ରାଷ୍ଟ୍ରପତି ନିର୍ବାଚନ ନେଇ ଘୋଷଣା କରିବେ ନିର୍ବାଚନ ଆୟୋଗ

ରାଷ୍ଟ୍ରପତି ନିର୍ବାଚନ ନେଇ ଆଜି ଘୋଷଣା କରିବେ ନିର୍ବାଚନ ଆୟୋଗ । ଆଜି (ଜୁନ୍ 9) ଅପରାହ୍ନ 3 ଟାରେ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ନିର୍ବାଚନ ଆୟୋଗ ଭାରତର ପରବର୍ତ୍ତୀ ରାଷ୍ଟ୍ରପତି ନିର୍ବାଚନ ପାଇଁ କାର୍ଯ୍ୟସୂଚୀ ଘୋଷଣା କରିବେ ।

ନୂଆଦିଲ୍ଲୀ : ରାଷ୍ଟ୍ରପତି ନିର୍ବାଚନ ନେଇ ଆଜି ଘୋଷଣା କରିବେ ନିର୍ବାଚନ ଆୟୋଗ । ଆଜି (ଜୁନ୍ 9) ଅପରାହ୍ନ 3 ଟାରେ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ନିର୍ବାଚନ ଆୟୋଗ ଭାରତର ପରବର୍ତ୍ତୀ ରାଷ୍ଟ୍ରପତି ନିର୍ବାଚନ ପାଇଁ କାର୍ଯ୍ୟସୂଚୀ ଘୋଷଣା କରିବେ । ଜୁଲାଇ 25 ସୁଦ୍ଧା ନିର୍ବାଚନ ପ୍ରକ୍ରିୟା ଶେଷ ହେବ ।

ଭାରତର ବର୍ତ୍ତମାନର ରାଷ୍ଟ୍ରପତି ରାମ ନାଥ କୋବିନ୍ଦଙ୍କ କାର୍ଯ୍ୟକାଳ ଆସନ୍ତା ମାସ ଜୁଲାଇ 24 ରେ ଶେଷ ହେବ । ଏହା ପୂର୍ବରୁ ଦେଶର ନୂତନ ରାଷ୍ଟ୍ରପତି ନିର୍ବାଚନ କରାଯିବ । ରାଷ୍ଟ୍ରପତି ନିର୍ବାଚନରେ ସଂସଦର ଉଭୟ ଗୃହ (ରାଜ୍ୟସଭା ଓ ଲୋକସଭା) ର ସଦସ୍ୟଙ୍କ ସମେତ ରାଜ୍ୟର ବିଧାନସଭାର ନିର୍ବାଚିତ ସଦସ୍ୟ, ଜାତୀୟ ରାଜଧାନୀ ଦିଲ୍ଲୀର ବିଧାୟକ ଏବଂ କେନ୍ଦ୍ର ଶାସିତ ଅଞ୍ଚଲର ସଦସ୍ୟମାନେ ଭୋଟ୍ ଦେବେ । ରାଷ୍ଟ୍ରପତି ନିର୍ବାଚନରେ ମନୋନୀତ ସଦସ୍ୟଙ୍କ ଭୋଟ୍ ଦେବାର ଅଧିକାର ନାହିଁ ।

ଦେଶର ଗତ ରାଷ୍ଟ୍ରପତି ନିର୍ବାଚନ ଜୁଲାଇ 2017 ରେ ଅନୁଷ୍ଠିତ ହୋଇଥିଲା । ନିର୍ବାଚନରେ ଏନଡିଏ ପ୍ରାର୍ଥୀ ରାମ ନାଥ କୋବିନ୍ଦ ଜିତିଥିଲେ । ଏହା ପରେ ସେ 25 ଜୁଲାଇ 2017 ରେ ଦେଶର 14 ତମ ରାଷ୍ଟ୍ରପତି ଭାବରେ କାର୍ଯ୍ୟଭାର ଗ୍ରହଣ କରିଥିଲେ । ରାଷ୍ଟ୍ରପତି ନିର୍ବାଚନ ପାଇଁ ଏନଡିଏ ପାଖରେ 48.9 ପ୍ରତିଶତ ଭୋଟ ରହିଥିବା ବେଳେ ବିରୋଧୀ ପାଖରେ ରହିଛି 51.1 ପ୍ରତିଶତ ଭୋଟ୍ । ତେବେ ନିଜ ପସନ୍ଦର ପ୍ରାର୍ଥୀଙ୍କୁ ଜିତାଇବା ପାଇଁ ବିଜେପି 1.2 ପ୍ରତିଶତ ଭୋଟ ପଛରେ ରହିଛି । ତେଣୁ ଏଭଳି ସ୍ଥିତିରେ ବିଜେପି ଓଡ଼ିଶାର ବିଜେଡି, ଆନ୍ଧ୍ରପ୍ରଦେଶର ୱାଇଏସଆର କଂଗ୍ରେସ ଓ ବିହାରର ଜେଡିୟୁ ସହ ବୁଝାମଣା କରିବାକୁ ଚାହୁଁଛି ।

English summary

Election Commission of India To Announce Schedule for President election of India