ବ୍ୟାଙ୍କ ମ୍ୟାନେଜର ହତ୍ୟାର ପ୍ରତିଶୋଧ ନେଲେ ସୁରକ୍ଷାକର୍ମୀ, ଏନକାଉଣ୍ଟରରେ 2 ଆତଙ୍କୀ ନିହତ
ଜାମ୍ମୁ କାଶ୍ମୀରର କୁଲଗାମ ଜିଲ୍ଲାରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ଜାରି ରହିଛି । ଏନକାଉଣ୍ଟରରେ ସୁରକ୍ଷା ବାହିନୀ ଦ୍ୱାରା ଜଣେ ଆତଙ୍କବାଦୀ ନିହତ ହୋଇଛି ।
ଶ୍ରୀନଗର : ଜାମ୍ମୁ କାଶ୍ମୀରର କୁଲଗାମ ଜିଲ୍ଲାରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ଜାରି ରହିଛି । ଏନକାଉଣ୍ଟରରେ ସୁରକ୍ଷା ବାହିନୀ ଦ୍ୱାରା ଜଣେ ଆତଙ୍କବାଦୀ ନିହତ ହୋଇଛି । କାଶ୍ମୀରରେ ଆତଙ୍କବାଦୀ ଚଳାଇଥିବା ନରସଂହାରର ପ୍ରତିଶୋଧ ନେଇଛି ଭାରତୀୟ ସେନା । ଉଭୟ ପକ୍ଷରୁ ଗୁଳି ବିନିମୟ ଜାରି ରହିଛି । କାଶ୍ମୀର ପୋଲିସ ଏହି ସୂଚନା ଦେଇଛି ।
ଏହାପୂର୍ବରୁ ବୁଧବାର ଦିନ ଶୋପିଆନ୍ ଜିଲ୍ଲାରେ ଆତଙ୍କବାଦୀଙ୍କ ସହ ଏନକାଉଣ୍ଟରରେ ସୁରକ୍ଷା କର୍ମୀମାନେ ଦୁଇଜଣ ଲସ୍କର ଆତଙ୍କବାଦୀଙ୍କୁ ନିହତ କରିଥିଲେ । ସୁରକ୍ଷା କର୍ମୀମାନେ ଏହି ଅଞ୍ଚଳରେ କିଛି ଆତଙ୍କବାଦୀଙ୍କ ଲୁଚି ରହିଥିବା ସୂଚନା ପାଇଥିଲେ, ଯାହା ପରେ ବିଳମ୍ବିତ ରାତିରେ ଏହି ଏନକାଉଣ୍ଟର ଆରମ୍ଭ ହୋଇଥିଲା । ସୁରକ୍ଷା କର୍ମୀଙ୍କ ଦ୍ୱାରା ନିହତ ହୋଇଥିବା ଦୁଇ ଆତଙ୍କବାଦୀ ହେଉଛନ୍ତି ଲସ୍କର -ଏ-ତୋଏବାର ଆତଙ୍କବାଦୀ ।
ଆଇଜିପି ବିଜୟ କୁମାର କହିଛନ୍ତି ଯେ ନିହତ ଆତଙ୍କବାଦୀଙ୍କ ମଧ୍ୟରୁ ଜଣେ ଶୋପିଆନର ବାସିନ୍ଦା ଜନ ମହମ୍ମଦ ଲୋନ ବୋଲି ଜଣାପଡିଛି । ସେ ଅନେକ ଆତଙ୍କବାଦୀ କାର୍ଯ୍ୟକଳାପରେ ଜଡିତ ଥିଲା । ଏହା ବ୍ୟତୀତ ସେ ଜୁନ୍ 2 ରେ କୁଲଗାମ ଜିଲ୍ଲାରେ ବ୍ୟାଙ୍କ ମ୍ୟାନେଜର ବିଜୟ କୁମାରଙ୍କ ହତ୍ୟାରେ ମଧ୍ୟ ସମ୍ପୃକ୍ତ ଥିଲା ।
ଦ୍ୱିତୀୟ ଆତଙ୍କବାଦୀ ତୁଫୈଲ ଗନାଇ ବୋଲି ଜଣା ପଡିଛି । ସେମାନଙ୍କ ଠାରୁ ଅନେକ ଅପରାଧିକ ସାମଗ୍ରୀ ଜବତ ହୋଇଛି । ଏହା ସହିତ ସେମାନଙ୍କଠାରୁ ଏକ AK-47 ରାଇଫଲ, ଏକ ପିସ୍ତଲ ଜବତ କରାଯାଇଛି ।
Click it and Unblock the Notifications
Sign in with Google