ବୃଦ୍ଧି ପାଇଲା ବ୍ରିଟେନରୁ ଉଡ଼ାଣ ଭରୁଥିବା ବିମାନ ପ୍ରତିବନ୍ଧକ ଅବଧି

ବ୍ରିଟେନରୁ ଭାରତ ଅଭିମୁଖେ ଉଡ଼ାଣ ଭରୁଥିବା ବିମାନ ଉପରେ ଲାଗିଥିବା ପ୍ରତିବନ୍ଧକ ଅବଧିକୁ ଭାରତ ସରକାର ବୃଦ୍ଧି କରିଛନ୍ତି | ପରିସ୍ଥିତିକୁ ଦୃଷ୍ଟିରେ ରଖି ଏହି ଅବଧିକୁ ଜାନୁଆରୀ 7 ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି |

ନୂଆଦିଲ୍ଲୀ: ବ୍ରିଟେନରେ କରୋନା ଭୂତାଣୁର ନୂଆ ଷ୍ଟ୍ରେନ୍ ମିଳିବା ପରେ ବିଶ୍ୱର ସମସ୍ତ ଦେଶ ସତର୍କ ହୋଇଯାଇଛନ୍ତି | ଏନେଇ ବ୍ରିଟେନରୁ ଭାରତ ଅଭିମୁଖେ ଉଡ଼ାଣ ଭରୁଥିବା ବିମାନ ଉପରେ ଲାଗିଥିବା ପ୍ରତିବନ୍ଧକ ଅବଧିକୁ ଭାରତ ସରକାର ବୃଦ୍ଧି କରିଛନ୍ତି | ପରିସ୍ଥିତିକୁ ଦୃଷ୍ଟିରେ ରଖି ଏହି ଅବଧିକୁ ଜାନୁଆରୀ 7 ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି | ଏନେଇ ବେସାମରିକ ବିମାନ ଚଳାଚଳ ମନ୍ତ୍ରାଳୟ ଏକ ନିର୍ଦ୍ଦେଶମନାମା ଜାରି କରିଛି |

କିନ୍ତୁ ଏହି କଟକଣା ସତ୍ତ୍ୱେ ମଧ୍ୟ କାର୍ଗୋ ବିମାନ ଗୁଡ଼ିକ ଉପରେ କୌଣସି ପ୍ରତିବନ୍ଧକ ନାହିଁ | ବ୍ରିଟେନର ପରିସ୍ଥିତି ସମୀକ୍ଷା ପରେ ପରବର୍ତ୍ତୀ ନିଷ୍ପତ୍ତି ନିଆଯିବ ବୋଲି ବେସାମରିକ ମନ୍ତ୍ରାଳୟ ସୂଚନା ଦେଇଛି |

ସୂଚନାଯୋଗ୍ୟ, ଏହା ପୂର୍ବରୁ ବ୍ରିଟେନରେ କରୋନା ଭୂତାଣୁର ନୂଆ ଷ୍ଟ୍ରେନପ ଭୟାବହତା ଏବଂ ଭାରତରେ ଏହାର ବିସ୍ତାରକୁ ରୋକିବା ପାଇଁ ଡିସେମ୍ବର 31 ତାରିଖ ପର୍ଯ୍ୟନ୍ତ ବେସାମରିକ ବିମାନ ଚଳାଚଳ ଉପରେ ପ୍ରତିବନ୍ଧକ ଲଗାଯାଇଥିଲା |

English summary

In keeping view of New stain of Coronavirus in UK, India Govt increased the time duration for cancellation of flight from UK.