ଆଜି କୃଷକ ନେତାଙ୍କ ବୈଠକ : ରାକେଶ ଟିକାଇଟ୍ କହିଛନ୍ତି - ଏହି ଆନ୍ଦୋଳନ କିପରି ଆଗକୁ ବଢିବ ସେ ବିଷୟରେ ଆମେ ଆଲୋଚନା କରୁଛୁ

ଭାରତୀୟ କିଷାନ ୟୁନିଅନର ମୁଖପାତ୍ର ରାକେଶ ଟିକାୟିତ୍ କହିଛନ୍ତି ଯେ ଆଜିର ବୈଠକରେ ଆମେ କୃଷକଙ୍କ ଆନ୍ଦୋଳନକୁ ଆଗେଇ ନେବା ପାଇଁ ରଣନୀତି ଉପରେ ଆଲୋଚନା କରୁଛୁ ।

Published: Saturday, December 4, 2021, 13:09 [IST]

ନୂଆଦିଲ୍ଲୀ : ଆଜି ୟୁନାଇଟେଡ୍ କିସାନ୍ ମୋର୍ଚ୍ଚାର ଏକ ବୈଠକ ଅନୁଷ୍ଠିତ ହେଉଛି । ଏହି ବୌଠକରେ ବହୁ ବରିଷ୍ଠ କୃଷକ ନେତା ଯୋଗ ଦେଇଛନ୍ତି । ଏହି ବୈଠକ ସମ୍ପର୍କରେ ଭାରତୀୟ କିଷାନ ୟୁନିଅନର ମୁଖପାତ୍ର ରାକେଶ ଟିକାୟିତ୍ କହିଛନ୍ତି ଯେ ଆଜିର ବୈଠକରେ ଆମେ କୃଷକଙ୍କ ଆନ୍ଦୋଳନକୁ ଆଗେଇ ନେବା ପାଇଁ ରଣନୀତି ଉପରେ ଆଲୋଚନା କରୁଛୁ । ଆନ୍ଦୋଳନ କିପରି ଅଗ୍ରଗତି କରିବ ଏବଂ ସରକାର ଯଦି ଆଲୋଚନା କରିବେ, ତା'ହେଲେ ଆମେ କିପରି କଥାବାର୍ତ୍ତା ହେବା ବିଷୟରେ ନିଜ ମଧ୍ୟରେ ଆଲୋଚନା ହେଉଛି ।

ରାକେଶ ଟିକାୟିତ୍ କହିଛନ୍ତି ଯେ କୃଷକ ନେତା ଗୁରୁନାମ ସିଂହ ଚଢୁନୀଙ୍କ ସମେତ ପାଞ୍ଚଟି ସଂଗଠନର ପ୍ରତିନିଧୀ ଗତକାଲି ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟରଙ୍କୁ ଭେଟିଛନ୍ତି । ଚଣ୍ଡିଗଡ଼ରେ ତାଙ୍କର ସିଏମ୍ ହାଉସରେ ବୈଠକ ହୋଇଥିଲା । ଏଥିରେ କୃଷକଙ୍କ ଆନ୍ଦୋଳନ ସମୟରେ ପଞ୍ଜୀକୃତ ମାମଲା ପ୍ରତ୍ୟାହାର ନେଇ ଆଲୋଚନା ହୋଇଥିଲା । ପ୍ରଦର୍ଶନ ସହ ଜଡିତ ମାମଲା ପ୍ରତ୍ୟାହାର କରିବାକୁ ଉଭୟ ପକ୍ଷ ରାଜି ହୋଇଥିଲେ ମଧ୍ୟ କ୍ଷତିପୂରଣ ନେଇ ସହମତି ପ୍ରକାଶ ପାଇନାହିଁ । BKU ମୁଖପାତ୍ର ରାକେଶ ଟିକାୟିତ୍ କହିଛନ୍ତି ଯେ ବର୍ତ୍ତମାନ ଆମେ ଆମର ଭବିଷ୍ୟତ ରଣନୀତି ଉପରେ ଆଲୋଚନା କରୁଛୁ ।

ଏଥି ସହିତ ହରିୟାଣାର କୃଷକ ନେତା ଗୁରୁନାମ ସିଂହ ଚଢୁନୀ ମୁଖ୍ୟମନ୍ତ୍ରୀଙ୍କ ସହ ଆଲୋଚନା ବିଷୟରେ କହିଛନ୍ତି ଯେ ଆଲୋଚନା ପରେ ଆମର ସହମତି ହୋଇପାରି ନାହିଁ । ସରକାରଙ୍କ ତରଫରୁ ଆମେ ସନ୍ତୋଷଜନକ ଉତ୍ତର ପାଇ ନାହୁଁ । ବର୍ତ୍ତମାନ ପରବର୍ତ୍ତୀ ନିଷ୍ପତ୍ତି ୟୁନାଇଟେଡ୍ କିସାନ୍ ମୋର୍ଚ୍ଚା ବୈଠକରେ ନିଆଯିବ । ସେ କହିଛନ୍ତି ଯେ ଆଶା କରୁଛି କୃଷକ ନେତାଙ୍କ ମଧ୍ୟରେ ଭଲ ଆଲୋଚନା ହେବ ।

ସୂଚନାଯୋଗ୍ୟ, ଏହାପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତିନୋଟି କୃଷି ଆଇନ ପ୍ରତ୍ୟାହାର ନେଇ ଘୋଷଣା କରିଥିଲେ । କିଛି ଦିନ ପରେ ଉକ୍ତ ଆଇନକୁ ରଦ୍ଦ କରିବା ପାଇଁ ବିଲ୍ ଉଭୟ ଗୃହରେ ପାରିତ ହେବା ପରେ ରାଷ୍ଟ୍ରପତି ମଧ୍ୟ ଏଥିରେ ଦସ୍ତଖତ କରିଥିଲେ । ତେବେ ଫସଲ ପାଇଁ ଏମଏସପି, ଚାଷୀଙ୍କ ବିରୋଧରେ ମାମଲା, ମୃତ ଚାଷୀଙ୍କୁ କ୍ଷତିପୂରଣ ଭଳି ଅନେକ ଦାବି ନେଇ ଚାଷୀଙ୍କ ଆନ୍ଦୋଳନ ଜାରି ରହିଛି ।

Published On December 4, 2021