ବ୍ଲାକ୍ ଫଙ୍ଗସ୍ ପରେ ଗ୍ରୀନ୍ ଫଙ୍ଗସ୍, କରୋନାରୁ ସୁସ୍ଥ ହେବା ପରେ ହେଲେ ସଂକ୍ରମିତ
କରୋନା ଭାଇରସରୁ ମୁକ୍ତି ପାଇଥିବା ଜଣେ ରୋଗୀଙ୍କ ନିକଟରେ ଗ୍ରୀନ୍ ଫଙ୍ଗସର ଏକ ମାମଲା ସାମ୍ନାକୁ ଆସିଛି । ବ୍ଲାକ୍ ଫଙ୍ଗସର ମାମଲା ମଧ୍ୟରେ ମଧ୍ୟପ୍ରଦେଶର ଇନ୍ଦୋରରେ ଏହି ଗ୍ରୀନ୍ ଫଙ୍ଗସର ମାମଲା ରିପୋର୍ଟ ହୋଇଛି ।
ଇନ୍ଦୋର : କରୋନା ଭାଇରସରୁ ମୁକ୍ତି ପାଇଥିବା ଜଣେ ରୋଗୀଙ୍କ ନିକଟରେ ଗ୍ରୀନ୍ ଫଙ୍ଗସର ଏକ ମାମଲା ସାମ୍ନାକୁ ଆସିଛି । ବ୍ଲାକ୍ ଫଙ୍ଗସର ମାମଲା ମଧ୍ୟରେ ମଧ୍ୟପ୍ରଦେଶର ଇନ୍ଦୋରରେ ଏହି ଗ୍ରୀନ୍ ଫଙ୍ଗସର ମାମଲା ରିପୋର୍ଟ ହୋଇଛି । କରୋନାରୁ ସୁସ୍ଥ ହେବା ପରେ ଜଣେ 34 ବର୍ଷ ବୟସ୍କ ବ୍ୟକ୍ତି ଗ୍ରୀନ୍ ଫଙ୍ଗସର ଶିକାର ହୋଇଛନ୍ତି । ରୋଗୀଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ମଙ୍ଗଳବାର ତାଙ୍କୁ ଏୟାର ଆମ୍ବୁଲାନ୍ସ ଯୋଗେ ଇନ୍ଦୋରରୁ ମୁମ୍ବାଇ ପଠାଯାଇଥିଲା । ଯେଉଁଠାରେ ରୋଗୀ ବର୍ତ୍ତମାନ ଚିକିତ୍ସିତ ହେଉଛନ୍ତି ।
ସୂଚନାଯୋଗ୍ୟ, କରୋନାରୁ ସୁସ୍ଥ ହେବା ପରେ ରୋଗୀମାନଙ୍କଠାରେ ବ୍ଲାକ୍ ଫଙ୍ଗସ୍ ରୋଗ ଦେଖାଦେଇଥିଲା । ଏହା ପରେ ଅନେକ ସହରରେ ଧଳା ଏବଂ ହଳଦିଆ ଫଙ୍ଗସ୍ ରୋଗୀ ମଧ୍ୟ ଚିହ୍ନଟ ହୋଇଥିଲେ । ଏହା ମଧ୍ୟରେ ବର୍ତ୍ତମାନ ଗ୍ରୀନ୍ ଫଙ୍ଗସ୍ ରୋଗୀ ଚିହ୍ନଟ ମେଡିକାଲ୍ ବିଶେଷଜ୍ଞଙ୍କ ଚିନ୍ତାକୁ ପୁଣି ଥରେ ବଢାଇ ଦେଇଛି । ଇନ୍ଦୋର ଜିଲ୍ଲାର ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ଯେ 34 ବର୍ଷୀୟ ରୋଗୀଙ୍କ ଫୁସଫୁସ ପରୀକ୍ଷଣରେ ଗ୍ରୀନ୍ ଫଙ୍ଗସ ମିଳିଛି । ଦେଶରେ ଗ୍ରୀନ୍ ଫଙ୍ଗସର ଏହା ପ୍ରଥମ ଘଟଣା ବୋଲି କୁହାଯାଉଛି । ରୋଗୀଙ୍କୁ ଇନ୍ଦୋରର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏଠାରେ ଗ୍ରୀନ୍ ଫଙ୍ଗସ୍ ବୋଲି ନିଶ୍ଚିତ ହେବା ପରେ ତାଙ୍କୁ ଏୟାର ଆମ୍ବୁଲାନ୍ସ ମାଧ୍ୟମରେ ଚିକିତ୍ସା ପାଇଁ ମୁମ୍ବାଇ ପଠାଯାଇଥିଲା । ରୋଗୀଙ୍କୁ ମୁମ୍ବାଇର ହିନ୍ଦୁଜା ହସ୍ପିଟାଲରେ ଭର୍ତ୍ତି କରାଯାଇଛି, ଯେଉଁଠାରେ ସେ ଚିକିତ୍ସିତ ହେଉଛନ୍ତି ।
ଡାକ୍ତରମାନେ କହିଛନ୍ତି ଯେ ରୋଗୀ କରୋନା ସଂକ୍ରମିତ ହୋଇଥିଲେ, ତାଙ୍କର ଫୁସଫୁସ ଗୁରୁତର ଭାବରେ ପ୍ରଭାବିତ ହୋଇଥିଲା । ପ୍ରାୟ ଦୁଇମାସ ଚିକିତ୍ସା ପରେ ରୋଗୀକୁ ଡିସଚାର୍ଜ କରାଯାଇଥିଲା । 10 ଦିନ ପରେ ରୋଗୀର ଅବସ୍ଥା ପୁଣି ଖରାପ ହେବାକୁ ଲାଗିଲା । ଯାହାର ଅନୁସନ୍ଧାନ ପରେ ରୋଗୀ ଗ୍ରୀନ୍ ଫଙ୍ଗସରେ ସଂକ୍ରମିତ ହୋଇଥିବା ନିଶ୍ଚିତ ହୋଇଥିଲା ।
Click it and Unblock the Notifications
Sign in with Google