ବିଷାକ୍ତ ହେଉଛି ଦିଲ୍ଲୀ ବାୟୁ, 436 ରେ ପହଞ୍ଚିଲା AQI, NCR ର ଅବସ୍ଥା ଗମ୍ଭୀର : SAFAR
ଦୀପାବଳୀର ଦୁଇ ଦିନ ପରେ ମଧ୍ୟ ଦେଶର ଜାତୀୟ ରାଜଧାନୀ ବାୟୁରେ କୌଣସି ଉନ୍ନତି ହୋଇନାହିଁ । ରବିବାର ଦିନ ମଧ୍ୟ ରାଜଧାନୀରେ ବାୟୁ 'ଗୁରୁତର ବର୍ଗ' ରେ ଅଛି । ଆଜି ବି ଏଠାରେ AQI 436 ରହିଛି, ଯାହା 'ବିପଜ୍ଜନକ' ବର୍ଗରେ ଅଛି ।
ନୂଆଦିଲ୍ଲୀ : ଦୀପାବଳୀର ଦୁଇ ଦିନ ପରେ ମଧ୍ୟ ଦେଶର ଜାତୀୟ ରାଜଧାନୀ ବାୟୁରେ କୌଣସି ଉନ୍ନତି ହୋଇନାହିଁ । ରବିବାର ଦିନ ମଧ୍ୟ ରାଜଧାନୀରେ ବାୟୁ 'ଗୁରୁତର ବର୍ଗ' ରେ ଅଛି । ଆଜି ବି ଏଠାରେ AQI 436 ରହିଛି, ଯାହା 'ବିପଜ୍ଜନକ' ବର୍ଗରେ ଅଛି । ତଥାପି, ପାଣିପାଗ ବିଭାଗ ପକ୍ଷରୁ କୁହାଯାଇଛି ଯେ ଆଜି ଦିଲ୍ଲୀରେ ପ୍ରବଳ ପବନ ହେବାର ଆଶଙ୍କା ରହିଛି, ଯେଉଁଥିପାଇଁ ଲୋକମାନେ ପ୍ରଦୂଷଣରୁ ମୁକ୍ତି ପାଇବେ ଏବଂ ବାୟୁ ଗୁଣବତ୍ତା ଭଲ ହେବ ।
ଆପଣଙ୍କୁ କହି ରଖୁଛୁ ପୂର୍ବରୁ ପ୍ରଦୂଷଣରେ ପୀଡିତ ଦିଲ୍ଲୀ ଦୀପାବଳୀ ପରେ ବେଶି ପ୍ରଦୂଷିତ ହୋଇଛି, ଯେଉଁ କାରଣରୁ ଏଠାରେ ବାୟୁ ଗୁଣବତ୍ତା ଖରାପ ହୋଇଯାଇଛି ।
ଦୀପାବଳୀ ଦୁଇ ଦିନ ପରେ, ଦିଲ୍ଲୀର ଡାକ୍ତରଖାନାରେ ନିଶ୍ୱାସ ପ୍ରଶ୍ୱାସ ନେବା ଏବଂ ଆଖି ଜଳିବା ଭଳି ରୋଗରେ ପୀଡ଼ିତ ରୋଗୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଚଳିତ ବର୍ଷ ଅବସ୍ଥା ଆହୁରି ବିଗିଡି ଯାଇଛି । ଆକାଶ ସ୍ୱାସ୍ଥ୍ୟସେବା ଡ଼ ପରିଣୀତା କୌର କହିଛନ୍ତି: "ଦୀପାବଳୀ ପରେ ଆମେ ଶ୍ୱାସକ୍ରିୟାରେ ପୀଡିତ ରୋଗୀଙ୍କ ସଂଖ୍ୟା ବୃଦ୍ଧି ହେଉଥିବାର ଦେଖୁଛୁ । ରୋଗୀମାନେ କାଶ, ଛାତିରେ ଯନ୍ତ୍ରଣା ଏବଂ ନାକ ଜନିତ ସମସ୍ୟା ଅଭିଯୋଗ କରୁଛନ୍ତି ।"
କେବଳ ଦିଲ୍ଲୀର ବାୟୁ ନୁହେଁ ସମଗ୍ର ଏନସିଆର ଏହି ସମୟରେ ପ୍ରଦୂଷିତ ହୋଇଛି । ଶନିବାର ଦିନ, ଗାଜିଆବାଦ, ଗ୍ରେଟର ନୋଏଡା ସମେତ ଏନସିଆରର ଅନେକ ସହର 'ଡାର୍କ ରେଡ୍ ଜୋନ୍'ରେ ପଞ୍ଜିକୃତ ହୋଇଥିଲା । ଗତକାଲି, ଗାଜିଆବାଦରେ AQI 466, ଗ୍ରେଟର ନୋଏଡାରେ AQI 414, ନୋଏଡାରେ AQI 461, ଫରିଦାବାଦରେ AQI 449, ବାଲାବର୍ଗରେ AQI 431 ଏବଂ ଗୁରୁଗ୍ରାମରେ AQI 456, ଯାହାକି ଗମ୍ଭୀର ସଙ୍କେତକୁ ଦର୍ଶାଇଛି ।
ବାୟୁ ପ୍ରଦୂଷଣ ନିୟନ୍ତ୍ରଣ ଏଜେନ୍ସି କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (SAFAR) ପୂର୍ବରୁ ଚେତାବନୀ ଦେଇସାରିଛି ଯେ ଦୀପାବଳୀ ପରେ ଦିଲ୍ଲୀ-ଏନସିଆରର ତାପମାତ୍ରା ହ୍ରାସ ପାଇବ ଏବଂ ପ୍ରଦୂଷଣ ବୃଦ୍ଧି ହେବାର ସମ୍ଭାବନା ରହିଛି, ତେଣୁ ସମସ୍ତଙ୍କୁ ସତର୍କ ରହିବା ଆବଶ୍ୟକ । କାରଣ ପ୍ରଦୂଷଣ ବୃଦ୍ଧି ସହିତ କରୋନା ରୋଗ ମଧ୍ୟ ବଢିପାରେ, ଏଭଳି ପରିସ୍ଥିତିରେ ସମସ୍ତଙ୍କ ସ୍ୱାସ୍ଥ୍ୟର ଯତ୍ନ ନେବା ଅତ୍ୟନ୍ତ ଜରୁରୀ ।
Click it and Unblock the Notifications
Sign in with Google