ଦିବ୍ୟାଙ୍ଗ ଶିଶୁଙ୍କୁ ବିମାନରେ ନ ନେବା ଘଟଣା, ଇଣ୍ଡିଗୋ ଉପରେ ଡିଜିସିଏର କାର୍ଯ୍ୟାନୁଷ୍ଠାନ, ଏୟାରଲାଇନ୍ସ ଗଣିବ 5 ଲକ୍ଷ ଜରିମାନା
ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଇଣ୍ଡିଗୋ ଏୟାରଲାଇନ୍ସ ଉପରେ 5 ଲକ୍ଷ ଟଙ୍କା ଜୋରିମାନା ଲଗାଇଛି । 7 ମେ ର ଘଟଣା ପରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି । କାର୍ଯ୍ୟାନୁଷ୍ଠାନ ଗ୍ରହଣ କରି ଡିଜିସିଏ ଜଣେ ଦିବ୍ୟାଙ୍ଗ ଶିଶୁଙ୍କୁ ଝାଡ଼ଖଣ୍ଡର ରାଞ୍ଚି
ନୂଆଦିଲ୍ଲୀ : ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଇଣ୍ଡିଗୋ ଏୟାରଲାଇନ୍ସ ଉପରେ 5 ଲକ୍ଷ ଟଙ୍କା ଜୋରିମାନା ଲଗାଇଛି । 7 ମେ ର ଘଟଣା ପରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି । କାର୍ଯ୍ୟାନୁଷ୍ଠାନ ଗ୍ରହଣ କରି ଡିଜିସିଏ ଜଣେ ଦିବ୍ୟାଙ୍ଗ ଶିଶୁଙ୍କୁ ଝାଡ଼ଖଣ୍ଡର ରାଞ୍ଚି ବିମାନ ବନ୍ଦରରେ ବିମାନରେ ଚଢିବା ପାଇଁ ରୋକିବାରୁ ଜରିମାନା ଲଗାଇଛି । ଡିଜିସିଏ ସମଗ୍ର ଘଟଣାର ତଦନ୍ତ ନିର୍ଦ୍ଦେଶ ଦେବା ସହ ବିମାନ କମ୍ପାନୀକୁ ଏହି ପ୍ରସଙ୍ଗରେ ରିପୋର୍ଟ ଦାଖଲ କରିବାକୁ କହିଥିଲା ।
ଏହି ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରି ଶନିବାର ଦିନ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ଇଣ୍ଡିଗୋ ଏୟାରଲାଇନ୍ସ ଉପରେ 5 ଲକ୍ଷ ଟଙ୍କା ଜୋରିମାନା ଲଗାଇଛି । ଡିଜିସିଏ ଏୟାରଲାଇନ୍ସକୁ ତାଗିଦ କରି କହିଛି ଯେ ଅନୁସନ୍ଧାନରୁ ଜଣାପଡିଛି ଯେ ଇଣ୍ଡିଗୋ କର୍ମଚାରୀ ଦିବ୍ୟାଙ୍ଗ ଶିଶୁଙ୍କ ସହ ଖରାପ ବ୍ୟବହାର କରିଥିଲେ, ଯେଉଁଥିପାଇଁ ମାମଲା ବଢି ଯାଇଥିଲା ।
ଡିଜିସିଏ ଏକ ବିବୃତ୍ତିରେ କହିଛି ଯେ ସ୍ୱତନ୍ତ୍ର ପରିସ୍ଥିତିରେ ଅସାଧାରଣ ପଦକ୍ଷେପ ଆବଶ୍ୟକ, କିନ୍ତୁ ବିମାନ ଚଳାଚଳ କର୍ମଚାରୀମାନେ ବେସାମରିକ ବିମାନ ଚଳାଚଳ ଆବଶ୍ୟକତା (ନିୟମାବଳୀ) ର ପ୍ରତିବଦ୍ଧତାକୁ ପାଳନ କରି ପାରି ନାହିଁ ଏବଂ ଏହାକୁ ଦୃଷ୍ଟିରେ ରଖି ଡିଜିସିଏ 5 ଲକ୍ଷ ଟଙ୍କା ଲାଗୁ କରିଛି । କମ୍ପାନୀ ଉପରେ 5 ଲକ୍ଷ ଟଙ୍କା ଜୋରିମାନା କରିବାକୁ ନିଷ୍ପତ୍ତି ନିଆଯାଇଛି । ଏହା ସହିତ ନିୟାମକ କହିଛନ୍ତି ଯେ ଏଭଳି ପରିସ୍ଥିତିକୁ ରୋକିବା ପାଇଁ ଏହା ଏହାର ନିୟମକୁ ପୁନର୍ବିଚାର କରିବ ଏବଂ ଆବଶ୍ୟକ ପରିବର୍ତ୍ତନ ଆଣିବ ।
ଆମେ ଆପଣଙ୍କୁ କହି ରଖୁଛୁ ଯେ ଯେତେବେଳେ ମେ 7 ସ୍ୱାଭାବିକ ଆଚରଣ ଦେଖାଉ ନ ଥିବା ହେତୁ ଜଣେ ଭିନ୍ନକ୍ଷମ ପିଲା ଓ ତା'ର ପିତାମାତାଙ୍କୁ ରାଞ୍ଚି ବିମାନ ବନ୍ଦରରେ ଥିବା 'ଇଣ୍ଡିଗୋ ଏୟାର୍ଲାଇନ୍ସ୍'ର ଜଣେ ପ୍ରତିନିଧି ବିମାନରେ ଯିବାକୁ ଅନୁମତି ଦେଇ ନ ଥିଲେ । ଉକ୍ତ ପରିବାର ଏବଂ ଅନ୍ୟ ଯାତ୍ରୀମାନେ ଆପତ୍ତି କରିବାରୁ ପ୍ରତିନିଧିଜଣକ ପାଟିତୁଣ୍ଡ କରିଥିଲେ । ସହଯାତ୍ରୀମାନଙ୍କ କହିବା ଅନୁସାରେ, ଉକ୍ତ ବିମାନରେ ଡାକ୍ତରମାନେ ବି ଯାଉଥିଲେ । ଅସୁବିଧା ହେଲେ ସାହାଯ୍ୟ କରିବେ ବୋଲି ସେମାନେ ପ୍ରତିଶ୍ରୁତି ଦେଇଥିଲେ । କିନ୍ତୁ, ବିମାନଟି ଭିନ୍ନକ୍ଷମ ପିଲା ଓ ତା'ର ଅଭିଭାବକଙ୍କୁ ନ ନେଇ ହାଇଦ୍ରାବାଦ ଅଭିମୁଖେ ଚାଲିଯାଇଥିଲା । ଏହି ଘଟଣା ବାବଦରେ ସୋସାଲ ମିଡିଆରେ ଭାଇରାଲ ହେବା ପରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟା ସିନ୍ଧିଆ କହିଥିଲେ ଯେ ଏୟାର୍ଲାଇନ୍ କର୍ମଚାରୀମାନଙ୍କର ଏପରି ଦୁର୍ବ୍ୟବହାର ପାଇଁ କଠୋର ଶାସ୍ତି ବ୍ୟବସ୍ଥା ରହିଛି । କୌଣସି ଲୋକଙ୍କ ପ୍ରତି ଏଭଳି ଦୁର୍ବ୍ୟବହାର କରାଯିବା ଅନୁଚିତ। ଏହା ପରେ ଡ଼ିଜିସିଏ ତଦନ୍ତ କରି ଆଜି ଏହି କାର୍ଯ୍ୟାନୁଷ୍ଠାନ ନେଇଛି
Click it and Unblock the Notifications
Sign in with Google