ମୁମ୍ବାଇର 60 ମହଲା ଅଭିଘ୍ନା ପାର୍କ ଆପାର୍ଟମେଣ୍ଟରେ ବ୍ୟାପକ ଅଗ୍ନିକାଣ୍ଡ, ଜଣେ ମୃତ

ଆଜି ଅପରାହ୍ନରେ ମହାରାଷ୍ଟ୍ରର ରାଜଧାନୀ ମୁମ୍ବାଇର 60 ମହଲା କୋଠାରେ ଅଗ୍ନିକାଣ୍ଡ ଘଟିଛି । ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଛି ।

Published: Friday, October 22, 2021, 17:10 [IST]

ମୁମ୍ବାଇ : ଆଜି ଅପରାହ୍ନରେ ମହାରାଷ୍ଟ୍ରର ରାଜଧାନୀ ମୁମ୍ବାଇର 60 ମହଲା କୋଠାରେ ଅଗ୍ନିକାଣ୍ଡ ଘଟିଛି । ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଛି ।

ମୁମ୍ବାଇର କ୍ୟୁରୀ ରୋଡରେ ଥିବା ବହୁ ମହଲା ଅଭିଘ୍ନା ପାର୍କ ଆପାର୍ଟମେଣ୍ଟରେ ମଧ୍ୟାହ୍ନ ପ୍ରାୟ 12 ଟା ସମୟରେ ଅଗ୍ନିକାଣ୍ଡ ଘଟି ବିଲ୍ଡିଂରୁ ଧୂଆଁ ବାହାରୁଥିବା ଦେଖିବାକୁ ମିଳିଥିଲା । ଏହା ପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିବା ପାଇଁ ଉଦ୍ୟମ ଜାରି ରଖିଛି । ମୁମ୍ବାଇ ମେୟର କିଶୋରୀ ପେଡନେକର ମଧ୍ୟ ଘଟଣାସ୍ଥଳରେ ପହଞ୍ଚି ପରିସ୍ଥିତିର ନଜର ରଖିଛନ୍ତି ।

ମୁମ୍ବାଇ ଫାୟାର ବ୍ରିଗେଡ ପକ୍ଷରୁ କୁହାଯାଇଛି ଯେ କ୍ୟୁରୀ ରୋଡରେ ଥିବା ଆଭିଗନା ପାର୍କ ଆପାର୍ଟମେଣ୍ଟରେ ଲେଭଲ୍ 3 ରେ ଏହି ଅଗ୍ନିକାଣ୍ଡ ଘଟିଛି । କୋଠାର 19 ତମ ମହଲାରେ ନିଆଁ ଲାଗିଯାଇଥିଲା ଯାହା ଅନ୍ୟ କୋଠାକୁ ମଧ୍ୟ ବ୍ୟାପି ଯାଇଥିଲା । ବିଲ୍ଡିଂର 19 ତମ ମହଲାରେ ଲାଗିଥିବା ନିଆଁରୁ ରକ୍ଷା ପାଇବା ପାଇଁ ଜଣେ ବ୍ୟକ୍ତି ବାଲକୋନିରୁ ଡେଇଁପଡିଥିଲେ । ମୁମ୍ବାଇ ଅଗ୍ନିଶମ ବିଭାଗର ସୂଚନା ଅନୁଯାୟୀ, ଏହି ବ୍ୟକ୍ତି 19 ତମ ମହଲାରୁ ଡେଇଁବା ପରେ ଆହତ ହୋଇ ପ୍ରାଣ ହରାଇଥିଲେ । ଏହି 60 ମହଲା କୋଠାରେ ଅନେକ ଲୋକ ଫସି ରହିଥିବାର ଭୟ କରାଯାଉଛି । ଅଗ୍ନିକାଣ୍ଡ ଯୋଗୁଁ କ୍ୟୁରୀ ରୋଡ୍ ବ୍ରିଜ୍ ଉପରେ ଟ୍ରାଫିକ୍ ମଧ୍ୟ ସ୍ଥଗିତ ରହିଛି । ପୋଲିସ ଏହି ଅଞ୍ଚଳରେ ବ୍ୟାରିକେଡ୍ କରିଛି ।

Published On October 22, 2021