କୋଲକାତାର ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ଏୟାରପୋର୍ଟରେ ନିଆଁ

କୋଲକାତା : କୋଲକାତାର ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ଏୟାରପୋର୍ଟରେ ଅଗ୍ନିକାଣ୍ଡ ହୋଇଛି । ଏୟାରପୋର୍ଟର ସିକ୍ୟୁରିଟି ଚେକ-ଇନ କାଉଣ୍ଟର ନିକଟରେ ନିଆଁ ଲାଗିଥିବା ସୂଚନା ମିଳିଛି । ଘଟଣାସ୍ଥଳରେ 6ଟି ଦମକଳ ଗାଡ଼ି ନିଆଁ ଲିଭାଇବାରେ ନିୟୋଜିତ ହୋଇଥିଲେ । କିଛି ସମୟ ପରେ ନିଆଁକୁ ଆୟତ୍ତ କରାଯାଇଥିଲା ।

ସୂଚନା ଅନୁସାରେ ଏୟାରପୋର୍ଟର ସିକ୍ୟୁରିଟି ଚେକ-ଇନ ନିକଟରେ ଥିବା ଡି-ପୋର୍ଟାଲ ଏରିଆରେ ରାତି ପ୍ରାୟ ୯ଟାରେ ନିଆଁ ଲାଗିଥିଲା । ଡି-ପୋର୍ଟାଲ ଏରିଆରେ ଯାତ୍ରୀମାନଙ୍କୁ ବୋର୍ଡିଂ ପାସ ଦିଆଯାଇଥାଏ । ନିଆଁ ଲାଗିବା ପରେ ସେହି ଅଂଚଳରେ ଥିବା କର୍ମଚାରୀ ଓ ଯାତ୍ରୀମାନଙ୍କୁ ତୁରନ୍ତ ସୁରକ୍ଷିତ ସ୍ଥାନକୁ ନିଆଯାଇଥିଲା । ତେବେ ଏହି ଘଟଣାରେ କାହାର କୌଣସି କ୍ଷତି ହୋଇନାହିଁ ।

ବିମାନବନ୍ଦରର ଲଗେଜ ବେଲ୍ଟ ନିକଟରେ ପ୍ରଥମେ ନିଆଁ ଲାଗିଥିବା ଖବର ମିଳିଛି । ଯାତ୍ରୀମାନେ ବ୍ୟାଗେଜ ସଂଗ୍ରହ କରିବା ପାଇଁ ଅପେକ୍ଷା କରିଥିବା ବେଳେ ନିଆଁ ଲାଗିଥିବା ଯୋଗୁ ଆତଙ୍କିତ ହୋଇ ପଡିଥିଲେ। ଏଥିଯୋଗୁ ସମ୍ପୂର୍ଣ ଟର୍ମିନାଲକୁ ତୁରନ୍ତ ଖାଲି କରାଯାଇଥିଲା । ବିମାନ ବନ୍ଦର ସୁରକ୍ଷା ୟୁନିଟ ପକ୍ଷରୁ ନିଆଁକୁ ଆୟତ୍ତ କରିବା ପାଇଁ ତୁରନ୍ତ ପଦକ୍ଷେପ ଗ୍ରହଣ କରାଯାଇଥିଲା।

VIDEO | The fire broke out at the security check-in area of the airport's departure section. The area was evacuated by the airport authorities. pic.twitter.com/oxRl4M9w6c

— Press Trust of India (@PTI_News) June 14, 2023

ବିମାନବନ୍ଦରରେ ନିଆଁ ଲାଗିବା ଯୋଗୁ ସାମୟିକ ବାତିଲ ହେଲା ଫ୍ଲାଇଟ: କୋଲକାତା ବିମାନବନ୍ଦରରେ ନିଆଁ ଲାଗିବା ଯୋଗୁ ବିମାନ ଚଳାଚଳ ଉପରେ ପ୍ରଭାବ ପକାଇଛି। ଟର୍ମିନାଲ ଖାଲି କରିବା ଫଳରେ ବିମାନ ଉଡାଣ ସାମୟିକ ଭାବରେ ପ୍ରଭାବିତ ହୋଇଛି।

English summary

Fire breaks out at Kolkata airport security check-in area