ ହେବ, ଡିଜିଟାଲ୍ ନ୍ୟୁଜ୍ ପ୍ରକାଶକମାନଙ୍କୁ ପଞ୍ଜୀକରଣ ପାଇଁ ଆବେଦନ କରିବାକୁ ପଡିବ । ଏଥିପାଇଁ ଆଇନ ଲାଗୁ ହେବା ଦିନଠାରୁ 90 ଦିନ ଦିଆଯିବ ।
Click it and Unblock the Notifications
Sign in with Google