ପ୍ରବଳ ବର୍ଷା ହେତୁ ଗୁଜୁରାଟରେ ବନ୍ୟା ପରିସ୍ଥିତି, 63 ଜଣଙ୍କର ମୃତ୍ୟୁ, ସ୍କୁଲ ଏବଂ କଲେଜ ବନ୍ଦ

ଲଗାତାର ବର୍ଷା ଯୋଗୁଁ ରାଜ୍ୟର ବିଭିନ୍ନ ଜିଲ୍ଲାରେ ବଜ୍ରପାତ, କାନ୍ଥ ଭୁଶୁଡ଼ିବା ଘଟଣା ସାମ୍ନାକୁ ଆସିଛି । ଯେଉଁ କାରଣରୁ, ତଥ୍ୟ ଅନୁଯାୟୀ, ଜୁନ୍ 1 ରୁ ବର୍ତ୍ତମାନ 63 ଜଣଙ୍କ ଜୀବନ ହାନି ହୋଇଛି ।

Published: Tuesday, July 12, 2022, 11:05 [IST]

ଅହମ୍ମଦାବାଦ : ପ୍ରବଳ ବର୍ଷା ହେତୁ ଗୁଜୁରାଟର ଅବସ୍ଥା ଅତ୍ୟନ୍ତ ଖରାପ ହୋଇଯାଇଛି । ରାଜ୍ୟର ଅନେକ ଜିଲ୍ଲାରେ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଅହମ୍ମଦାବାଦର ପ୍ରହ୍ଲାଦପୁର, ଆନନ୍ଦନଗର ଏବଂ ଜୀରାଜ ପାର୍କରେ ରାସ୍ତା ଉପରେ 2-3 ଫୁଟ ଜଳ ଜମା ହୋଇ ରହିଛି । ଫଳରେ ସାଧାଣ ଜୀବନଯାବନ ଅସ୍ତବ୍ୟସ୍ତ ହୋଇପଡ଼ିଛି । ପ୍ରବଳ ବର୍ଷା ହେତୁ ଆଜି ଅହମ୍ମଦାବାଦରେ ସ୍କୁଲ ଓ କଲେଜ ବନ୍ଦ ରହିଛି ।

ଏଥି ସହିତ ରାଜ୍ୟ ବିପର୍ଯ୍ୟୟ ପରିଚାଳନା ମନ୍ତ୍ରୀ ରାଜେନ୍ଦ୍ର ତ୍ରିବେଦୀ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ଗତ 24 ଘଣ୍ଟା ମଧ୍ୟରେ ଲଗାତାର ବର୍ଷା ଯୋଗୁଁ 7 ଜଣଙ୍କର ମୃତ୍ୟୁ ହୋଇଛି ଏବଂ ଲଗାତାର ବର୍ଷା ଯୋଗୁଁ ରାଜ୍ୟର ବିଭିନ୍ନ ଜିଲ୍ଲାରେ ବଜ୍ରପାତ, କାନ୍ଥ ଭୁଶୁଡ଼ିବା ଘଟଣା ସାମ୍ନାକୁ ଆସିଛି । ଯେଉଁ କାରଣରୁ, ତଥ୍ୟ ଅନୁଯାୟୀ, ଜୁନ୍ 1 ରୁ ବର୍ତ୍ତମାନ 63 ଜଣଙ୍କ ଜୀବନ ହାନି ହୋଇଛି ।

ଭାରତୀୟ ପାଣିପାଗ ବିଭାଗ ଆଜି ମଧ୍ୟ ରାଜ୍ୟର ଅନେକ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ପ୍ରକାଶ କରିଥିବାବେଳେ ଦକ୍ଷିଣ ଗୁଜୁରାଟର ଅନେକ ଜିଲ୍ଲାରେ ଆଗାମୀ 5 ଦିନ ମଧ୍ୟରେ ସମଗ୍ର ରାଜ୍ୟରେ ହାଲୁକା ଏବଂ ମଧ୍ୟମ ବର୍ଷା ହେବାର ସମ୍ଭାବନା ରହିଛି ବୋଲି କହିଛି । ସୌରାଷ୍ଟ୍ର ଏବଂ କଚ୍ଛ ଅଞ୍ଚଳରେ ଅତ୍ୟଧିକ ପ୍ରବଳ ବର୍ଷା ହେବାର ସମ୍ଭାବନା ରହିଥିବା ପାଣିପାଗ ବିଭାଗ ପୂର୍ବାନୁମାନ କରିଛି । ଜୁଲାଇ 15 ରୁ ବର୍ଷାର ପରିମାଣ ହ୍ରାସ ହେବା ନେଇ ସୂଚନା ରହିଛି । ଏହାକୁ ଦୃଷ୍ଟିରେ ରଖି ରାଜ୍ୟରେ ରେଡ ଆଲର୍ଟ ଜାରି ରହିଛି ।

ଅନ୍ୟପକ୍ଷରେ ୟୁପି, ବିହାର, ମଧ୍ୟ ପ୍ରଦେଶ, ଛତିଶଗଡ, ଝାଡ଼ଖଣ୍ଡରେ ବର୍ଷା ହୋଇପାରେ ବୋଲି ପାଣିପାଗ ବିଭାଗ ସୂଚନା ଦେଇଛି । ଏହି ରାଜ୍ୟଗୁଡିକର କେତେକ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ମଧ୍ୟ ପ୍ରକାଶ କରିଛି । କେରଳ, କର୍ଣ୍ଣାଟକ, ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରେ ପ୍ରବଳ ବର୍ଷା ହେବାର ଆଶଙ୍କା ଥିବାରୁ ସତର୍କ ସୂଚନା ଜାରି କରାଯାଇଛି ।

Published On July 12, 2022