• search
For Quick Alerts
Turn On Notification  
For Daily Alerts

ଦିଲ୍ଲୀର ‘ସବଜୀ ମଣ୍ଡି' ଅଞ୍ଚଳରେ ଭୁଷୁଡ଼ିଲା ଚାରି ମହଲା କୋଠା, ଦୁଇ ଶିଶୁଙ୍କ ମୃତ୍ୟୁ

|

ନୂଆଦିଲ୍ଲୀ : ଦିଲ୍ଲୀର ସବଜୀ ମଣ୍ଡି ଅଞ୍ଚଳରେ ଏକ ଚାରି ମହଲା କୋଠା ଭୁଶୁଡି ପଡିଛି । ବିଲଡିଂ ଭୁଶୁଡ଼ିବା କାରଣରୁ ସେହି ରାସ୍ତାରେ ଯାଉଥିବା ଦୁଇ ଶିଶୁ ମାଟି ତଳେ ପୋତି ହୋଇଯାଇଥିଲେ । ପରେ ତାଙ୍କୁ ଉଦ୍ଧାର କରି ଚିକିତ୍ସା କରାଯାଉଥିବା ସମୟରେ ଦୁଇ ଶିଶୁଙ୍କର ମୃତ୍ୟୁ ହୋଇଥିଲା । ଏହା ବ୍ୟତୀତ ଜଣେ ବ୍ୟକ୍ତିଙ୍କୁ ବିଲ୍ଡିଂ ତଳୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ଦୁର୍ଘଟଣାର କାରଣ କଣ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି ।

sabzi mandi

କୁହାଯାଉଛି ଯେ ବିଲଡିଂରେ 4-5 ଜଣ ଲୋକ ଥିଲେ ଯେଉଁମାନେ ଦବି ରହିଥାଇପାରନ୍ତି । ବିଲ୍ଡିଂ ତଳେ କାମ କରୁଥିବା ଶ୍ରମିକମାନେ ମଧ୍ୟ ଫସି ରହିଥିବା କୁହାଯାଉଛି । ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ ଅନେକ ଲୋକ ସେଠାରେ ଦବି ରହିଥିବା ଆଶଙ୍କା ରହିଛି । ଅନେକ ଗାଡି ମଧ୍ୟ ମାଟ ତଳେ ପୋତି ହୋଇଯାଇଛି ।

ଅଗ୍ନିଶମ ବିଭାଗର ପାଞ୍ଚଟି ଗାଡି ଘଟଣାସ୍ଥଳରେ ପହଞ୍ଚି ରିଲିଫ କାର୍ଯ୍ୟରେ ନିୟୋଜିତ ଅଛନ୍ତି । ସୂଚନାନୁସାରେ, ସକାଳ ପ୍ରାୟ 11.50 ସମୟରେ କୋଠା ଭୁଶୁଡି ପଡିଥିବା ସୂଚନା ମିଳିଛି । ଏହି ଘଟଣାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି ଯେ ସବଜୀ ମାଣ୍ଡି ଅଞ୍ଚଳରେ କୋଠା ଭୁଶୁଡ଼ିବା ଘଟଣା ଅତ୍ୟନ୍ତ ଦୁଃଖଦାୟକ । ପ୍ରଶାସନ ରିଲିଫ ଏବଂ ଉଦ୍ଧାର କାର୍ଯ୍ୟରେ ନିୟୋଜିତ ଅଛି । ମୁଁ ନିଜେ ପରିସ୍ଥିତି ଉପରେ ନଜର ରଖିଛି । ଏହି ସମୟରେ ରିଲିଫ ଏବଂ ଉଦ୍ଧାର କାର୍ଯ୍ୟରେ ସହାୟତା କରିବାକୁ NDRF ଦଳ ମଧ୍ୟ ଘଟଣାସ୍ଥଳରେ ପହଞ୍ଚିଛନ୍ତି ।

ଦିଲ୍ଲୀ ଅଗ୍ନିଶମ ସେବା ନିର୍ଦ୍ଦେଶକ ଅତୁଲ ଗର୍ଗ କହିଛନ୍ତି ଯେ ଘଟଣାସ୍ଥଳକୁ 8 ଟି ଅଗ୍ନି ଟେଣ୍ଡର ପଠାଯାଇଛି । କିନ୍ତୁ ସଂକୀର୍ଣ୍ଣ ରାସ୍ତା ଯୋଗୁଁ ଭାରୀ ଯାନ ଭିତରକୁ ଯାଇପାରୁ ନାହିଁ । ଜଣେ ବ୍ୟକ୍ତିଙ୍କୁ ମାଟି ତଳୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରାଯାଇଛି ଯେଉଁଠାରେ ସେ ଚିକିତ୍ସିତ ହେଉଛନ୍ତି ।

ଦିଲ୍ଲୀ ସେଣ୍ଟ୍ରାଲ ରେଞ୍ଜର ଜଏଣ୍ଟ ପୋଲିସ କମିଶନର, ଏନସି ବୁନ୍ଦେଲା କହିଛନ୍ତି ଯେ ସ୍ଥାନୀୟ ପୋଲିସ, ଏମସିଡି, ଏନଡିଆରଏଫ ଟିମ୍ ଘଟଣାସ୍ଥଳରେ ଉପସ୍ଥିତ ରହି ଉଦ୍ଧାର କାର୍ଯ୍ୟ କରୁଛନ୍ତି । ବିଲ୍ଡିଂର ମାଟି ତଳେ କେତେ ଲୋକ ପୋତି ହୋଇଛନ୍ତି ତାହା ଆକଳନ କରିବାକୁ ଆମ ପାଇଁ ସମୟ ଲାଗିବ । ବର୍ତ୍ତମାନ ଜଣେ ବ୍ୟକ୍ତିଙ୍କୁ ସେଠାରୁ ଉଦ୍ଧାର କରାଯାଇଛି । ତାଙ୍କ ମୁଣ୍ଡରେ ଆଘାତ ଲାଗିଛି । ଉକ୍ତ ବ୍ୟକ୍ତିଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଆମକୁ ଫୋଲୋ କରନ୍ତୁ
Instagram Youtube
English summary
Four Storey Building Collapsed In Delhi, Two Children Dead
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X