ଦିଲ୍ଲୀ ପ୍ରଦୂଷଣ : ଆକ୍ସ ମୁଡ୍ ରେ କେଜ୍ରିୱାଲ ସରକାର, ଦିଲ୍ଲୀରେ ଟ୍ରକ ପ୍ରବେଶ ଉପରେ ପ୍ରତିବନ୍ଧକ

ଜାତୀୟ ରାଜଧାନୀ ଦିଲ୍ଲୀରେ ପ୍ରଦୂଷଣ ଉଦବେଗଜନକ ସ୍ତରରେ ପହଞ୍ଚିଛି । ଏହାକୁ ଦୃଷ୍ଟିରେ ରଖି କେଜ୍ରିୱାଲ ସରକାର ଆକ୍ସ ମୁଡରେ ଆସିଛି । ଜାତୀୟ ରାଜଧାନୀ ଅଞ୍ଚଳରେ ଟ୍ରକ୍ ପ୍ରବେଶ ଉପରେ ପ୍ରତିବନ୍ଧକ ଲଗାଯାଇଛି ।

ନୂଆଦିଲ୍ଲୀ : ଜାତୀୟ ରାଜଧାନୀ ଦିଲ୍ଲୀରେ ପ୍ରଦୂଷଣ ଉଦବେଗଜନକ ସ୍ତରରେ ପହଞ୍ଚିଛି । ଏହାକୁ ଦୃଷ୍ଟିରେ ରଖି କେଜ୍ରିୱାଲ ସରକାର ଆକ୍ସ ମୁଡରେ ଆସିଛି । ଜାତୀୟ ରାଜଧାନୀ ଅଞ୍ଚଳରେ ଟ୍ରକ୍ ପ୍ରବେଶ ଉପରେ ପ୍ରତିବନ୍ଧକ ଲଗାଯାଇଛି । ଏହା ସହିତ କମ୍ପାନୀମାନଙ୍କୁ ଅଧା କର୍ମଚାରୀଙ୍କୁ ଘରୁ କାମ କରିବାକୁ ପଠାଇବାକୁ କୁହାଯାଇଛି । ଦିଲ୍ଲୀ ପରିବେଶ ମନ୍ତ୍ରୀ ଗୋପାଳ ରାୟ ଏ ସମ୍ପର୍କରେ ସୂଚନା ଦେଇଛନ୍ତି । ବୃଦ୍ଧି ପାଉଥିବା ପ୍ରଦୂଷଣକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି ବୋଲି ସେ କହିଛନ୍ତି । ତଥାପି, ଅତ୍ୟାବଶ୍ୟକ ସେବାର ଟ୍ରକଗୁଡ଼ିକୁ ପୂର୍ବ ପରି ଏଣ୍ଟ୍ରି ଦିଆଯିବ ବୋଲି କହିଛନ୍ତି । ଏଥିସହିତ ସିଏନଜି ଏବଂ ବୈଦ୍ୟୁତିକ ଟ୍ରକ ମଧ୍ୟ ପ୍ରବେଶ କରିପାରିବ ।

ପରିବେଶ ମନ୍ତ୍ରୀ ଗୋପାଳ ରାୟଙ୍କ ଅନୁଯାୟୀ, ଅଧା କର୍ମଚାରୀଙ୍କୁ ୱାର୍କ ଫ୍ରମ୍ ହୋମ୍ ପାଇଁ ପଠାଇବାକୁ କମ୍ପାନୀଗୁଡିକୁ ନିର୍ଦ୍ଦେଶ ଜାରି କରାଯାଇଛି । ସେ କହିଛନ୍ତି ଯେ ସମସ୍ତ ପ୍ରକାର ଡିଜେଲ ଯାନ ଉପରେ ମଧ୍ୟ ନିଷେଧାଦେଶ ଲଗାଯାଇଛି । କିନ୍ତୁ, ଜରୁରୀକାଳୀନ ସେବା ଯାନଗୁଡିକୁ ଏଥିରକୁ ବାଦ୍ ଦିଆଯାଇଛି ।

ଆପଣଙ୍କୁ କହି ରଖୁଛୁ ଦୀପାବଳିର ଗୋଟିଏ ଦିନ ପର ପର୍ଯ୍ୟନ୍ତ, ଦାବି କରାଯାଉଥିଲା ଯେ ଏଥର ପ୍ରଦୂଷଣର ସ୍ତର ଗତ କିଛି ବର୍ଷ ତୁଳନାରେ କମ୍ ରହିଛି । ଏହା ପଛରେ ବାଣ ଫୁଟାଇବା ଉପରେ ପ୍ରତିବନ୍ଧକ ସମେତ ଅନେକ କାରଣ ଦର୍ଶାଯାଇଥିଲା । କିନ୍ତୁ ବର୍ତ୍ତମାନ ଦୀପାବଳିର 10 ଦିନ ପରେ ପ୍ରଦୂଷଣ ଯୋଗୁଁ ପରିସ୍ଥିତି ଅଧିକ ଖରାପ ହୋଇଯାଇଛି ।

ଏହାପୂର୍ବରୁ ସୂଚନା ଦେବାବେଳେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିୱାଲ କହିଥିଲେ ଯେ ପ୍ରଦୂଷଣକୁ ହ୍ରାସ କରିବା ପାଇଁ ଯୁଗ୍ମ-ଅଯୁଗ୍ମ(ଅଡ୍-ଇଭିନ୍) ଉପରେ ମଧ୍ୟ ବିଚାର କରାଯାଉଛି । ଏଥି ସହିତ, ଆଗାମୀ ନିର୍ଦ୍ଦେଶ ପର୍ଯ୍ୟନ୍ତ ଦିଲ୍ଲୀର ପ୍ରାଥମିକ ବିଦ୍ୟାଳୟ ମଧ୍ୟ ବନ୍ଦ ରହିଛି । ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ ଦିଲ୍ଲୀବାସୀ କୌଣସି ପ୍ରକାରର ସମସ୍ୟାର ସମ୍ମୁଖୀନ ନହେବା ନେଇ ଆମ ପକ୍ଷରୁ ଏହି ନିର୍ଦ୍ଦେଶ ଦିଆଯାଇଛି ।

English summary

Delhi pollution : truck entry ban and order work from home In Delhi