ନାରଦା ଷ୍ଟିଙ୍ଗ୍ ମାମଲା : ଚାର୍ଜସିଟ୍ ଦାଖଲ କଲା ଇଡି, ବଙ୍ଗଳା ସରକାରଙ୍କ ଦୁଇ ମନ୍ତ୍ରୀଙ୍କୁ କଲା ଅଭିଯୁକ୍ତ
ଏନଫୋର୍ସମେଣ୍ଟ ନିର୍ଦ୍ଦେଶାଳୟ ନାରଦା ଷ୍ଟିଙ୍ଗ ଅପରେସନ୍ ମାମଲାରେ କୋଲକାତାସ୍ଥିତ PMLA କୋର୍ଟରେ ଏକ ଚାର୍ଜସିଟ୍ ଦାଖଲ କରିଛି । ଯେଉଁଥିରେ ବଙ୍ଗଳା ସରକାରଙ୍କ ମନ୍ତ୍ରୀ ଫିରହାଦ୍ ହାକିମ ଏବଂ ସୁବ୍ରତ ମୁଖାର୍ଜୀଙ୍କୁ ଅଭିଯୁକ୍ତ କରାଯାଇଛି ।
ନୂଆଦିଲ୍ଲୀ : ବଙ୍ଗଳା ନିର୍ବାଚନ ସମାପ୍ତ ହେବା ପରେ ମଧ୍ୟ ସେଠାରେ ରାଜନୈତିକ ମହୋଲ ସରଗରମ୍ ରହୁଛି । କିଛି ଦିନ ପୂର୍ବରୁ ଇଡି ସାରଦା ସ୍କାମରେ ଏକ ଚାର୍ଜସିଟ୍ ଦାଖଲ କରିଥିଲା । ଯେଉଁଥିରେ ଟିଏମସି ନେତା କୁନାଲ ଘୋଷଙ୍କ ସମେତ ଅନେକଙ୍କ ନାମ ଆସିଥିବାବେଳେ ବୁଧବାର ଏନଫୋର୍ସମେଣ୍ଟ ନିର୍ଦ୍ଦେଶାଳୟ ନାରଦା ଷ୍ଟିଙ୍ଗ ଅପରେସନ୍ ମାମଲାରେ କୋଲକାତାସ୍ଥିତ PMLA କୋର୍ଟରେ ଏକ ଚାର୍ଜସିଟ୍ ଦାଖଲ କରିଛି । ଯେଉଁଥିରେ ବଙ୍ଗଳା ସରକାରଙ୍କ ମନ୍ତ୍ରୀ ଫିରହାଦ୍ ହାକିମ ଏବଂ ସୁବ୍ରତ ମୁଖାର୍ଜୀଙ୍କୁ ଅଭିଯୁକ୍ତ କରାଯାଇଛି । ଏହା ସହିତ ପୋଲିସ ଅଧିକାରୀ ଏସଏମଏଚ୍ ମିର୍ଜାଙ୍କ ନାମ ମଧ୍ୟ ଏଥିରେ ସାମିଲ ଅଛି ।
ସୂଚନାନୁସାରେ, ମାମଲାର ବିସ୍ତୃତ ଚାର୍ଜସିଟ ବୁଧବାର କୋର୍ଟରେ ଉପସ୍ଥାପିତ ହୋଇଥିଲା । ଯେଉଁଥିରେ ମନ୍ତ୍ରୀ ଫିରହାଦ୍ ହାକିମ ଏବଂ ସୁବ୍ରତ ମୁଖାର୍ଜୀ, ପୂର୍ବତନ ମନ୍ତ୍ରୀ ମଦନ ମିତ୍ରା, କୋଲକାତାର ପୂର୍ବତନ ମେୟର ସୋଭନ୍ ଚାଟାର୍ଜୀ ଏବଂ ଆଇପିଏସ୍ ଅଧିକାରୀ ଏସ୍ଏମ୍ଏଚ୍ ମିର୍ଜାଙ୍କ ନାମ ସାମିଲ ଅଛି । ଇଡି ଅନୁଯାୟୀ, ସମସ୍ତ ଅଭିଯୁକ୍ତ ମନି ଲଣ୍ଡରିଂ ମାମଲାରେ ଜଡିତ ଥିଲେ, ଯେଉଁଥିପାଇଁ ସେମାନଙ୍କୁ ଦଣ୍ଡ ଦିଆଯିବା ଉଚିତ । ଏହା ସହିତ ଅଭିଯୁକ୍ତଙ୍କ ସ୍ୱୀକାରୋକ୍ତି ସମ୍ବନ୍ଧୀୟ ସୂଚନା ମଧ୍ୟ ଇଡି ଦ୍ୱାରା କୋର୍ଟରେ ଉପଲବ୍ଧ କରାଯାଇଛି ।
ଅନୁସନ୍ଧାନକାରୀ ଏଜେନ୍ସି ଅନୁଯାୟୀ, ଅଭିଯୁକ୍ତ କଳା ଟଙ୍କାକୁ ଧଳା ଟଙ୍କା ରେ ପରିଣତ କରିବାକୁ ଚାହୁଁଥିଲେ । ଏଥିପାଇଁ ସେ କମ୍ପାନୀ ପକ୍ଷ ନେବା ପାଇଁ ଲାଞ୍ଚ ନେଇଥିବା ସ୍ୱୀକାର କରିଛନ୍ତି, ଯେତେବେଳେ ସମସ୍ତେ ଦାୟିତ୍ୱବାନ ପଦବୀରେ ଥିଲେ । ଏଭଳି ପରିସ୍ଥିତିରେ ସେମାନଙ୍କୁ ଯଥାସମ୍ଭବ ଦଣ୍ଡ ଦିଆଯିବା ଉଚିତ୍ । ଏହାପୂର୍ବରୁ ମେ ମାସରେ ସିବିଆଇ ଚାରିଜଣ ମନ୍ତ୍ରୀ ଫିରହାଦ୍ ହାକିମ, ସୁବ୍ରତ ମୁଖାର୍ଜୀ, ବିଧାୟକ ମଦନ ମିତ୍ରୈ ଏବଂ ପୂର୍ବତନ ମେୟର ସୋଭାନ ଚାଟାର୍ଜୀଙ୍କୁ ଗିରଫ କରିଥିଲା ।
କଣ ରହିଛି ପୂରା ମାମଲା ?
ବାସ୍ତବରେ, ନାରଦା ନ୍ୟୁଜ୍ ର ସିଇଓ ମାଥ୍ୟୁ ସାମୁଏଲ୍ ଗତ ବର୍ଷ ବଙ୍ଗଳା ନିର୍ବାଚନ ପୂର୍ବରୁ ଏକ ଷ୍ଟିଙ୍ଗ୍ କରିଥିଲେ । ଯେଉଁଥିରେ ସେ ଏକ କମ୍ପାନୀର ପ୍ରତିନିଧୀ ଭାବରେ ସାତ ଜଣ ତୃଣମୂଳ କଂଗ୍ରେସ ସାଂସଦ, ତିନି ମନ୍ତ୍ରୀ ଏବଂ କୋଲକାତା ମ୍ୟୁନିସିପାଲିଟି କର୍ପୋରେସନ୍ ମେୟର ଶୋଭନ୍ ଚାଟାର୍ଜୀଙ୍କୁ ଭେଟି କାର୍ଯ୍ୟ କରିବା ପାଇଁ ସେମାନଙ୍କୁ ବହୁ ପରିମାଣର ଅର୍ଥ ପ୍ରଦାନ କରୁଥିବା ଦେଖାଯାଇଥିଲା । ଯଦିଓ ଟିଏମସି ଏହାକୁ ଏକ ରାଜନୈତିକ ଷଡଯନ୍ତ୍ର ବୋଲି କହୁଥିଲା, କିନ୍ତୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ସିବିଆଇ ଏବଂ ଇଡି ଏହି ଘଟଣାର ତଦନ୍ତ ଆରମ୍ଭ କରିଥିଲେ ।
Click it and Unblock the Notifications
Sign in with Google