ଫାରୁକ୍ ଅବଦୁଲ୍ଲାଙ୍କୁ ଇଡିର ନୋଟିସ୍, ମେ 31 ରେ ହାଜର ହେବାକୁ ନିର୍ଦ୍ଦେଶ

ନ୍ୟାସନାଲ କନଫରେନ୍ସ ନେତା ଫାରୁକ୍ ଅବଦୁଲ୍ଲାଙ୍କୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ସମନ ଜାରି କରିଛି । ଇଡି ଫାରୁକ୍ ଅବଦୁଲ୍ଲାଙ୍କୁ ଦିଲ୍ଲୀର ମୁଖ୍ୟାଳୟରେ ମେ 31 ସୁଦ୍ଧା ଯାଞ୍ଚ ପାଇଁ ହାଜର ହେବାକୁ ନୋଟିସରେ ଉଲ୍ଲେଖ କରିଛନ୍ତି ।

ନୂଆଦିଲ୍ଲୀ : ନ୍ୟାସନାଲ କନଫରେନ୍ସ ନେତା ଫାରୁକ୍ ଅବଦୁଲ୍ଲାଙ୍କୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ସମନ ଜାରି କରିଛି । ଇଡି ଫାରୁକ୍ ଅବଦୁଲ୍ଲାଙ୍କୁ ଦିଲ୍ଲୀର ମୁଖ୍ୟାଳୟରେ ମେ 31 ସୁଦ୍ଧା ଯାଞ୍ଚ ପାଇଁ ହାଜର ହେବାକୁ ନୋଟିସରେ ଉଲ୍ଲେଖ କରିଛନ୍ତି । ତାଙ୍କୁ ପଚରାଉଚରା ପାଇଁ ଡକାଯାଇଛି । ଏହାପୂର୍ବରୁ ଫାରୁକ୍ ଅବଦୁଲ୍ଲାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁଥିବାବେଳେ ଇଡି ତାଙ୍କ ସମ୍ପତ୍ତି 12 କୋଟି ଟଙ୍କା ଜବତ କରିଥିଲା । ମନି ଲଣ୍ଡରିଂ ମାମଲାରେ ଫାରୁକ୍ ଅବଦୁଲ୍ଲାଙ୍କ ବିରୋଧରେ ଇଡି ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

ଆପଣଙ୍କୁ କହି ରଖୁଛୁ ଫାରୁକ୍ ଅବଦୁଲ୍ଲା ଡିସେମ୍ବର 2020 ରେ ଜାମ୍ମୁ କାଶ୍ମୀର ହାଇକୋର୍ଟରେ ଏହି ନିଷ୍ପତ୍ତିକୁ ଚ୍ୟାଲେଞ୍ଜ କରିଥିଲେ । ଜମ୍ମୁ-କଶ୍ମୀର କ୍ରିକେଟ୍ ଆସୋସିଏସନର ସଭାପତି ଥିବାବେଳେ ଅବଦୁଲ୍ଲା ପଦର ଅପବ୍ୟବହାର କରିଥିଲେ ବୋଲି ଇଡି ଅଭିଯୋଗ କରିଛି । 2001 ରୁ 2011 ପର୍ଯ୍ୟନ୍ତ ଫାରୁକ୍ ଅବଦୁଲ୍ଲା ଜାମ୍ମୁ କାଶ୍ମୀର କ୍ରିକେଟ୍ ଆସୋସିଏସନର ସଭାପତି ଥିଲେ । ଏହି ସମୟରେ, ସେ ନିଜ ଲୋକଙ୍କୁ ବିସିସିଆଇର ଅନୁଷ୍ଠାନରେ ନିଯୁକ୍ତ କରିଥିଲେ ଯାହା ଦ୍ୱାରା ସେ ଏଥିରେ ଆସୁଥିବା ପ୍ରାୟୋଜକଙ୍କ ଟଙ୍କା ପଠାଇ ପାରିବେ ।

ଫାରୁକ୍ ଅବଦୁଲ୍ଲା କହିଛନ୍ତି ଯେ ଇଡି ଦ୍ୱାରା ଜବତ କରାଯାଇଥିବା ସମ୍ପତ୍ତି କଥିତ ଅପରାଧିକ ମାମଲା ସହ ଜଡିତ ନୁହେଁ କିମ୍ବା ଏହା FIR ରେ ଉଲ୍ଲେଖ କରାଯାଇ ନାହିଁ, ତେଣୁ ଏହା ମୌଳିକ ଅଧିକାରର ଉଲ୍ଲଂଘନ । ଅନ୍ୟପକ୍ଷରେ ଦଳର ସାଂସଦ ହସନୈନ ମାସୁଦି କହିଛନ୍ତି ଯେ ଏହି ସମ୍ପତ୍ତିଗୁଡ଼ିକ ପୂର୍ବପୁରୁଷଙ୍କ ଠାରୁ ମିଳିଥିଲା କିମ୍ବା ଏହି ଅଭିଯୋଗ ପୂର୍ବରୁ କିଣାଯାଇଥିଲା, ତେଣୁ ଏହା ମନି ଲଣ୍ଡରିଂ ମାମଲା ସହିତ କୌଣସି ସମ୍ପର୍କ ନାହିଁ ।

English summary

ED summons To Jammu & Kashmir National Conference leader Farooq Abdullah to appear in headquarter on 31 may.