ୟୁକ୍ରେନ-ରୁଷ ସଙ୍କଟ : 219 ଜଣ ଭାରତୀୟଙ୍କୁ ନେଇ ମୁମ୍ବାଇ ଅଭିମୁଖେ ଯାତ୍ରା କରିଛି ପ୍ରଥମ ବିମାନ
ଶନିବାର ଦିନ, ୟୁକ୍ରେନରୁ 219 ଭାରତୀୟ ଛାତ୍ର ଏବଂ ପ୍ରବାସୀ ଭାରତୀୟଙ୍କୁ ନେଇ ଏକ ଏୟାର ଇଣ୍ଡିଆ ବିମାନ ରୋମାନିଆରୁ ମୁମ୍ବାଇ ଅଭିମୁଖେ ଯାତ୍ରା କରିଛି ।
ରୋମାନିଆ : ରୁଷ ଏବଂ ୟୁକ୍ରେନ ମଧ୍ୟରେ ଲାଗି ରହିଥିବା ଯୁଦ୍ଧ ହେତୁ ୟୁକ୍ରେନରେ ଫସି ରହିଥିବା ଭାରତୀୟ ଛାତ୍ରମାନଙ୍କୁ ସ୍ୱଦେଶ ଫେରାଇ ଆଣିବା ପାଇଁ ଭାରତ ସରକାର ଏକ ଅଭିଯାନ ଆରମ୍ଭ କରିଛନ୍ତି । ଶନିବାର ଦିନ, ୟୁକ୍ରେନରୁ 219 ଭାରତୀୟ ଛାତ୍ର ଏବଂ ପ୍ରବାସୀ ଭାରତୀୟଙ୍କୁ ନେଇ ଏକ ଏୟାର ଇଣ୍ଡିଆ ବିମାନ ରୋମାନିଆରୁ ମୁମ୍ବାଇ ଅଭିମୁଖେ ଯାତ୍ରା କରିଛି । ଏହି ସ୍ୱତନ୍ତ୍ର ବିମାନ ଆଜି ସନ୍ଧ୍ୟାରେ ମୁମ୍ବାଇର ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିବ ।
ୟୁକ୍ରେନରୁ ଭାରତୀୟଙ୍କୁ ଭାରତ ଅଣାଯିବା ସମ୍ପର୍କରେ କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରୀ ଡ଼ ଏସ ଜୟଶଙ୍କର ସୂଚନା ଦେଇଛନ୍ତି । ସେ କହିଛନ୍ତି ଯେ ୟୁକ୍ରେନରେ ଫସି ରହିଥିବା ଭାରତୀୟଙ୍କୁ ଆଣିବା ପାଇଁ ଆମେ ଶୀଘ୍ର କାର୍ଯ୍ୟ କରୁଛୁ, ଆମର ଦଳ 24 ଘଣ୍ଟା କାମ କରୁଛନ୍ତି । ଜୟଶଙ୍କର ନିଜେ ପୁରା କାର୍ଯ୍ୟର ତଦାରଖ କରୁଛନ୍ତି ।
The first flight to Mumbai with 219 Indians evacuated from Ukraine has taken off from Romania, says EAM Dr S Jaishankar
We are making progress. Our teams are working on the ground round the clock. I'm personally monitoring, he adds. pic.twitter.com/0OM21NDlah
— ANI (@ANI) February 26, 2022
ଉଲ୍ଲେଖନୀୟ ବିଷୟ ହେଉଛି, ଦୀର୍ଘ ଚିନ୍ତନ ପରେ ଭାରତ ସରକାର ଯୁଦ୍ଧଗ୍ରସ୍ତ ୟୁକ୍ରେନରୁ ଭାରତୀୟ ନାଗରିକଙ୍କୁ ସ୍ଥାନାନ୍ତର କରିବା ପାଇଁ ଏକ ଅଭିଯାନ ଆରମ୍ଭ କରିଛନ୍ତି । 219 ନାଗରିକଙ୍କୁ ନେଇ ଏୟାର ଇଣ୍ଡିଆର ପ୍ରଥମ ବିମାନ ରୋମାନିଆରୁ ମୁମ୍ବାଇ ଅଭିମୁଖେ ଯାତ୍ରା କରିଛି । ଯେଉଁ ଫଟୋ ଏବଂ ଭିଡିଓଗୁଡ଼ିକ ସାମ୍ନାକୁ ଆସିଛି, ସେଥିରେ ଦେଖିବାକୁ ମିଳିଛି ଯେ ଛାତ୍ର ଏବଂ ଭାରତୀୟମାନେ ଏକ ଲମ୍ବା ଲାଇନରେ ବିମାନରେ ଯିବା ପାଇଁ ଅପେକ୍ଷା କରିଛନ୍ତି । ଏହି ବିମାନଟି ସନ୍ଧ୍ୟା ପ୍ରାୟ 6.30 ସମୟରେ ମୁମ୍ବାଇରେ ଅବତରଣ କରିବ । ରୁଷର ୟୁକ୍ରେନ ଉପରେ ଆକ୍ରମଣ ପରେ ପୂର୍ବ ସୋଭିଏତ୍ ଗଣତନ୍ତ୍ରରୁ ଭାରତକୁ ଏହା ପ୍ରଥମ ବିମାନ ।
Click it and Unblock the Notifications
Sign in with Google