Fact Check : ସେରମ୍ ପ୍ରତିଷ୍ଠାନ ଏବଂ ଭାରତ ବାୟୋଟେକ୍ ଟିକାର ଜରୁରୀକାଳୀନ ବ୍ୟବହାର ଆବେଦନ ବାତିଲ୍ ହେବା ଖବର ଭିତ୍ତିହୀନ

ସେରମ୍ ଇନଷ୍ଟିଚ୍ୟୁଟ୍ ଏବଂ ଭାରତ ବାୟୋଟେକ୍ ଜରୁରୀକାଳୀନ କରୋନା ଟିକା ବ୍ୟବହାର ପାଇଁ ଅନୁମୋଦନ ନମିଳିବା ଖବର ମିଥ୍ୟା ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ବୁଧବାର ଏକ ବିବୃତ୍ତି ଜାରି କରି କହିଛି |

Updated: Friday, December 11, 2020, 17:09 [IST]

ନୂଆଦିଲ୍ଲୀ : ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ଭାରତ ବାୟୋଟେକ୍ କରୋନା ଟିକା ଜରୁରୀକାଳୀନ ବ୍ୟବହାର ପାଇଁ ଅନୁମୋଦନ ମାଗିଛନ୍ତି | ଏହା ମଧ୍ୟରେ କିଛି ଗଣମାଧ୍ୟମ ରିପୋର୍ଟରେ ପ୍ରକାଶ ପାଇଛି ଯେ କେନ୍ଦ୍ର ସରକାର ଉଭୟଙ୍କୁ ଜରୁରୀକାଳୀନ ବ୍ୟବହାର କରିବାକୁ ଅନୁମତି ଦେବାକୁ ମନା କରି ଦେଇଛନ୍ତି | ସ୍ୱାସ୍ଥ୍ୟ ମନ୍ତ୍ରଣାଳୟ ଏହା ଉପରେ ସ୍ପଷ୍ଟୀକରଣ ଦେଇଛି ଏବଂ କହିଛି ଯେ ଏହି ଟିକାଗୁଡ଼ିକର ଅନୁମୋଦନ ବାତିଲ ହେବା ଖବର ଭିତ୍ତିହୀନ | ଏ ସମ୍ପର୍କିତ ଯେଉଁ ସବୁ ଖବର ବାହାରକୁ ଆସିଛି ତାହା ଫେକ୍ |

ସେରମ୍ ଇନଷ୍ଟିଚ୍ୟୁଟ୍ ଏବଂ ଭାରତ ବାୟୋଟେକ୍ ଜରୁରୀକାଳୀନ କରୋନା ଟିକା ବ୍ୟବହାର ପାଇଁ ଅନୁମୋଦନ ନମିଳିବା ଖବର ମିଥ୍ୟା ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ବୁଧବାର ଏକ ବିବୃତ୍ତି ଜାରି କରି କହିଛି | ଅକ୍ସଫୋର୍ଡ ୟୁନିଭରସିଟି ସହଯୋଗରେ କରୋନା ଟିକା ପ୍ରସ୍ତୁତ କରୁଥିବା ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଜରୁରୀକାଳୀନ ବ୍ୟବହାର ପାଇଁ ଡିସେମ୍ବର 6 ରେ ଆବେଦନ କରିଥିଲା | ହାଇଦ୍ରାବାଦ ସ୍ଥିତ ଫାର୍ମାସ୍ୟୁଟିକାଲ୍ କମ୍ପାନୀ ଭାରତ ବାୟୋଟେକ୍ ସୋମବାର ଏହାର କୋଭିଡ୍ ଟିକା ପାଇଁ ଜରୁରୀକାଳୀନ ବ୍ୟବହାରର ଅନୁମୋଦନ ପାଇଁ ଆବେଦନ କରିଛି |

Claim: NDTV has reported that the emergency use of the vaccine by Serum Institute and Bharat Biotech has been rejected#PIBFactCheck: This claim is #Fake. pic.twitter.com/zmUgqF2Nkt
— PIB Fact Check (@PIBFactCheck) December 9, 2020

କୋଭିଡ -19 ଭ୍ୟାକ୍ସିନର ଜରୁରୀକାଳୀନ ବ୍ୟବହାର ପାଇଁ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ଭାରତ ବାୟୋଟେକର ପ୍ରସ୍ତାବକୁ ବୁଧବାର ଅନୁମୋଦନ ମିଳିପାରି ନାହିଁ | କିନ୍ତୁ ଏହାକୁ ରଦ୍ଦ ମଧ୍ୟ କରାଯାଇନାହିଁ | କିଛି ଅପର୍ଯ୍ୟାପ୍ତ ତଥ୍ୟ ହେତୁ ଏହି ପ୍ରସ୍ତାବ ଅନୁମୋଦନ ହୋଇପାରି ନାହିଁ | ସମସ୍ତ ତଥ୍ୟ ପ୍ରଦାନ କରିବାକୁ ଉଭୟ କମ୍ପାନୀକୁ କୁହାଯାଇଛି | କେନ୍ଦ୍ରୀୟ ଡ୍ରଗ୍ ମାନକ ନିୟନ୍ତ୍ରଣ ସଂଗଠନର ବିଶେଷଜ୍ଞ କମିଟିର ବୈଠକରେ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଏବଂ ଭାରତ ବାୟୋଟେକ୍ ର ଆବେଦନ ଉପରେ ବିଚାର କରାଯାଇଥିଲା | ଏହି ପ୍ରକ୍ରିୟା ଏକ କିମ୍ବା ଦୁଇ ସପ୍ତାହ ମଧ୍ୟରେ ସବୁଜ ସଙ୍କେତ ପାଇବାର ସମ୍ଭାବନା ଅଛି |