ରୋହିଣୀ କୋର୍ଟର ଗୁଳି ଚଳାଇଥିବା ଗ୍ୟାଙ୍ଗଷ୍ଟର ଟିଲୁ ତାଜପୁରିଆକୁ ତିହାର ଜେଲରେ ହତ୍ୟା
ନୂଆଦିଲ୍ଲୀ: ତିହବାର ଜେଲରେ ଥିବା ଗ୍ୟାଙ୍ଗଷ୍ଟର ଟିଲୁ ତାଜପୁରିଆକୁ ହତ୍ୟା କରାଯାଇଛି । ଦିଲ୍ଲୀର ରୋହିଣୀ କୋର୍ଟରେ ଗୁଳି ଚଳାଇଥିଲା ଗ୍ୟାଙ୍ଗଷ୍ଟର ଟିଲୁ । ତାର ବିରୋଧୀ ଗ୍ୟାଙ୍ଗ ଯୋଗେଶ ତୁଣ୍ଡା ଏବଂ ଅନ୍ୟ ସହଯୋଗୀମାନେ ତିହାର ଜେଲରେ ଟିଲୁକୁ ହତ୍ୟା କରିଛନ୍ତି । ଉଭୟଙ୍କ ମଧ୍ୟରେ ହୋଇଥିବା ହିଂସାରେ ଟିଲୁ ଗୁରୁତର ଆହତ ହୋଇଥିଲା ।
ପରେ ତାକୁ ଦୀନ୍ ଦୟଲ ଉପାଧ୍ୟାୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ସେଠାରେ ତାର ମୃତ୍ୟୁ ହୋଇଥିଲା । ଜେଲ ଅଧିକାରୀ କହିଛନ୍ତି ଯେ ସେମାନେ ଏହି ଘଟଣାର ଅଧିକ ଅନୁସନ୍ଧାନ କରୁଛନ୍ତି । ତିହାର ଜେଲ ଭିତରେ ହୋଇଥିବା ଗ୍ୟାଙ୍ଗୱାର ପରେ ଜେଲ ଭିତରେ ସୁରକ୍ଷାକୁ ନେଇ ପ୍ରଶ୍ନ ଉଠିଛି । ଆପଣଙ୍କୁ କହି ରଖୁଛୁ, ଟିଲୁ ରୋହିଣୀ କୋର୍ଟରେ ଗୁଳି ଚଳାଇଥିଲା । ଏଥିସହ ଜିତେନ୍ଦ୍ର ଗୋଗୀକୁ ହତ୍ୟା କରିଥିବା ଅଭିଯୋଗ ହୋଇଥିଲା ।
ସୂଚନା ଅନୁଯାୟୀ, ଯୋଗେଶ ଟୁଣ୍ଡା ଏବଂ ସାଥୀ ଦୀପକ ଟିଟର ଗ୍ୟାଙ୍ଗଷ୍ଟର ଟିଲୁକୁ ଲୁହା ରଡରେ ଆକ୍ରମଣ କରିଥିଲେ । ଏହା ପରେ ତାକୁ ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିଲା, ଯେଉଁଠାରେ ଡାକ୍ତର ତାଙ୍କୁ ସକାଳ 6.30 ରେ ମୃତ ଘୋଷଣା କରିଥିଲେ ।
Click it and Unblock the Notifications
Sign in with Google