Fact Check : COVID-19 ଟିକା ପାଇଁ ବରିଷ୍ଠ ନାଗରିକମାନଙ୍କୁ ବିବରଣୀ ମାଗୁନାହିଁ ଡ୍ରଗ୍ ଅଥରିଟି ଅଫ୍ ଇଣ୍ଡିଆ

ବିଶେଷକରି ବରିଷ୍ଠମାନଙ୍କୁ ଡ୍ରଗ୍ ଅଥରିଟି ଅଫ୍ ଇଣ୍ଡିଆ ନାମରେ କଲ୍ ଆସୁଛି ଏବଂ ସେମାନଙ୍କୁ ଟୀକା ବଣ୍ଟନ ପାଇଁ ମନୋନୀତ କରାଯାଇଛି ବୋଲି କୁହାଯାଉଛି । କେତେକ ଠକ ଏହି କଲ୍ ମାଧ୍ୟମରେ ସେମାନଙ୍କୁ ଆଧାର, ବ୍ୟାଙ୍କ ଆକାଉଣ୍ଟ ବିବରଣୀ ଏବଂ OTP ପରି ତଥ୍ୟ ମାଗୁଛନ୍ତି।

Updated: Wednesday, January 6, 2021, 17:13 [IST]

ନୂଆଦିଲ୍ଲୀ : ଭାରତରେ COVID-19 ଟିକା ସମ୍ଭବତଃ ଜାନୁଆରୀ 13 ରୋଲଆଉଟ୍ ପାଇଁ ପ୍ରସ୍ତୁତ ହେଉଛି ।

ଏହି ସମୟରେ ଖବର ଆସିଛି ଯେ, ବିଶେଷକରି ବରିଷ୍ଠମାନଙ୍କୁ ଡ୍ରଗ୍ ଅଥରିଟି ଅଫ୍ ଇଣ୍ଡିଆ ନାମରେ କଲ୍ ଆସୁଛି ଏବଂ ସେମାନଙ୍କୁ ଟୀକା ବଣ୍ଟନ ପାଇଁ ମନୋନୀତ କରାଯାଇଛି ବୋଲି କୁହାଯାଉଛି । କେତେକ ଠକ ଏହି କଲ୍ ମାଧ୍ୟମରେ ସେମାନଙ୍କୁ ଆଧାର, ବ୍ୟାଙ୍କ ଆକାଉଣ୍ଟ ବିବରଣୀ ଏବଂ OTP ପରି ସବିଶେଷ ତଥ୍ୟ ମାଗୁଛନ୍ତି । ଟିକା ପ୍ରୋଟୋକଲ୍ ଏପର୍ଯ୍ୟନ୍ତ ସ୍ପଷ୍ଟ ହୋଇନଥିବା ବେଳେ କିଛି ସୋସିଆଲ୍ ମିଡିଆ ବ୍ୟବହାରକାରୀ ଏହି ଘଟଣା ବିଷୟରେ ବର୍ଣ୍ଣନା କରିଛନ୍ତି ଯେଉଁଥିରେ ଏହି ଠକାମୀର ଶିକାର ହୋଇ କେତେକ ଲୋକଙ୍କର ପ୍ରାୟ 12 ଲକ୍ଷ ଟଙ୍କା ପର୍ଯ୍ୟନ୍ତ କ୍ଷତି ହୋଇଛି ।

ଏପରି ଏକ ଠକେଇ ଉତ୍ତରପ୍ରଦେଶରେ ନଜରକୁ ଆସିଛି । COVID-19 ଟିକା ପଞ୍ଜୀକରଣ ପାଇଁ ସ୍ୱାସ୍ଥ୍ୟ ବିଭାଗ ଦ୍ୱାରା କୌଣସି ଫୋନ୍ କଲ କରାଯାଉ ନାହିଁ ବୋଲି ସ୍ୱାସ୍ଥ୍ୟ ବିଭାଗ କାର୍ଯ୍ୟାଳୟ ସ୍ପଷ୍ଟ କରିଛି । ଆଗ ଧାଡ଼ିର ଯୋଦ୍ଧାମାନଙ୍କୁ ଟୀକାକରଣ ଜାନୁଆରୀ ତୃତୀୟ ସପ୍ତାହରେ କରାଯିବ ଏବଂ ଟିକା ପାଇଁ କୌଣସି ପଞ୍ଜୀକରଣ କାର୍ଯ୍ୟକ୍ରମ କରାଯାଉ ନାହିଁ ବୋଲି ମୁଖ୍ୟ ସ୍ୱାସ୍ଥ୍ୟ ଅଧିକାରୀ ଶ୍ରୀକାନ୍ତ ତିୱାରୀ କହିଛନ୍ତି ।

ଟୀକାକରଣ ପଞ୍ଜିକରଣ ନାମରେ କାହାକୁ ସବିଶେଷ ତଥ୍ୟ ଦେବାର କୌଣସି ଆବଶ୍ୟକତା ନାହିଁ । କାରଣ ଲୋକମାନେ ସାଇବର ଅପରାଧର ଶିକାର ହୋଇପାରନ୍ତି ଏବଂ ଅନେକ ଠକେଇ ମାମଲା କର୍ତ୍ତୃପକ୍ଷଙ୍କ ନଜରକୁ ଆସିଛି ।

COVID-19 ଟିକା ପଞ୍ଜିକରଣ ନାମରେ ଅନଲାଇନ୍ ଠକେଇ ମାମଲା ସାମ୍ନାକୁ ଆସିଛି ଏବଂ ତେଣୁ ନିଜର ସବିଶେଷ ତଥ୍ୟ ଦେଇ ଏହାର ଶିକାର ନହେବା ପାଇଁ ଏଡିଜି ଦଓ୍ୱା ସେର୍ଫା ଲୋକମାନଙ୍କୁ ନିବେଦନ କରିଛନ୍ତି ।

ଟିକା ବଣ୍ଟନ କିମ୍ବା ଟୀକାକରଣ ପାଇଁ କୌଣସି କମ୍ପାନୀ କିମ୍ବା ସରକାର ଆବେଦନ କରିନାହାଁନ୍ତି । ପ୍ରକ୍ରିୟା ଆରମ୍ଭ ହେବା ନେଇ ଜନସାଧାରଣଙ୍କୁ ଅବଗତ କରାଯିବ ବୋଲି ସେ କହିଛନ୍ତି ।