ଦିଲ୍ଲୀ ଏବଂ ରାଜସ୍ଥାନରେ ଚିହ୍ନଟ ହେଲେ ଓମିକ୍ରନ୍ ର 4-4 ନୂଆ ରୋଗୀ, ମୋଟ ସଂକ୍ରମିତଙ୍କ ସଂଖ୍ୟା 49 କୁ ବୃଦ୍ଧି
ରବିବାର ଦିନ ଦିଲ୍ଲୀ ଏବଂ ରାଜସ୍ଥାନରେ 4-4 ଟି ଲେଖାଏଁ ନୂଆ ମାମଲା ଚିହ୍ନଟ ହୋଇଛି । ଯେଉଁଥିପାଇଁ ବର୍ତ୍ତମାନ ରାଜ୍ୟ ସରକାର ପୂର୍ବ ଅପେକ୍ଷା ଅଧିକ ସତର୍କ ମୋଡରେ ଆସିଛନ୍ତି ।
ନୂଆଦିଲ୍ଲୀ : ବର୍ତ୍ତମାନ ଦେଶରେ କରୋନା ଭାଇରସର ନୂଆ ଭାରିଆଣ୍ଟ 'ଓମିକ୍ରନ୍'ର ଆତଙ୍କ ବଢିବାରେ ଲାଗିଛି । ଦ୍ରୁତ ଗତିରେ ସଂକ୍ରମିତ ହେଉଥିବା ଏହି ବିପଜ୍ଜନକ 'ଓମିକ୍ରନ୍'ର ମାମଲା କ୍ରମାଗତ ଭାବେ ବୃଦ୍ଧି ପାଉଛି । ରବିବାର ଦିନ ଦିଲ୍ଲୀ ଏବଂ ରାଜସ୍ଥାନରେ 4-4 ଟି ଲେଖାଏଁ ନୂଆ ମାମଲା ଚିହ୍ନଟ ହୋଇଛି । ଯେଉଁଥିପାଇଁ ବର୍ତ୍ତମାନ ରାଜ୍ୟ ସରକାର ପୂର୍ବ ଅପେକ୍ଷା ଅଧିକ ସତର୍କ ମୋଡରେ ଆସିଛନ୍ତି । ବର୍ତ୍ତମାନ ଦେଶରେ ସଂକ୍ରମିତ ଲୋକଙ୍କ ସଂଖ୍ୟା 49 କୁ ବୃଦ୍ଧି ପାଇଛି ।
ଦିଲ୍ଲୀର ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ ଏହି ନୂଆ ମାମଲା ବିଷୟରେ କହିଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ଦିଲ୍ଲୀର 6 ଜଣ ଲୋକ ଓମିକ୍ରନ୍ ଭାରିଆଣ୍ଟ ପଜିଟିଭ୍ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ଜଣେ ସୁସ୍ଥ ହୋଇ ସାରିଛନ୍ତି । ଓମିକ୍ରନ୍ ର ସମସ୍ତ ମାମଲା ବିଦେଶରୁ ଆସିଥିବା ଲୋକଙ୍କଠାରେ ଦେଖିବାକୁ ମିଳିଛି, ସମସ୍ତ ମାମଲା ସ୍ଥିର ଅଛି । ପରିସ୍ଥିତି ନିୟନ୍ତ୍ରଣରେ ରହିଛି । ଏହା ମଧ୍ୟ କୁହାଯାଇଛି ଯେ ବର୍ତ୍ତମାନ 35 ଜଣ କୋଭିଡ ରୋଗୀ ଏବଂ 3 ଟି ସନ୍ଦିଗ୍ଧ ମାମଲା LNJP ହସ୍ପିଟାଲରେ ଭର୍ତ୍ତି କରାଯାଇଛି ।
ସେହିପରି ଓମିକ୍ରନର ନୂତନ ମାମଲାଗୁଡ଼ିକ ବିଷୟରେ ସୂଚନା ଦେଉଥିବାବେଳେ ରାଜସ୍ଥାନ ସ୍ୱାସ୍ଥ୍ୟମନ୍ତ୍ରୀ ପର୍ସାଦୀ ଲାଲ ମୀନା କହିଛନ୍ତି ଯେ କରୋନା ଓମିକ୍ରନ୍ ଭାରିଆଣ୍ଟର ଆଉ ଚାରିଟି ନୂଆ ମାମଲା ରିପୋର୍ଟ ହୋଇଛି । ଏହି ରୋଗୀଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଛି । ରାଜ୍ୟର ସମସ୍ତ ପୂର୍ବ ଓମିକ୍ରନ୍ ମାମଲା ବର୍ତ୍ତମାନ COVID ନକାରାତ୍ମକ ଚିହନଟ ହୋଇଛନ୍ତି । ବର୍ତ୍ତମାନ ରାଜସ୍ଥାନରେ 13 ଟି ସକ୍ରିୟ ମାମଲା ରହିଛି । ଏଥି ସହିତ ସଂକ୍ରମିତ ଦୃଷ୍ଟିରୁ ମହାରାଷ୍ଟ୍ର ପରେ ରାଜସ୍ଥାନ ଦ୍ୱିତୀୟ ସର୍ବାଧିକ ପ୍ରଭାବିତ ରାଜ୍ୟ ଅଟେ ।
Click it and Unblock the Notifications
Sign in with Google