କର୍ଣ୍ଣାଟକରେ 100 ପ୍ରତିଶତ ଭୋଟ୍ ପାଇଂ ପ୍ରସ୍ତୁତି କରୁଛି ନିର୍ବାଚନ କମିଶନ, ଜାଣନ୍ତୁ କଣ ରହିଛି ‘ଭୋଟ୍ ଫ୍ରମ୍ ହୋମ୍' ବ୍ୟବସ୍ଥା

Updated: Tuesday, May 2, 2023, 11:46 [IST]

ବେଙ୍ଗାଲୁରୁ : କର୍ଣ୍ଣାଟକରେ ବିଧାନସଭା ନିର୍ବାଚନ ପାଇଁ ସମସ୍ତ ପ୍ରସ୍ତୁତି ପ୍ରାୟ ଶେଷ ହୋଇଛି । ଏଥି ମଧ୍ୟେରେ ମେ 10 ରେ ରାଜ୍ୟରେ ନିର୍ବାଚନ କରିବା ଲାଗି ନିର୍ବାଚନ କମିଶନ ଘୋଷଣା କରିଛନ୍ତି । ନିର୍ବାଚନ କୁ ନେଇ ରାଜନୈତିକ ଦଳମାନେ ଯେତେ ଜୋରରେ ପ୍ରସ୍ତୁତି କରୁଛନ୍ତି, ସେହିପରି ନିର୍ବାଚନକୁ ସୁରୁଖରୁରେ ସମ୍ପାଦନ କରିବାକୁ ମଧ୍ୟ ଜୋରଦାର ପ୍ରସ୍ତୁତିରେ ଲାଗିପଡ଼ିଛି ନିର୍ବାଚନ କମିଶନ । ଏପରିକି ନିର୍ବାଚନ କମିଶନ ପ୍ରଥମ ଥର ପାଇଁ ବୟସ୍କ ଭୋଟରଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରିଛି ।

ପ୍ରଥମ ଥର ପାଇଁ ନିର୍ବାଚନ ଆୟୋଗ 80 ବର୍ଷରୁ ଅଧିକ ବୟସ୍କ ଲୋକଙ୍କ ଭୋଟ୍ ଗ୍ରହଣ ପାଇଁ ଏକ ବିକଳ୍ପ ଆଣିଛି । ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଗଣମାଧ୍ୟମକୁ କହିଛନ୍ତି ଯେ ତାଙ୍କ ଟିମ୍ ଫର୍ମ 12D ସହିତ ଯାଇ ଲୋକଙ୍କୁ ସେମାନଙ୍କର ମତାଧିକାର ସାବ୍ୟସ୍ତ କରିବାରେ ସାହାଯ୍ୟ କରିବେ । ଯଦିଓ ରାଜୀବ କୁମାର କୁହନ୍ତି, 'ଆମେ 80 ବର୍ଷରୁ ଅଧିକ ଲୋକଙ୍କୁ ମତଦାନ ବୁଥ ଯିବାକୁ ଉତ୍ସାହିତ କରୁଛୁ, କିନ୍ତୁ ଯେଉଁମାନେ ଯାଇପାରିବେ ନାହିଁ ସେମାନେ ମଧ୍ୟ ଏହି ସୁବିଧା ପାଇପାରିବେ ।

ରାଜୀବ କୁମାର କହିଛନ୍ତି, 'ଯେତେବେଳେ ଘରୁ ଭୋଟ୍ ଦେବାର ପ୍ରକ୍ରିୟା ଆରମ୍ଭ ହେବ, ସେତେବେଳେ ସମସ୍ତ ରାଜନୈତିକ ଦଳଙ୍କୁ ଅବଗତ କରାଯିବ । ଭିନ୍ନକ୍ଷମଙ୍କ ପାଇଁ ଏକ ମୋବାଇଲ୍ ଆପ୍ଲିକେସନ୍ 'ସକ୍ଷମ' ର ସୁବିଧା ହୋଇଛି ଯାହା ମାଧ୍ୟମରେ ସେମାନେ ଲଗ୍ଇନ୍ କରିପାରିବେ ଏବଂ ଭୋଟ୍ ଦେବାର ସୁବିଧା ଚୟନ କରିପାରିବେ । କୁମାର ଏହା ମଧ୍ୟ କହିଛନ୍ତି ଯେ 'ସୁବିଝା' ନାମକ ଅନ୍ୟ ଏକ ମୋବାଇଲ୍ ଆପ୍ଲିକେସନ୍ ବିକଶିତ ହୋଇଛି । ପ୍ରାର୍ଥୀଙ୍କ ନାମାଙ୍କନ ଏବଂ ଆଫିଡେଭିଟ୍ ଦାଖଲ କରିବା ପାଇଁ ଏହା ଏକ ଅନଲାଇନ୍ ପୋର୍ଟାଲ୍ । ପ୍ରାର୍ଥୀମାନେ ସଭା ଏବଂ ସମାବେଶ ପାଇଁ ଅନୁମତି ମାଗିବା ପାଇଁ ଏହି ପୋର୍ଟାଲ ବ୍ୟବହାର କରିପାରିବେ ।

ସେ କହିଛନ୍ତି ଯେ ଭୋଟରଙ୍କ ସୁବିଧା ପାଇଁ ନିର୍ବାଚନ ଆୟୋଗ 'ଆମ ପ୍ରାର୍ଥୀଙ୍କୁ ଜାଣ' ନାମକ ଏକ ଅଭିଯାନ ମଧ୍ୟ ଆରମ୍ଭ କରିଛନ୍ତି । କୁମାର କହିଛନ୍ତି, 'ରାଜନୈତିକ ଦଳଗୁଡିକ ସେମାନଙ୍କର ପୋର୍ଟାଲ ଏବଂ ସୋଶାଲ ମିଡିଆ ପ୍ଲାଟଫର୍ମରେ ଭୋଟରଙ୍କୁ ଜଣାଇବାକୁ ପଡ଼ିବ ଯେ ସେମାନେ କାହିଁକି ଅପରାଧ ପୃଷ୍ଠଭୂମି ଥିବା ପ୍ରାର୍ଥୀକୁ ବାଛିଛନ୍ତି ଏବଂ ନିର୍ବାଚନ ପାଇଁ ପ୍ରତିଦ୍ୱନ୍ଦ୍ୱିତା ପାଇଁ କାହିଁକି ଟିକେଟ୍ ଦିଆଯାଇଛି ।'

ଆପଣଙ୍କୁ କହି ରଖୁଛୁ କର୍ଣ୍ଣାଟକରେ ମୋଟ 224 ଟି ଆସନ ଅଛି । ସେଥିମଧ୍ୟରୁ 36 ଟି ଏସସି ଏବଂ 15 ଟି ଏସଟି ପାଇଁ ସଂରକ୍ଷିତ । ରାଜ୍ୟରେ ମୋଟ 5.21 କୋଟି ଭୋଟର ଅଛନ୍ତି । ଯେଉଁଥିରୁ 2.59 କୋଟି ମହିଳା ଭୋଟର ଅଛନ୍ତି ।

କୁମାର ସୂଚନା ଦେଇଛନ୍ତି ଯେ 12.15 ଲକ୍ଷ ଭୋଟର ଅଛନ୍ତି ଯେଉଁମାନେ 80 ବର୍ଷରୁ ଅଧିକ ଏବଂ 5.55 ଲକ୍ଷ ଭିନ୍ନକ୍ଷମ ଯେଉଁମାନେ ଭୋଟ୍ ଦେବାକୁ ଯୋଗ୍ୟ ଅଟନ୍ତି । ରାଜ୍ୟରେ 58,272 ମତଦାନ କେନ୍ଦ୍ର ଅଛି । ସର୍ବୋଚ୍ଚ ନିର୍ବାଚନ ଅଧିକାରୀ କହିଛନ୍ତି ଯେ ପ୍ରତ୍ୟେକ ମତଦାନ କେନ୍ଦ୍ରରେ ହାରାହାରି ଭୋଟର ସଂଖ୍ୟା 883 ଅଟେ । ସେ ଆହୁରି ମଧ୍ୟ କହିଛନ୍ତି ଯେ 29,141 ମତଦାନ କେନ୍ଦ୍ରରେ ୱେବ୍ ପ୍ରସାରଣ କରାଯିବ, ଯେତେବେଳେ କି 1200 ଗୁରୁତ୍ୱପୂର୍ଣ୍ଣ ମତଦାନ କେନ୍ଦ୍ର ଅଟେ ।