Lok Sabha Election 2024: ଏହି ତାରିଖରେ ହେବ ନିର୍ବାଚନ ! ସୋସିଆଲ ମିଡ଼ିଆ ଖବରକୁ ନେଇ ସ୍ପଷ୍ଟ କଲା ECI
Lok Sabha Election 2024: ଆଉ କିଛି ଦିନ ପରେ ଲୋକସଭା ନିର୍ବାଚନ । ଏହାକୁ ନେଇ ସାରା ଦେଶରେ ଲାଗି ରହିଛି ନିର୍ବାଚନୀ ମାହୋଲ । ତେବେ କେଉଁ ତାରିଖରେ ନିର୍ବାଚନ ହେବ ? ଭୋଟ୍ ଗଣତି କେବେ ହେବ ? ସେ ନେଇ ସମସ୍ତଙ୍କ ମନରେ ରହିଛି ଅନେକ ପ୍ରଶ୍ନ । ଦେଶର ଲୋକସଭା ନିର୍ବାଚନ ଓ କେତେକ ରାଜ୍ୟର ବିଧାନସଭା ନିର୍ବାଚନକୁ ନେଇ ରାଜନୈତିକ ଦଳମାନେ ପ୍ରସ୍ତୁତ ହେଉଥିବା ବେଳେ ନିର୍ବାଚନ ତାରିଖକୁ ନେଇ ରହିଛି ସସପେନ୍ସ ।
ନିର୍ବାଚନ ତାରିଖ ନେଇ କୌଣସି ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇନାହିଁ । କିନ୍ତୁ ସୋସିଆଲ ମିଡିଆରେ ନିର୍ବାଚନ ତାରିଖକୁ ନେଇ ଏକ ବିଜ୍ଞପ୍ତି ଘୂରି ବୁଲିଛି । ଏହି ବିଜ୍ଞପ୍ତି ଅନୁଯାୟୀ, 12 ମାର୍ଚ୍ଚରେ ପ୍ରକାଶ ପାଇବ ବିଧିବଦ୍ଧ ବିଜ୍ଞପ୍ତି, ପ୍ରାର୍ଥିପତ୍ର ଦାଖଲ ତାରିଖ 18 ମାର୍ଚ୍ଚ ରହିଛି । ସେହିପରି ଭୋଟଦାନ ତାରିଖ 19 ଅପ୍ରେଲ ରହିଥିବାବେଳେ ଭୋଟ ଗଣତି 22 ମେ' ରହିଛି ।
A fake message is being shared on Whats app regarding schedule for #LokSabhaElections2024#FactCheck: The message is #Fake. No dates have been announced so far by #ECI.
Election Schedule is announced by the Commission through a press conference. #VerifyBeforeYouAmplify pic.twitter.com/KYFcBmaozE
— Election Commission of India (@ECISVEEP) February 24, 2024
ଏଥିରେ ଭାରତ ନିର୍ବାଚନ କମିଶନରଙ୍କ ଲୋଗୋ ସହିତ ଏହି ତାଲିକା ପ୍ରକାଶ ପାଇଛି । ଯାହାକୁ ନେଇ ଭାରତୀୟ ନିର୍ବାଚନ କମିଶନର ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି । ତେବେ ଏହି ବିଜ୍ଞପ୍ତିଟି ସମ୍ପୂର୍ଣ୍ଣ ଫେକ୍ ବୋଲି ସୋସିଆଲ ମିଡିଆ 'ଏକ୍ସ' ରେ ସ୍ପଷ୍ଟ କରିଛି ନିର୍ବାଚନ କମିଶନ । ଏହିପରି ଫେକ୍ ବିଜ୍ଞପ୍ତିରୁ ଦୂରେଇ ରହିବାକୁ ଇସିଆଇ ପକ୍ଷରୁ କୁହାଯାଇଛି । ତେବେ ଏପରି ବିଭ୍ରାନ୍ତ ଖବର କିଏ ପୋଷ୍ଟିଂ କଲା ତାହା ତଦନ୍ତ କରାଯିବ ବୋଲି ଜଣାପଡିଛି ।
Click it and Unblock the Notifications
Sign in with Google