ଜାମ୍ମୁ କାଶ୍ମୀରର ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନାଙ୍କ ପରାମର୍ଶଦାତା ହୋଇପାରନ୍ତି ପୂର୍ବତନ ଆଇଏଏସ୍ ଶାହା ଫୈସଲ
ଜାମ୍ମୁ-କଶ୍ମୀରର ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନାଙ୍କ ପରାମର୍ଶଦାତା ଭାବରେ ପୂର୍ବତନ ଆଇଏଏସ୍ ଅଧିକାରୀ ଶାହ ଫୈସଲଙ୍କୁ ନିଯୁକ୍ତ କରାଯାଇପାରେ ।
ଜାମ୍ମୁ : ଜାମ୍ମୁ-କଶ୍ମୀରର ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନାଙ୍କ ପରାମର୍ଶଦାତା ଭାବରେ ପୂର୍ବତନ ଆଇଏଏସ୍ ଅଧିକାରୀ ଶାହ ଫୈସଲଙ୍କୁ ନିଯୁକ୍ତ କରାଯାଇପାରେ । ସୂଚନାନୁସାରେ, ଶାହା ଫୈସଲ ଲେଫ୍ଟନାଣ୍ଟ ଗଭର୍ଣ୍ଣର ଏବଂ ପ୍ରଶାସନକୁ ସ୍ଥାନୀୟ ପ୍ରସଙ୍ଗରେ ପରାମର୍ଶ ଦେବେ । ଶାହ ଫୈସଲ ଜାମ୍ମୁ କାଶ୍ମୀର କ୍ୟାଡରର ଜଣେ ଆଇଏଏସ୍ ଅଧିକାରୀ ଥିଲେ । ସେ ଚାକିରି ଛାଡି ଜାମ୍ମୁ କାଶ୍ମୀର ପିପୁଲ୍ସ ମୁଭମେଣ୍ଟ ପାର୍ଟି ଗଠନ କରିଥିଲେ । ତେବେ ପରେ ସେ ରାଜନୀତିରୁ ବିଦାୟ ନେଇଥିଲେ ।
କୌତୁହଳର ବିଷୟ, ଫୈସଲଙ୍କ ନିଯୁକ୍ତି ଏପରି ଏକ ସମୟରେ ଆସିଛି ଯେତେବେଳେ ଉପତ୍ୟକାରେ ସାଧାରଣ ନାଗରିକ ହତ୍ୟାକାଣ୍ଡରେ ତୀବ୍ର ବୃଦ୍ଧି ଘଟିଛି । ଆତଙ୍କବାଦୀମାନେ ପାଞ୍ଚ ଦିନ ମଧ୍ୟରେ କାଶ୍ମୀରରେ ସଂଖ୍ୟାଲଘୁ ସମ୍ପ୍ରଦାୟର ଚାରିଜଣଙ୍କ ସମେତ 7 ଜଣ ସାଧାରଣ ନାଗରିକଙ୍କୁ ହତ୍ୟା କରିଛନ୍ତି । ଶାହା ଫୈସଲଙ୍କ ନିଯୁକ୍ତିକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିବେଚନା କରାଯାଉଛି । 2009 ରେ IAS ପରୀକ୍ଷାରେ ଶୀର୍ଷରେ ଥିବା ଶାହ ଫୈସଲ ଉପତ୍ୟକାର ୟୁଥ୍ ଆଇକନ୍ ଭାବରେ ଜଣାଶୁଣା ।
ସେ ଜାନୁଆରୀ 2019 ରେ ଭାରତୀୟ ସିଭିଲ ସର୍ଭିସରୁ ଇସ୍ତଫା ଦେଇଥିଲେ ଏବଂ ସେହି ବର୍ଷ ଅଗଷ୍ଟରେ ଜାମ୍ମୁ କାଶ୍ମୀରରେ ଏକ ନୂତନ ରାଜନୈତିକ ଦଳ ଗଠନ କରିଥିଲେ । କିନ୍ତୁ ସେ ସରକାରୀ ସେବାକୁ ଫେରିବେ ବୋଲି କଳ୍ପନାଜଳ୍ପନା ମଧ୍ୟରେ ସେ ଗତ ବର୍ଷ ହଠାତ୍ ରାଜନୀତି ଛାଡିଥିଲେ । ଶାହାଙ୍କ ରାଜନୈତିକ କ୍ୟାରିଅର୍ ହୁଏତ ସ୍ୱଳ୍ପ ହୋଇଥାଇପାରେ, କିନ୍ତୁ ଉପତ୍ୟକାର ଲୋକଙ୍କ ସହ ତାଙ୍କର ଗଭୀର ସମ୍ପର୍କ ଅଛି । ସୂତ୍ର ଅନୁଯାୟୀ ଯଦି ଲେଫ୍ଟନାଣ୍ଟ ଗଭର୍ଣ୍ଣରଙ୍କ ପରାମର୍ଶଦାତା ଭାବରେ ଶାହ ଫୈସଲଙ୍କୁ ନିଯୁକ୍ତ କରାଯାଏ, ତେବେ ଏହା ଜାମ୍ମୁ କାଶ୍ମୀରର ଯୁବକମାନଙ୍କ ସହ ଯୋଗାଯୋଗ କରିବାରେ ସରକାରଙ୍କୁ ସାହାଯ୍ୟ କରିବ ।
ଶାହ ଫୈସଲ ଜାମ୍ମୁ କାଶ୍ମୀର ପିପୁଲ୍ସ ମୁଭମେଣ୍ଟ (ଜେକେପିଏମ) ନାମକ ଏକ ଦଳ ଗଠନ କରିଥିଲେ । 2010 ବ୍ୟାଚ୍ ଅଧିକାରୀ ଫୈସଲ 2019 ରେ ଅଗଷ୍ଟ 5 ରେ ସମ୍ବିଧାନର ଧାରା 370 ରଦ୍ଦ କରିବା ନେଇ କେନ୍ଦ୍ର ସରକାରଙ୍କୁ କଡ଼ା ସମାଲୋଚନା କରିଥିଲେ । ଏହା ପରେ ତୁର୍କୀ ପାଇଁ ବିମାନ ଉଡ଼ାଣର କିଛି ଦିନ ପୂର୍ବରୁ ତାଙ୍କୁ ଦିଲ୍ଲୀ ବିମାନବନ୍ଦରରୁ ଗିରଫ କରାଯାଇଥିଲା । ପରେ ତାଙ୍କୁ କଡା ଜନ ସୁରକ୍ଷା ଆଇନ ଅନୁଯାୟୀ ମାମଲା ରୁଜୁ କରାଯାଇଥିଲା । ଏହା ପରେ ତାଙ୍କୁ ଜୁନ୍ ମାସରେ ମୁକ୍ତ କରାଯାଇଥିଲା ।
Click it and Unblock the Notifications
Sign in with Google