ପୂର୍ବତନ କମିଶନର ପରମବୀର ସିଂଙ୍କ ବିରୋଧରେ ଏଫ୍ଆଇଆର୍, ଦାଦାବଟି ଆଦାୟ ଅଭିଯୋଗ
ମୁମ୍ବାଇର ପୂର୍ବତନ ପୋଲିସ କମିଶନର ପରମବୀର ସିଂଙ୍କ ବିରୋଧରେ ମେରାଇନ ଡ୍ରାଇଭ ପୋଲିସ ଷ୍ଟେସନରେ ଏଫଆଇଆର ଦାଖଲ କରାଯାଇଛି । ସୂଚନା ଅନୁଯାୟୀ, ଏହି FIR ଜଣେ ବ୍ୟବସାୟୀଙ୍କ ଦ୍ୱାରା କରାଯାଇଛି ।
ମୁମ୍ବାଇ : ମୁମ୍ବାଇର ପୂର୍ବତନ ପୋଲିସ କମିଶନର ପରମବୀର ସିଂଙ୍କ ବିରୋଧରେ ମେରାଇନ ଡ୍ରାଇଭ ପୋଲିସ ଷ୍ଟେସନରେ ଏଫଆଇଆର ଦାଖଲ କରାଯାଇଛି । ସୂଚନା ଅନୁଯାୟୀ, ଏହି FIR ଜଣେ ବ୍ୟବସାୟୀଙ୍କ ଦ୍ୱାରା କରାଯାଇଛି । ଏହି ଏଫ୍ଆଇଆରରେ ପରମବୀର ସିଂଙ୍କ ବିରୋଧରେ ଦାଦାବଟି ଆଦାୟ କରିଥିବା ଅଭିଯୋଗ ଆସିଛି । କୁହାଯାଉଛି ଯେ ଏହି ଏଫଆଇଆରରେ ପରମବୀର ସିଂଙ୍କ ସମେତ 8 ଜଣଙ୍କ ନାମ ରହିଛି । ଯେଉଁଥିରେ 6 ଜଣ ପୋଲିସ ଏବଂ 2 ଜଣ ସାଧାରଣ ଲୋକଙ୍କ ନାମ ରହିଛି । ଏହି ମାମଲାରେ 2 ଜଣ ଗିରଫ ହୋଇଛନ୍ତି ।
ଦୁର୍ନୀତି ଅଭିଯୋଗରେ ଘେରି ହୋଇଛନ୍ତି ପରମବୀର
ଆପଣଙ୍କୁ କହି ରଖୁଛୁ, ପରମବୀର ସିଂଙ୍କ ଉପରେ ପୂର୍ବରୁ ଦୁର୍ନୀତି ଅଭିଯୋଗ ରହିଛି । ଏହି ଅଭିଯୋଗ ଆସିବା ପରେ ହିଁ ତାଙ୍କୁ ତାଙ୍କ ପଦରୁ ବରଖାସ୍ତ କରାଯାଇଥିଲା । କେବଳ ଏତିକି ନୁହେଁ ମହାରାଷ୍ଟ୍ର ସରକାର ଏସିବିଙ୍କୁ ପାରମବୀର ସିଂଙ୍କ ବିରୋଧରେ ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି । ପୂର୍ବତନ ରାଜ୍ୟ ଗୃହମନ୍ତ୍ରୀ ଅନୀଲ ଦେଶମୁଖଙ୍କ ବିରୋଧରେ 100 କୋଟି ଟଙ୍କା ବଟି ଆଦାୟ ଅଭିଯୋଗ କରି ପରମବୀର ସିଂଙ୍କ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଏକ ଚିଠି ଲେଖିଥିବା ବେଳେ ଏହା ସାମ୍ନାକୁ ଆସିଛି ।
ମହାରାଷ୍ଟ୍ର ରାଜନୀତିରେ ହୋଇଥିଲା ହଇଚଇ
ପରମବୀର ସିଂ ତାଙ୍କ ଚିଠିରେ କହିଛନ୍ତି ଯେ ଅନିଲ ଦେଶମୁଖ ସଚିନ୍ ୱାଜେଙ୍କୁ ଦାଦାବଟି ଆଦାୟ କରିବା ପାଇଁ କହିଥିଲେ । 100 କୋଟି ଟଙ୍କା ଦାଦାବଟି ଟାର୍ଗେଟ୍ ପୂରଣ କରିବା ପାଇଁ ଅନୀଲ ଦେଶମୁଖ ମୁମ୍ବାଇର 1750 ବାର ଏବଂ ରେସ୍ତୋରାଁରୁ ଟଙ୍କା ସଂଗ୍ରହ କରିବାକୁ ସଚିନଙ୍କୁ କହିଥିଲେ । ଏହା ସାମ୍ନାକୁ ଆସିବା ପରେ ମହାରାଷ୍ଟ୍ର ରାଜନୀତିରେ ହଇଚଇ ସୃଷ୍ଟି ହୋଇଥିଲା । ଏହା ପରେ ପରମବୀରଙ୍କୁ ମୁମ୍ବାଇ ପୋଲିସ କମିଶନର ପଦରୁ ହଟାଇ ଦିଆଯାଇଥିଲା ।
Click it and Unblock the Notifications
Sign in with Google