ପଗଡ଼ି ଖୋଲି ଦିଲ୍ଲୀରେ ବୁଲୁଥିବାର ନଜର ଆସିଲା ଖଲିସ୍ତାନୀ ପଳାତକ ଅମୃତପାଲ ସିଂହ

ନୂଆଦିଲ୍ଲୀ : ଖଲିସ୍ତାନୀ ସମର୍ଥକ ତଥା ପଳାତକ ଅମୃତପାଲ ସିଂହ ପୋଲିସ୍ ହାତର ଧରା ନ ପଡ଼ିବା ପାଇଁ ବାରମ୍ବାର ନିଜର ବେଶଭୂଷା ବଦଳାଉଛି । ନିକଟରେ ଅମୃତପାଲ ଦିଲ୍ଲୀରେ ବୁଲୁଥିବାର ଏକ ସିସିଟିଭି ଫୁଟେଜ୍ ସାମ୍ନାକୁ ଆସିଛି । ଏଥିରେ ଅମୃତପାଲ ପଗଡ଼ି କାଢି ଦେଇ କେଶକାଟି, ଚଷମା ଓ ଡେନିମ୍ ଜ୍ୟାକେଟ୍ ପିନ୍ଧି ବୁଲୁଥିବାର ନଜର ଆସିଛି ।

ପୋଲିସ ଏବଂ ଲୋକଙ୍କୁ ଚକମା ଦେବା ପାଇଁ ଅମୃତପାଲ ନିଜର ପଗଡି କାଢି ଦେଇଛି । ସେ ଡେନିମ୍ ଜ୍ୟାକେଟ୍ ଏବଂ ଚଷମା ପିନ୍ଧି ଦିଲ୍ଲୀ ରାସ୍ତାରେ ବୁଲୁଥିଲା । ତାର ସହକର୍ମୀ ପପାଲପ୍ରୀତ ସିଂହ ମଧ୍ୟ ତା ସହ ଥିବା ନେଇ ଏହି ସିସିଟିଭି ଫୁଟେଜରେ ଦେଖିବାକୁ ମିଳିଛି । ନିଜର ପରିଚୟ ଲୁଚାଇବା ପାଇଁ ସେ ମାସ୍କ ମଧ୍ୟ ବ୍ୟବହାର କରୁଛି । ଗଣମାଧ୍ୟମର ରିପୋର୍ଟ ଅନୁଯାୟୀ, ଏହି ଫୁଟେଜ୍ ମାର୍ଚ୍ଚ 21 ର ବୋଲି ଜଣାପଡ଼ିଛି ।

Video viral on social media, this CCTV footage is being told from #Delhi and it is claimed that Fugitive #AmritpalSingh is roaming around with open hair and behind him is his associate Papalpreet Singh. pic.twitter.com/deKXQuJs1X

— Nikhil Choudhary (@NikhilCh_) March 28, 2023

ସୂଚନାନୁସାରେ, ଅମୃତପାଲ ସିଂହ ଏବଂ ପପଲପ୍ରୀତ ସିଂହ ହରିୟାଣାର କୁରୁକ୍ଷେତ୍ର ଦେଇ ଦିଲ୍ଲୀ ଆସିଥିଲେ । ତେବେ ପୋଲିସ ଏ ସମ୍ପର୍କରେ କୌଣସି ସୂଚନା ଦେଇନାହିଁ । କେତେକ ରିପୋର୍ଟରେ ଏହା କୁହାଯାଉଛି ଯେ ସେ ଦିଲ୍ଲୀରେ ଲୁଚି ରହିଥିବାବେଳେ କିଛି ରିପୋର୍ଟରେ ସେ ନେପାଳରେ ଅଛନ୍ତି ବୋଲି ଦାବି କରାଯାଉଛି । ସେଠାରୁ ସେ ଅନ୍ୟ ଦେଶ କୁ ପଳାଇବାକୁ ଚେଷ୍ଟା କରୁଛି । ଏ ସମ୍ପର୍କରେ ଭାରତୀୟ ଅଧିକାରୀ ନେପାଳ ସରକାରଙ୍କ ସହ ଯୋଗାଯୋଗ କରିଛନ୍ତି ।

English summary

Fugitive Amritpal Singh Seen In CCTV footage Roaming In Delhi