ଛାଡ଼ି ଯାଇଥିବା 55 ଯାତ୍ରୀଙ୍କୁ ଦେଶର କୌଣସି ସ୍ଥାନକୁ ମାଗଣା ଟିକେଟ୍ ଦେବ ଗୋ ଫାଷ୍ଟ୍

ବିମାନଟି ବେଙ୍ଗାଲୁରୁ ବିମାନବନ୍ଦରରେ ଜାନୁୟାରୀ 9 ରେ ପାର୍କିଂ କରାଯାଇଥିଲା । ଯାତ୍ରୀମାନେ ମଧ୍ୟ ବିମାନକୁ ଅପେକ୍ଷା କରିଥିଲେ । କିନ୍ତୁ ବିମାନଟି 55 ଯାତ୍ରୀଙ୍କୁ ନ ନେଇ ଉଡ଼ାଣ ଭରିଥିଲା ।

ନୂଆଦିଲ୍ଲୀ: GoFirst ଏୟାରଲାଇନ୍ସର ଏକ ଅଜବ ଘଟଣା ସାମ୍ନାକୁ ଆସିଛି । ବିମାନ 55 ଯାତ୍ରୀଙ୍କୁ ନ ନେଇ ଉଡ଼ାଣ ଭରିଛି । ଏପରି ଅଦ୍ଭୁଦ ଘଟଣା ବାଙ୍ଗାଲୋରରୁ ଦିଲ୍ଲୀ ଯାଉଥିବା GoFirst ବିମାନ G8116 ରେ ଦେଖିବାକୁ ମିଳିଛି । ବିମାନଟି ବେଙ୍ଗାଲୁରୁ ବିମାନବନ୍ଦରରେ ଜାନୁୟାରୀ 9 ରେ ପାର୍କିଂ କରାଯାଇଥିଲା । ଯାତ୍ରୀମାନେ ମଧ୍ୟ ବିମାନକୁ ଅପେକ୍ଷା କରିଥିଲେ । କିନ୍ତୁ ବିମାନଟି 55 ଯାତ୍ରୀଙ୍କୁ ନ ନେଇ ଉଡ଼ାଣ ଭରିଥିଲା । ଏହା ପରେ ଡିଜିସିଏ ଏଥିପାଇଁ ଗୋଫାର୍ଷ୍ଟଙ୍କଠାରୁ ଏକ ରିପୋର୍ଟ ମାଗିଛି ।

ଏପରି ଅବହେଳା ପରେ ଛାଡ଼ି ଯାଇଥିବା ସମସ୍ତ ଯାତ୍ରୀଙ୍କୁ ମାଗଣା ଟିକେଟ ଦେବାକୁ ନିଷ୍ପତ୍ତି ନିଆଯାଇଛି । 55 ଜଣ ଯାତ୍ରୀଙ୍କ ମଧ୍ୟରୁ 53 ଜଣଙ୍କୁ ଦିଲ୍ଲୀ ପାଇଁ ଅନ୍ୟ ଏକ ବିମାନରେ ପଠାଯାଇଥିଲା । 2 ଜଣ ଯାତ୍ରୀ ଟିକେଟ୍ ମୂଲ୍ୟ ଫେରସ୍ତ ମାଗିବା ପରେ ବିମାନ ସେବା ଦ୍ୱାରା ଟଙ୍କା ପେରସ୍ତ କରାଯାଇଥିଲା । ଡିଜିସିଏ ଗୋଫାଷ୍ଟ ଏୟାରଲାଇନ୍ସର ଅଧିକାରୀମାନଙ୍କୁ 'କାରଣ ଦର୍ଶାଅ ନୋଟିସ୍ ଜାରି କରିଛି । ସେମାନଙ୍କ ନିୟାମକ ଦାୟିତ୍ୱର ଉଲ୍ଲଂଘନ ପାଇଁ କାହିଁକି ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ ତାହା ନେଇ ଉଲ୍ଲେଖ କରିବାକୁ କୁହାଯାଇଛି । ଉତ୍ତର ଦାଖଲ କରିବାକୁ ସେମାନଙ୍କୁ ଦୁଇ ସପ୍ତାହ ସମୟ ଦିଆଯାଇଛି ।

ଡିଜିସିଏ ରିପୋର୍ଟ ପରେ ଗୋଫାଷ୍ଟ ବିମାନ ସେବା ପକ୍ଷରୁ କ୍ଷମା ମାଗିଛନ୍ତି । ଏହି ଅସୁବିଧା ବଦଳରେ ବିମାନ କମ୍ପାନୀ ସମସ୍ତ ପ୍ରଭାବିତ ଯାତ୍ରୀଙ୍କୁ ଆସନ୍ତା 12 ମାସ ମଧ୍ୟରେ ଯେକୌଣସି ଘରୋଇ କ୍ଷେତ୍ରରେ ଯାତ୍ରା ପାଇଁ ମାଗଣା ଟିକେଟ ଦେବାକୁ ନିଷ୍ପତ୍ତି ନେଇଛି । ଏହା ବ୍ୟତୀତ ବିମାନ ସେବା ଘଟଣାର ତଦନ୍ତ ଆରମ୍ଭ କରିଛି ।

English summary

Go First Airways Left 55 Passengers, DGCA Issues Notice