କରାଚି ବିଲ୍ଡିଂରେ ବଡ ବିସ୍ଫୋରଣ, 10 ଜଣଙ୍କର ମୃତ୍ୟୁ

ପାକିସ୍ତାନର ଏକ ବିଲ୍ଡିଂରେ ବିସ୍ଫୋରଣ ହୋଇଛି । ଏଥିରେ 10 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।

ଇସଲାମାବାଦ : ପାକିସ୍ତାନର ଏକ ବିଲ୍ଡିଂରେ ବିସ୍ଫୋରଣ ହୋଇଛି । ଏଥିରେ 10 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ପାକିସ୍ତାନୀ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ ଶନିବାର ଅପରାହ୍ନରେ କରାଚି ସହରର ଶେର୍ସା ପରଚା ଛକ ଅଞ୍ଚଳର ଏକ କୋଠାରେ ଏହି ବିସ୍ଫୋରଣ ଘଟିଛି । ଏହି ବିସ୍ଫୋରଣରେ ଦଶ ଜଣ ପ୍ରାଣ ହରାଇଛନ୍ତି । ବିସ୍ଫୋରଣ ଘଟିବା ମାତ୍ରେ ସମଗ୍ର ଅଞ୍ଚଳରେ ଆତଙ୍କ ଖେଳିଯାଇଥିଲା । ଲୋକମାନେ ନିଜ ଜୀବନ ବଞ୍ଚାଇବା ପାଇଁ ଚାରିଆଡ଼େ ଦୌଡୁଥିବା ଦେଖିବାକୁ ମିଳିଥିଲା ।

ବିସ୍ପୋରଣର ଏକ ଭିଡିଓ ମଧ୍ୟ ସାମ୍ନାକୁ ଆସିଛି ଯେଉଁଥିରେ ସ୍ପଷ୍ଟ ଭାବରେ ଦେଖାଯାଇପାରେ ଯେ ଘଟଣାସ୍ଥଳରେ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି । ଅଳିଆ ଆବର୍ଜନା ବିସ୍ତାର ହୋଇଛି । ପ୍ରାଥମିକ ସୂଚନାରୁ ଜଣାପଡିଛି ଯେ ଏହି ବିସ୍ଫୋରଣ ଶେରଶାର ପରଚା ଛକ ନିକଟ HBL ବ୍ୟାଙ୍କର ଏକ ଶାଖା ଭିତରେ ଘଟିଛି ଯେଉଁଥିରେ ଅନେକ ଲୋକ ଆହତ ହୋଇଥିବା ସୂଚନା ମିଳିଛି । ପ୍ରାଥମିକ ସୂଚନା ଅନୁଯାୟୀ, ଭୂତଳ ଗ୍ୟାସ ପାଇପଲାଇନ ଦ୍ୱାରା ଏହି ବିସ୍ଫୋରଣ ଘଟିଛି । ତେବେ ବିସ୍ଫୋରଣର ପ୍ରକୃତ କାରଣ ଏପର୍ଯ୍ୟନ୍ତ ଜଣାପଡିନାହିଁ ।

TW

Explosion inside a branch of HBL near Paracha Chowk in Shershah - several injured, extensive damage. As per initial information, the blast is reported to have occurred in an underground gas pipeline, BDS called in for further clarity.#Karachi #Pakistan pic.twitter.com/DwDgCBnyEN

— Yusra Askari (@YusraSAskari) December 18, 2021

ବିସ୍ପୋରଣରେ ଆହତ 4 ଜଣଙ୍କ ଅବସ୍ଥା ଗୁରୁତର ରହିଛି । ଏଥିସହିତ ଅନେକ ଲୋକ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ବିସ୍ଫୋରଣ ପରେ ଉଦ୍ଧାରକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ, ଫସି ରହିଥିବା ଲୋକଙ୍କୁ ଥଇଥାନ କାର୍ଯ୍ୟ ଜାରି ରହିଛି ।

ଏଥିସହିତ ଏହା ମଧ୍ୟ କୁହାଯାଉଛି ଯେ ଏହି ବିସ୍ଫୋରଣ ବିଲଡିଂ ନିକଟ ଡ୍ରେନରେ ଘଟିଛି ଯେଉଁଥିରେ ବ୍ୟାଙ୍କ ବିଲଡିଂ କ୍ଷତିଗ୍ରସ୍ତ ହୋଇଛି । ଯଦିଓ ବର୍ତ୍ତମାନ ସମୟରେ ପ୍ରକୃତ କାରଣ ବିଷୟରେ କୌଣସି ସୂଚନା ନାହିଁ । ଏହି ଘଟଣା ପରେ ବମ୍ ଡିସପୋଜାଲ୍ ସ୍କ୍ୱାଡ୍ ମଧ୍ୟ ଘଟଣାସ୍ଥଳରେ ପହଞ୍ଚି ଏହାର ତଦନ୍ତ କରୁଛନ୍ତି ।

English summary

explosion at building in Karachi's Shershah Paracha Chowk area Ten killed