ଦିଲ୍ଲୀରେ ବଢୁଛି ପ୍ରଦୂଷଣ, ନୋଏଡାରେ 400 ପାର୍ ହେଲା AQI

ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (AQI) ବୁଧବାର ଦିନ 354 ରେକର୍ଡ କରାଯାଇଛି । ଏଥି ସହିତ ବାୟୁ ଗୁଣବତ୍ତା ଡାଟା ଏଜେନ୍ସି 'ସଫର' କହିଛି ଯେ ୟୁପିର ନୋଏଡା ଠାରେ AQI 406 ରେ ପହଞ୍ଚିଛି ।

ଦିଲ୍ଲୀ : ଦୀପାବଳୀ ପୂର୍ବରୁ ଦିଲ୍ଲୀ ବାୟୁରେ ବିସ୍ତାରିତ ହୋଇଥିବା ପ୍ରଦୂଷଣ ଏବେବି ଜାରି ରହିଛି । ରାଜଧାନୀ ସମେତ ଏହାର ଆଖପାଖ ଲୋକ ବିଷାକ୍ତ ବାୟୁରେ ନିଶ୍ୱାସ ନେବାକୁ ବାଧ୍ୟ ହେଉଛନ୍ତି । ବୁଧବାର ଦିଲ୍ଲୀର ବାୟୁ ଗୁଣବତ୍ତା ଅତ୍ୟନ୍ତ ଖରାପ ବର୍ଗରେ ଥିବା ରେକର୍ଡ କରାଯାଇଛି ।

ପାଣିପାଗ ବିଭାଗ ଅନୁଯାୟୀ, ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (AQI) ବୁଧବାର ଦିନ 354 ରେକର୍ଡ କରାଯାଇଛି । ଏଥି ସହିତ ବାୟୁ ଗୁଣବତ୍ତା ଡାଟା ଏଜେନ୍ସି 'ସଫର' କହିଛି ଯେ ୟୁପିର ନୋଏଡା ଠାରେ AQI 406 ରେ ପହଞ୍ଚିଛି, ଯାହା ବାୟୁ ପ୍ରଦୂଷଣର ଗୁରୁତର ବର୍ଗରେ ରେକର୍ଡ କରାଯାଇଛି ।

ଏହା ବ୍ୟତୀତ ବୁଧବାର ଗୁରୁଗ୍ରାମରେ ବାୟୁ ଗୁଣବତ୍ତା ମଧ୍ୟ ଅତ୍ୟନ୍ତ ଖରାପ ରହିଥିଲା ଏବଂ AQI 346 ରେ ରେକର୍ଡ କରାଯାଇଥିଲା । ଉଭୟ ନୋଏଡା ଏବଂ ଗୁରୁଗ୍ରାମ ଏନସିଆରର ଅଂଶ । ଯଦିଓ ଆଜି ଦିଲ୍ଲୀର କିଛି ଅଞ୍ଚଳରେ AQI ରେ ସାମାନ୍ୟ ହ୍ରାସ ଲୋକମାନଙ୍କ ଆଶ୍ୱସ୍ତିଜନକ ଖବର, ତଥାପି ବାୟୁ ପ୍ରଦୂଷଣ ଚିନ୍ତାର କାରଣ ପାଲଟିଛି ।

ଏଜେନ୍ସି 'ସଫର' ଅନୁଯାୟୀ, ମଡେଲ ଟାଉନର ଧୀରପୁରରେ AQI 356 ଏବଂ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର ଟର୍ମିନାଲ 3 ନିକଟରେ AQI 350 ରେକର୍ଡ କରାଯାଇଛି । ଏହାପୂର୍ବରୁ ଶନିବାର ଦିନ ଦିଲ୍ଲୀର ବାୟୁ ଗୁଣବତ୍ତା ଗୁରୁତର ବର୍ଗରେ ପହଞ୍ଚିଥିଲା । ଏଥି ସହିତ ବାୟୁ ପ୍ରଦୂଷଣର ପରିସ୍ଥିତିକୁ ଦୃଷ୍ଟିରେ ରଖି ଦିଲ୍ଲୀ ସରକାର ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ସମସ୍ତ ପ୍ରକାର ନିର୍ମାଣ କାର୍ଯ୍ୟ ଏବଂ ଭାଙ୍ଗିବା କାର୍ଯ୍ୟ ଉପରେ ପ୍ରତିବନ୍ଧକ ଲଗାଇଛନ୍ତି ।

English summary

Delhi Pollution : AQI crosses 400 in Noida