ଡକ୍ଟର ରେଡ୍ଡୀକୁ ବଡ଼ ଝଟକା, ସ୍ପୁଟନିକ୍ ଲାଇଟ୍ ର ତୃତୀୟ ପର୍ଯ୍ୟାୟ ପରୀକ୍ଷାକୁ ମିଳିଲାନି ଅନୁମୋଦନ

ଡକ୍ଚର ରେଡ୍ଡୀ ଲାବୋରେଟୋରୀକୁ ରୁଷର ସ୍ପୁଟ୍ନିକ୍ ଲାଇଟ୍ ଟିକା ତୃତୀୟ ପର୍ଯ୍ୟାୟ ପରୀକ୍ଷାକୁ ଅନୁମୋଦନ କରିବାକୁ ସରକାରଙ୍କ ବିଶେଷଜ୍ଞ କମିଟି ମନା କରିଦେଇଛି ।

ନୂଆଦିଲ୍ଲୀ : ଡକ୍ଚର ରେଡ୍ଡୀ ଲାବୋରେଟୋରୀକୁ ରୁଷର ସ୍ପୁଟ୍ନିକ୍ ଲାଇଟ୍ ଟିକା ତୃତୀୟ ପର୍ଯ୍ୟାୟ ପରୀକ୍ଷାକୁ ଅନୁମୋଦନ କରିବାକୁ ସରକାରଙ୍କ ବିଶେଷଜ୍ଞ କମିଟି ମନା କରିଦେଇଛି । ଟିକା ଉପରେ ସରକାରଙ୍କ ଦ୍ୱାରା ଗଠିତ ସବଜେକ୍ଟ ବିଶେଷଜ୍ଞ କମିଟି ବୁଧବାର ଡକ୍ଟର ରେଡ୍ଡୀଙ୍କ ଆବେଦନକୁ ପ୍ରତ୍ୟାଖ୍ୟାନ କରିଥିଲେ, ଯେଉଁଥିରେ ଭାରତରେ ସ୍ପୁଟନିକ୍ ଲାଇଟ୍ ଟିକା ପରୀକ୍ଷା ପାଇଁ ଅନୁମତି ମଗାଯାଇଥିଲା । ସୂଚନାନୁସାରେ, ପ୍ୟାନେଲ୍ କମ୍ପାନୀକୁ ତୃତୀୟ ପର୍ଯ୍ୟାୟ ପରୀକ୍ଷା କରିବାକୁ ଅନୁମତି ଦେବାକୁ ମନା କରିଦେଇଛି ।

ସ୍ପୁଟନିକ୍ ଟିକା ହେଉଛି ଗୋଟିଏ ଡୋଜ୍ ଟିକା, ଅର୍ଥାତ୍ କେବଳ ଗୋଟିଏ ମାତ୍ରା ଡୋଜ୍ ଦିଆଯିବ । କିନ୍ତୁ ଏପର୍ଯ୍ୟନ୍ତ ଏହାକୁ ଭାରତରେ ଅନୁମତି ଦିଆଯାଇ ନାହିଁ ।

ଡକ୍ଟର ରେଡ୍ଡୀର ସିଇଓ ଦୀପକ ସାପରା କହିଛନ୍ତି ଯେ ସ୍ପୁଟନିକ୍ ଲାଇଟ୍ ହେଉଛି ଏକ-ଡୋଜ୍ ଟିକା, ଯାହା ସ୍ପୁଟ୍ନିକ୍ ନିର୍ମାତା ଦ୍ୱାରା ବିକଶିତ ହୋଇଛି, ଯାହା ଏପର୍ଯ୍ୟନ୍ତ ଭାରତରେ ଅନୁମୋଦନ ହୋଇନାହିଁ । ଏହାକୁ ଅନୁମତି ଦେବା ପାଇଁ ଡକ୍ଟର ରେଡ୍ଡୀଙ୍କ ଲ୍ୟାବ ଭାରତର ନିୟାମକଙ୍କ ସହ ଆଲୋଚନା କରୁଛି । ସାପରା ଆହୁରି କହିଛନ୍ତି ଯେ ମୁଁ ଆଶା କରୁଛି ଯେ ଥରେ ସ୍ପୁଟ୍ନିକ୍ ଲାଇଟ୍ ଭାରତକୁ ଅଣାଯିବା ପରେ ଏହା ଦେଶର ଟିକା କାର୍ଯ୍ୟକ୍ରମରେ ଆଉ ଏକ ପ୍ରମୁଖ ଅବଦାନ ଦେବ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ଟିକା ର କେବଳ ଗୋଟିଏ ମାତ୍ରା ଯଥେଷ୍ଟ ହେବ ଏବଂ ଏହା କରୋନାରୁ ଲୋକଙ୍କୁ 80 ପ୍ରତିଶତ ସୁରକ୍ଷା ଦେବ । ଯଦି ଏହି ଟିକା ଅନୁମୋଦନ ହୋଇଥାନ୍ତା ତେବେ ଏହାର ମୂଲ୍ୟ ପ୍ରାୟ 730 ଟଙ୍କା ହୋଇଥାନ୍ତା ।

English summary

Expert panel Refuse To Third phase Clinical Test Of Sputnik Light Vaccine