ଶତ୍ରୁ ଦେଶର ନିଦ ଉଡ଼ାଇଲା ଭାରତୀୟ ନୌସନା, ପ୍ରଥମ ସ୍ୱଦେଶୀ ଜାହାଜ ବିରୋଧୀ କ୍ଷେପଣାସ୍ତ୍ରର କଲା ସଫଳ ପରୀକ୍ଷଣ
ନୌସେନା ପ୍ରଥମ ସ୍ୱଦେଶୀ ଜାହାଜ ବିରୋଧୀ କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷଣ କରିଛି । ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ଦ୍ୱାରା ଏହି କ୍ଷେପଣାସ୍ତ୍ର ସଂପୂର୍ଣ୍ଣ ରୂପେ ଭାରତରେ ବିକଶିତ ହୋଇଛି ।
ନୂଆଦିଲ୍ଲୀ : ଗତ କିଛି ବର୍ଷ ଧରି ଚୀନ୍ ଭାରତ ସହ ବିବାଦ ଜାରି ରଖିଥିବା ବେଳେ ଅନ୍ୟପଟେ ପାକିସ୍ତାନ ମଧ୍ୟ କାଶ୍ମୀର ଉପତ୍ୟକାରେ 'ଅଣ-ପାକ୍' କାର୍ଯ୍ୟକଳାପ ଜାରି ରଖିଛି । ଯେଉଁଥିପାଇଁ ପ୍ରତିରକ୍ଷା କ୍ଷେତ୍ରରେ ଭାରତ କ୍ରମାଗତ ଭାବେ ନିଜକୁ ମଜବୁତ କରୁଛି । ଏହା ସହିତ ଦେଶରେ ଅଧିକରୁ ଅଧିକ ହାଇ-ଟେକ୍ ଅସ୍ତ୍ରଶସ୍ତ୍ର ଏବଂ ଯନ୍ତ୍ରପାତି ପ୍ରସ୍ତୁତ କରିବା ପାଇଁ ତିନି ସୋନା ବାହିନୀର ପ୍ରୟାସ ଜାରି ରଖିଛି । ବର୍ତ୍ତମାନ ଭାରତୀୟ ନୌସେନା ଏହି ଦିଗରେ ଆଉ ଏକ ପାଦ ସଫଳତା ହାସଲ କରିଛି ।
ବୁଧବାର ନୌସେନା ପ୍ରଥମ ସ୍ୱଦେଶୀ ଜାହାଜ ବିରୋଧୀ କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷଣ କରିଛି । ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ଦ୍ୱାରା ଏହି କ୍ଷେପଣାସ୍ତ୍ର ସଂପୂର୍ଣ୍ଣ ରୂପେ ଭାରତରେ ବିକଶିତ ହୋଇଛି । ନୌସେନା ଅନୁଯାୟୀ, ଏହି ପରୀକ୍ଷା ଓଡିଶାର ବାଲେଶ୍ୱର ଇଣ୍ଟିଗ୍ରେଟେଡ୍ ଟେଷ୍ଟ ରେଞ୍ଜରେ ଶେଷ ହୋଇଛି । ସେଠାରେ ମିସାଇଲ୍ ଏକ 42B ହେଲିକପ୍ଟରରୁ ମାଡ଼ କରାଯାଇଥିଲା, ଯାହା ସଫଳତାର ସହ ଟାର୍ଗେଟକୁ ଲକ୍ଷ୍ୟ ଭେଦ କରିଛି । ଏହି ପରୀକ୍ଷଣ ଭାରତୀୟ ନୌସେନା ପାଇଁ ଏକ ବଡ଼ ସଫଳତା ଭାବରେ ବିବେଚନା କରାଯାଉଛି ।