ଜାମ୍ମୁ କାଶ୍ମୀର : ଅବନ୍ତିପୋରା ର ତ୍ରାଲରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର
କାଶ୍ମୀର ଜୋନ୍ ପୋଲିସ ପକ୍ଷରୁ କୁହାଯାଇଛି ଯେ ତ୍ରାଲ ଅଞ୍ଚଳର ହର୍ଦ୍ଦୁମୀରରେ ଆତଙ୍କବାଦୀଙ୍କ ଲୁଚି ରହିଥିବା ସୂଚନା ପାଇବା ପରେ ସୁରକ୍ଷା ବାହିନୀ ଏହି ଅଞ୍ଚଳକୁ ଘେରି ରହିଛନ୍ତି ।
ଶ୍ରୀନଗର : ଜାମ୍ମୁ କାଶ୍ମୀରର ଅବନ୍ତିପୋରାରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ହୋଇଛି । ଶନିବାର ସନ୍ଧ୍ୟାରେ କାଶ୍ମୀର ଜୋନ୍ ପୋଲିସ ପକ୍ଷରୁ କୁହାଯାଇଛି ଯେ ତ୍ରାଲ ଅଞ୍ଚଳର ହର୍ଦ୍ଦୁମୀରରେ ଆତଙ୍କବାଦୀଙ୍କ ଲୁଚି ରହିଥିବା ସୂଚନା ପାଇବା ପରେ ସୁରକ୍ଷା ବାହିନୀ ଏହି ଅଞ୍ଚଳକୁ ଘେରି ରହିଛନ୍ତି । ପୋଲିସ ତରଫରୁ ମିଳିଥିବା ସୂଚନା ଅନୁଯାୟୀ, ଏନକାଉଣ୍ଟର ସନ୍ଧ୍ୟା ପର୍ଯ୍ୟନ୍ତ ଜାରି ରହିଛି ।
ଶନିବାର ଦିନ ରାଜ୍ୟର ଶୋପିଆନ୍ରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଆଉ ଏକ ଏନକାଉଣ୍ଟର ହୋଇଛି । ଚୌଗାନ୍ ଅଞ୍ଚଳରେ ହୋଇଥିବା ଏହି ଏନକାଉଣ୍ଟରରେ ସୁରକ୍ଷା ବାହିନୀ ଦ୍ୱାରା ଦୁଇଜଣ ଆତଙ୍କବାଦୀ ନିହତ ହୋଇଥିଲେ । ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇବା ପରେ ସୁରକ୍ଷା ବାହିନୀର ଏକ ମିଳିତ ଟିମ୍ ସର୍ଚ୍ଚ ଅପରେସନ ଆରମ୍ଭ କରିଛି ବୋଲି କାଶ୍ମୀର ପୋଲିସ କହିଛି । ସିକ୍ୟୁରିଟି ଫୋର୍ସ ଟିମ୍ ସନ୍ଦିଗ୍ଧ ସ୍ଥାନ ପାଇଁ ସନ୍ଧାନକୁ ଜୋରଦାର କରୁଥିବାରୁ ଲୁଚି ରହିଥିବା ଆତଙ୍କବାଦୀମାନେ ପ୍ରତିଶୋଧ ନେବାକୁ ସେନା ଉପରେ ଗୁଳି ଚଳାଇଥିଲେ । ସେନାର ପାଲଟା ଜବାବରେ ଦୁଇ ଆତଙ୍କବାଦୀ ନିହତ ହୋଇଥିଲେ । ଆତଙ୍କବାଦୀମାନେ ଲଶ୍କର-ଇ-ତୋଏବା ସହିତ ଜଡିତ ଥିବା କୁହାଯାଉଛି । ସେଥିମଧ୍ୟରୁ ଜଣେ ଆତଙ୍କବାଦୀ ମଧ୍ୟ ଗ୍ରେନେଡ ଗୁଳି ଚାଳନା ଏବଂ ସାଧାରଣ ନାଗରିକଙ୍କୁ ହତ୍ୟାରେ ସାମିଲ ଥିଲା ।
ଏହାପୂର୍ବରୁ ଶୁକ୍ରବାର ଦିନ ଅନନ୍ତନାଗର ଅରୱାନୀ ଅଞ୍ଚଳର ମୁମାନହଲ ଅଞ୍ଚଳରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ହୋଇଥିଲା । ଏହି ଏନକାଉଣ୍ଟରରେ ଜଣେ ଆତଙ୍କବାଦୀଙ୍କୁ ସୁରକ୍ଷା କର୍ମୀ ହତ୍ୟା କରିଥିଲେ । ଏଠାରେ ମଧ୍ୟ ସୁରକ୍ଷା କର୍ମୀମାନେ ଆତଙ୍କବାଦୀଙ୍କ ଲୁଚି ରହିଥିବା ସୂଚନା ପାଇଥିଲେ । ଏହା ଉପରେ ସମଗ୍ର ଅଞ୍ଚଳକକୁ ସୁରକ୍ଷା କର୍ମୀମାନେ ଘେରି ରହିଥିଲେ, ଯାହା ପରେ ଏନକାଉଣ୍ଟର ହୋଇଥିଲା ।
Click it and Unblock the Notifications
Sign in with Google