କାଶ୍ମୀରର ଶୋପିଆନରେ ଏନକାଉଣ୍ଟର, ଜଣେ ଆତଙ୍କବାଦୀ ନିହତ
ବୁଧବାର ଦିନ ସେନା ଶୋପିଆନରେ ଆଉ ଜଣେ ଆତଙ୍କବାଦୀକୁ ଏନକାଉଣ୍ଟର କରିଛି । ବର୍ତ୍ତମାନ ମଧ୍ୟ ସେଠାରେ ସୁରକ୍ଷା କର୍ମୀ ଏବଂ ଆତଙ୍କବାଗୀ ମଧ୍ୟରେ ସଂଘର୍ଷ ଜାରି ରହିଛି । ନିହତ ଆତଙ୍କବାଦୀର ପରିଚୟ ମିଳିପାରିନାହିଁ ।
ଜାମ୍ମୁ : କାଶ୍ମୀର ଉପତ୍ୟକାରୁ ଆତଙ୍କବାଦୀଙ୍କୁ ହଟାଇବା ପାଇଁ ସେନା ଅପରେସନ୍ ଚାଲିଛି । ଏହି କ୍ରମରେ ବୁଧବାର ଦିନ ସେନା ଶୋପିଆନରେ ଆଉ ଜଣେ ଆତଙ୍କବାଦୀକୁ ଏନକାଉଣ୍ଟର କରିଛି । ବର୍ତ୍ତମାନ ମଧ୍ୟ ସେଠାରେ ସୁରକ୍ଷା କର୍ମୀ ଏବଂ ଆତଙ୍କବାଗୀ ମଧ୍ୟରେ ସଂଘର୍ଷ ଜାରି ରହିଛି । ନିହତ ଆତଙ୍କବାଦୀର ପରିଚୟ ମିଳିପାରିନାହିଁ । ଦୁଇରୁ ତିନି ଆତଙ୍କବାଦୀ ଏହି ଅଞ୍ଚଳରେ ଲୁଚି ରହିଥାଇ ପାରନ୍ତି ବୋଲି ଆଶଙ୍କା କରାଯାଉଛି । ଏଭଳି ପରିସ୍ଥିତିରେ ଅପରେସନକୁ ଆହୁରି କଡାକଡି କରାଯାଇଛି ।
ସୂଚନା ଅନୁଯାୟୀ, କାଶ୍ମୀରର ଶୋପିଆନ୍ ଜିଲ୍ଲାର ଶିର୍ମାଲ ଅଞ୍ଚଳରେ କିଛି ଆତଙ୍କବାଦୀ ଲୁଚି ରହିଥିବାର ଖବର ଆସିଥିଲା । ଏହା ପରେ ସେନାର ରାଷ୍ଟ୍ରୀୟ ରାଇଫଲ୍ସ, ଜାମ୍ମୁ କାଶ୍ମୀର ପୋଲିସ ଏବଂ CRPF ଅପରେସନ ଆରମ୍ଭ କରିଥିଲେ । ତା'ପରେ ଏହି ଅଞ୍ଚଳରେ ଲୁଚି ରହିଥିବା ଆତଙ୍କବାଦୀମାନେ ଗୁଳି ଚଳାଇବା ଆରମ୍ଭ କରିଥିଲେ । ସୁରକ୍ଷା କର୍ମୀମାନେ ମଧ୍ୟ ଗୁଳି ଚଳାଇବା ଆରମ୍ଭ କରିଥିଲେ । ସୁରକ୍ଷାର୍ମୀଙ୍କ ଗୁଳିରେ ଜଣେ ଆତଙ୍କବାଦୀ ନିହତ ହୋଇଛି । ବର୍ତ୍ତମାନ ସୁଦ୍ଧା ଉଭୟ ପାର୍ଶ୍ୱରୁ ଗୁଳି ବିନିମୟ ଜାରି ରହିଛି ।
ଇନ୍ସପେକ୍ଟରଙ୍କ ଉପରେ ଆକ୍ରମଣ
ଅନ୍ୟପକ୍ଷରେ, କାଶ୍ମୀରର ନୌଗାମର କାନିପୋରାରେ ମଧ୍ୟ ଆତଙ୍କବାଦୀ ଆକ୍ରମଣ ହୋଇଥିଲା । ଯେଉଁଠାରେ ସିଆଇଡିରେ ପୋଷ୍ଟରେ ନିୟୋଜିତ ଇନ୍ସପେକ୍ଟର ପରଭେଜ ଅହମ୍ମଦଙ୍କ ଉପରକୁ ଗୁଳି ଚଳାଯାଇଥିଲା । ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା, ସେଠାରେ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା । ପୋଲିସର ସୂଚନାନୁସାରେ, ପରଭେଜ ନମାଜ ପଢି ଫେରୁଥିବା ସମୟରେ ଆତଙ୍କବାଦୀମାନେ ତାଙ୍କ ଉପରକୁ ଗୁଳି ଚଲାଇଥିଲେ । ବର୍ତ୍ତମାନ ସେଠାରେ ମଧ୍ୟ ଏକ ବଡ଼ ଧରଣର ସର୍ଚ୍ଚ ଅପରେସନ୍ ଚାଲିଛି |
Click it and Unblock the Notifications
Sign in with Google